ਨਵੇਂ ਸਾਲ ਵਾਲੇ ਦਿਨ 22 ਸਾਲਾਂ ਕੁੜੀ ਦੀ ਮੌ+ਤ
ਵੀਓਪੀ ਬਿਊਰੋ – ਨਵਾਂ ਸਾਲ 2026 ਕਈਆਂ ਲਈ ਖੁਸ਼ੀਆਂ ਤੇ ਕਈਆਂ ਲਈ ਬੁਰੀ ਖ਼ਬਰ ਲੈ ਕੇ ਆਇਆ ਹੈ। ਜਿੱਥੇ ਗੜ੍ਹਸ਼ੰਕਰ ਵਿੱਚ ਸੜਕ ਹਾਦਸੇ ਵਿੱਚ 3 ਨੌਜਵਾਨਾਂ ਦੀ ਮੌਤ ਹੋ ਗਈ, ਉੱਥੇ ਹੀ ਜਲੰਧਰ ਤੋਂ ਵੀ ਮੰਦਭਾਗੀ ਖ਼ਬਰ ਸਾਹਮਣੇ ਆਈ, ਜਿੱਥੇ ਇੱਕ 22 ਸਾਲਾਂ ਕੁੜੀ ਦੀ ਮੌਤ ਹੋ ਗਈ। ਜਲੰਧਰ ਦੇ ਮਿੱਠਾ ਬਾਜ਼ਾਰ ਇਲਾਕੇ ਵਿੱਚ 22 ਸਾਲਾ ਕੁੜੀ ਦੀ ਬਾਥਰੂਮ ਗੀਜ਼ਰ ਵਿੱਚੋਂ ਗੈਸ ਲੀਕ ਹੋਣ ਕਾਰਨ ਦਮ ਘੁੱਟਣ ਨਾਲ ਮੌਤ ਹੋ ਗਈ। ਮ੍ਰਿਤਕ ਮੁਨਮੁਨ ਚਿਤਵਾਨ, ਸ਼ਿਵ ਸੈਨਾ ਦੇ ਉੱਤਰੀ ਭਾਰਤ ਮੁਖੀ ਦੀਪਕ ਕੰਬੋਜ ਦੀ ਧੀ ਸੀ।
ਦੁਖਦਾਈ ਪਹਿਲੂ ਇਹ ਹੈ ਕਿ ਮੁਨਮੁਨ ਦਾ ਜਨਮਦਿਨ ਨਵੇਂ ਸਾਲ ਵਾਲੇ ਦਿਨ ਸੀ, ਅਤੇ ਘਰ ਵਿੱਚ ਤਿਆਰੀਆਂ ਚੱਲ ਰਹੀਆਂ ਸਨ, ਜੋ ਅਚਾਨਕ ਸੋਗ ਵਿੱਚ ਬਦਲ ਗਈਆਂ।
