Shimla ਜਾਂ ਵਾਲੇ ਸਾਵਧਾਨ। ਸੜਕਾਂ ’ਤੇ ਵਾਹਨਾਂ ਦਾ ਸੈਲਾਬ, 15 ਮਿੰਟ ਦਾ ਸਫ਼ਰ 2 ਘੰਟਿਆਂ ’ਚ

ਇੱਕ ਦਿਨ ’ਚ ਸ਼ੋਘੀ ਬੈਰੀਅਰ ਰਾਹੀਂ ਸ਼ਿਮਲਾ ਪਹੁੰਚੇ 16,277 ਵਾਹਨ, 7,060 ਬਾਹਰੀ ਸੂਬਿਆਂ ਦੇ

ਸ਼ਿਮਲਾ (ਵੀਓਪੀ ਬਿਊਰੋ) ਸੈਲਾਨੀ ਸੀਜ਼ਨ ਦੌਰਾਨ ਰਾਜਧਾਨੀ ਸ਼ਿਮਲਾ ਵਿੱਚ ਟ੍ਰੈਫਿਕ ਦਾ ਦਬਾਅ ਲਗਾਤਾਰ ਵਧ ਰਿਹਾ ਹੈ। ਸ਼ੁੱਕਰਵਾਰ ਨੂੰ ਸ਼ੋਘੀ ਬੈਰੀਅਰ ’ਤੇ ਦਰਜ ਅੰਕੜਿਆਂ ਮੁਤਾਬਕ ਕੁੱਲ 16,277 ਵਾਹਨ ਸ਼ਿਮਲਾ ਪਹੁੰਚੇ, ਜਿਨ੍ਹਾਂ ਵਿੱਚੋਂ 7,060 ਵਾਹਨ ਬਾਹਰੀ ਸੂਬਿਆਂ ਦੇ ਸਨ। ਆਮ ਦਿਨਾਂ ਵਿੱਚ ਵੀ ਕਰੀਬ 10 ਹਜ਼ਾਰ ਵਾਹਨ ਰੋਜ਼ਾਨਾ ਸ਼ਿਮਲਾ ਪਹੁੰਚ ਰਹੇ ਹਨ।

ਇੱਕ ਹਫ਼ਤੇ ਵਿੱਚ ਸ਼ਿਮਲਾ ਪਹੁੰਚਣ ਵਾਲੇ ਵਾਹਨਾਂ ਦੀ ਗਿਣਤੀ 70 ਤੋਂ 80 ਹਜ਼ਾਰ ਤੱਕ ਪਹੁੰਚ ਰਹੀ ਹੈ। ਇਨ੍ਹਾਂ ਵਿੱਚ ਲਗਭਗ 50 ਫ਼ੀਸਦੀ ਵਾਹਨ ਬਾਹਰੀ ਸੂਬਿਆਂ ਤੋਂ ਆ ਰਹੇ ਹਨ। ਵਾਹਨਾਂ ਦੀ ਵਧਦੀ ਗਿਣਤੀ ਕਾਰਨ ਸ਼ਹਿਰ ਦੀਆਂ ਮੁੱਖ ਸੜਕਾਂ ਅਤੇ ਸੈਰ-ਸਪਾਟਾ ਸਥਾਨਾਂ ਦੇ ਨੇੜੇ ਟ੍ਰੈਫਿਕ ਦਾ ਦਬਾਅ ਵਧ ਗਿਆ ਹੈ।

ਸ਼ਿਮਲਾ ਆਉਣ ਵਾਲੇ ਸੈਲਾਨੀਆਂ ਨੂੰ ਟ੍ਰੈਫਿਕ ਜਾਮ ਕਾਰਨ ਭਾਰੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਸੈਲਾਨੀਆਂ ਮੁਤਾਬਕ ਸ਼ਹਿਰ ਵਿੱਚ ਦਾਖ਼ਲ ਹੋਣ ਤੋਂ ਬਾਅਦ ਮਾਲ ਰੋਡ ਤੱਕ ਪਹੁੰਚਣ ਵਿੱਚ 1 ਤੋਂ 2 ਘੰਟੇ ਲੱਗ ਰਹੇ ਹਨ, ਜਦਕਿ ਆਮ ਹਾਲਾਤਾਂ ਵਿੱਚ ਇਹ ਸਫ਼ਰ ਸਿਰਫ਼ 15 ਤੋਂ 20 ਮਿੰਟ ਵਿੱਚ ਪੂਰਾ ਹੋ ਜਾਂਦਾ ਹੈ। ਜਾਮ ਕਾਰਨ ਸੈਲਾਨੀਆਂ ਦਾ ਕਾਫ਼ੀ ਸਮਾਂ ਸੜਕਾਂ ’ਤੇ ਹੀ ਬੀਤ ਰਿਹਾ ਹੈ।

ਸ਼ਿਮਲਾ ਦੇ ਡੀਐਸਪੀ ਟ੍ਰੈਫਿਕ ਚੰਦਰਸ਼ੇਖਰ ਨੇ ਸਥਾਨਕ ਲੋਕਾਂ, ਸੈਲਾਨੀਆਂ ਅਤੇ ਵਾਹਨ ਚਾਲਕਾਂ ਨੂੰ ਟ੍ਰੈਫਿਕ ਨਿਯਮਾਂ ਦੀ ਪਾਲਣਾ ਕਰਨ ਅਤੇ ਸਬਰ ਬਣਾਈ ਰੱਖਣ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਸ਼ਿਮਲਾ ਪੁਲਿਸ ਟ੍ਰੈਫਿਕ ਵਿਵਸਥਾ ਨੂੰ ਸੁਚਾਰੂ ਬਣਾਉਣ ਅਤੇ ਸ਼ਹਿਰ ਨੂੰ ਜਾਮ ਤੋਂ ਰਾਹਤ ਦਿਵਾਉਣ ਲਈ ਲਗਾਤਾਰ ਕੰਮ ਕਰ ਰਹੀ ਹੈ। ਉਨ੍ਹਾਂ ਵਾਹਨ ਚਾਲਕਾਂ ਨੂੰ ਨਿਯਮਾਂ ਦੀ ਪਾਲਣਾ ਕਰਨ ਅਤੇ ਪੁਲਿਸ ਦਾ ਸਹਿਯੋਗ ਦੇਣ ਦੀ ਅਪੀਲ ਕੀਤੀ।