ਧੁੰਦ ਨੇ ਖਤਰੇ ‘ਚ ਪਾਈ ਜਾਨ, ਯਾਤਰੀਆਂ ਨਾਲ ਭਰਿਆ ਵਾਹਨ ਨਹਿਰ ‘ਚ ਡਿੱਗਿਆ
ਮਾਨਸਾ (ਵੀਓਪੀ ਬਿਊਰੋ) ਸੰਘਣੀ ਧੁੰਦ ਦੇ ਕਾਰਨ ਆਏ ਦਿਨ ਹਾਦਸੇ ਵਾਪਰ ਰਹੇ ਹਨ। ਤਾਜ਼ਾ ਮਾਮਲਾ ਸਾਹਮਣੇ ਆਇਆ ਹੈ ਮਾਨਸਾ ਤੋਂ, ਜਿੱਥੇ ਦੋ ਵਾਹਨਾਂ ਦੀ ਧੁੰਦ ਕਾਰਨ ਟੱਕਰ ਹੋ ਗਈ ਅਤੇ ਇਸ ਦੌਰਾਨ ਇੱਕ ਵਾਹਨ ਨਹਿਰ ਵਿੱਚ ਡਿੱਗ ਪਿਆ। ਇਹ ਹਾਦਸਾ ਮਾਨਸਾ ਦੇ ਪਿੰਡ ਬਰੇਟਾ ਮੇਰੇ ਵਾਪਰਿਆ।
ਜਾਣਕਾਰੀ ਮੁਤਾਬਕ ਇੱਥੇ ਆਲਟੋ ਕਾਰ ਅਤੇ ਪਿਕਅੱਪ ਵਿਚਾਲੇ ਟੱਕਰ ਹੋ ਗਈ ਅਤੇ ਇਸ ਤੋਂ ਬਾਅਦ ਧਾਰਮਿਕ ਸਥਾਨ ਤੋਂ ਯਾਤਰੀਆਂ ਨੂੰ ਲੈ ਕੇ ਆ ਰਿਹਾ ਪਿਕਅੱਪ ਵਾਹਨ ਕੰਟਰੋਲ ਖੋਹ ਕੇ ਨਹਿਰ ਵਿੱਚ ਡਿੱਗ ਪਿਆ। ਪਿਕਅੱਪ ਵਿੱਚ 13 ਯਾਤਰੀਆਂ ਅਤੇ ਇੱਕ ਬੱਚਾ ਸਵਾਰ ਸੀ, ਜੋ ਕਿ ਨਹਿਰ ਵਿੱਚ ਡਿੱਗ ਪਏ।
ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਸਥਾਨਕ ਲੋਕਾਂ ਨੇ ਤੁਰੰਤ ਨਹਿਰ ਵਿੱਚੋਂ ਸਾਰੇ ਯਾਤਰੀਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ। ਬਰੇਟਾ ਥਾਣੇ ਦੇ ਇੰਚਾਰਜ ਨੇ ਦੱਸਿਆ ਕਿ ਅੱਜ ਸਵੇਰੇ ਧੁੰਦ ਕਾਰਨ ਬਖਸ਼ੀਵਾਲਾ ਨਹਿਰ ਦੇ ਨੇੜੇ ਦੋ ਵਾਹਨ ਟਕਰਾ ਗਏ, ਜਿਸ ਕਾਰਨ ਬੋਲੋਰੋ ਗੱਡੀ ਨਹਿਰ ਵਿੱਚ ਡਿੱਗ ਗਈ। ਉਨ੍ਹਾਂ ਦੱਸਿਆ ਕਿ ਗੱਡੀ ਵਿੱਚ ਸਵਾਰ ਸਾਰੇ ਯਾਤਰੀਆਂ ਨੂੰ ਸੁਰੱਖਿਅਤ ਬਚਾ ਲਿਆ ਗਿਆ ਹੈ।
