ਤੇਲ ਲਈ ਮਾਰੋ-ਮਾਰ… ਪੈਟਰੋਲ ਪੰਪ ਦੇ ਮਾਲਕ ਨਾਲ ਉਲਝਿਆ ਕਿਸਾਨ ਆਗੂ

ਤੇਲ ਲਈ ਮਾਰੋ-ਮਾਰ… ਪੈਟਰੋਲ ਪੰਪ ਦੇ ਮਾਲਕ ਨਾਲ ਉਲਝਿਆ ਕਿਸਾਨ ਆਗੂ

ਗੁਰਦਾਸਪੁਰ (ਵੀਓਪੀ ਬਿਊਰੋ) ਇੱਕ ਪਾਸੇ ਦੇਸ਼ ਭਰ ਵਿੱਚ ਤੇਲ ਅਤੇ ਐੱਲ.ਪੀ.ਜੀ. ਨੂੰ ਲੈ ਕੇ ਦਿੱਕਤ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਲੋਕਾਂ ਵਿੱਚ ਪੈਨਿਕ ਮਾਹੌਲ ਹੈ ਅਤੇ ਲੋਕ ਜਲਦੀ ਤੋਂ ਜਲਦੀ ਐੱਲ.ਪੀ.ਜੀ. ਪੈਟਰੋਲ ਡੀਜ਼ਲ ਨੂੰ ਸਟੋਰ ਕਰਨ ‘ਤੇ ਲੱਗੇ ਹੋਏ ਹਨ। ਉੱਥੇ ਹੀ ਦੂਜੇ ਪਾਸਿਓਂ ਕਈ ਜਗ੍ਹਾ ਤੋਂ ਅਜਿਹੇ ਮਾਮਲੇ ਵੀ ਸਾਹਮਣੇ ਆ ਰਹੇ ਨੇ, ਜਿਥੇ ਐੱਲਪੀਜੀ ਅਤੇ ਪੈਟਰੋਲ ਨੂੰ ਲੈ ਕੇ ਝੜਪਾਂ ਹੋ ਰਹੀਆਂ ਹਨ। ਅਜਿਹਾ ਹੀ ਇੱਕ ਮਾਮਲਾ ਸਾਹਮਣੇ ਆਇਆ ਹੈ ਗੁਰਦਾਸਪੁਰ ਤੋਂ।

ਗੁਰਦਾਸਪੁਰ ਦੇ ਕਸਬਾ ਕਾਨੂੰਵਾਨ ਨੇੜੇ ਭੁੱਲ ਸਠਿਆਲੀ ‘ਤੇ ਸਥਿਤ ਇੱਕ ਪੈਟਰੋਲ ਪੰਪ ਉੱਪਰ ਤੇਲ ਪਵਾਉਣ ਆਏ ਇੱਕ ਕਿਸਾਨ ਆਗੂ ਅਤੇ ਪੈਟਰੋਲ ਪੰਪ ਦੇ ਪ੍ਰਬੰਧਕਾਂ ਵਿੱਚ ਹੰਗਾਮਾ ਵੇਖਣ ਨੂੰ ਮਿਲਿਆ, ਜਿਸ ਉਪਰੰਤ ਉਪਰੰਤ ਕੁਝ ਹੋਰ ਕਿਸਾਨ ਯੂਨੀਅਨ ਦੇ ਆਗੂ ਪੈਟਰੋਲ ਪੰਪ ਤੇ ਪਹੁੰਚ ਗਏ। ਜਿੱਥੇ ਉਹਨਾਂ ਨੇ ਪੈਟਰੋਲ ਪੰਪ ਵਾਲਿਆਂ ਤੇ ਤੇਲ ਸਟੋਰ ਕਰਨ ਦੇ ਇਲਜ਼ਾਮ ਲਗਾਏ ਪਰ ਇਸ ਦੇ ਉਲਟ ਪੈਟਰੋਲ ਪੰਪ ਦੇ ਪ੍ਰਬੰਧਕਾਂ ਅਤੇ ਕੁਝ ਲੋਕਾਂ ਨੇ ਕਿਸਾਨ ਯੂਨੀਅਨ ਦੇ ਇਸ ਵਤੀਰੇ ਪ੍ਰਤੀ ਰੋਸ ਪ੍ਰਗਟਾਇਆ।