ਜਿੱਥੇ ਲੋਕ ਮੰਗਦੇ ਨੇ ਦੁਆਵਾਂ, ਉੱਥੇ ਹੀ ਚੋਰ ਨੇ ਬੋਲਿਆ ਧਾਵਾ
ਗੁਰਦਾਸਪੁਰ (ਵੀਓਪੀ ਬਿਊਰੋ) ਗੁਰਦਾਸਪੁਰ ਵਿੱਚ ਚੋਰ ਪੂਰੀ ਤਰ੍ਹਾਂ ਸਰਗਰਮ ਨਜ਼ਰ ਆ ਰਹੇ ਹਨ ਅਤੇ ਧਾਰਮਿਕ ਸਥਾਨਾਂ ਨੂੰ ਵੀ ਨਿਸ਼ਾਨਾ ਬਣਾ ਰਹੇ ਹਨ। ਬੀਤੀ ਰਾਤ ਸ਼ਹਿਰ ਦੇ ਵੱਖ ਵੱਖ ਇਲਾਕਿਆਂ ਵਿੱਚ ਸਥਿਤ ਦੋ ਮੰਦਰਾਂ ਵਿੱਚ ਚੋਰੀ ਕਰਨ ਤੋਂ ਬਾਅਦ ਇਸਨੇ ਅੱਜ ਰਾਤ ਫਿਰ ਇੱਕ ਹੋਰ ਮੰਦਰ ਨੂੰ ਨਿਸ਼ਾਨਾ ਬਣਾਇਆ।
ਅੰਮਾ ਮਾੜਾ ਚੌਂਕ ਦੇ ਨੇੜੇ ਸਥਿਤ ਵੰਡੇ ਡਰਾਈਕਲੀਨ ਦੇ ਸਾਹਮਣੇ ਰਾਮ ਗਲੀ ਵਿੱਚ ਸ਼੍ਰੀ ਰਾਮ ਮੰਦਿਰ ਦਾ ਤਾਲਾ ਤੋੜ ਕੇ ਇਹ ਚੋਰ ਮੰਦਰ ਦੇ ਅੰਦਰ ਵੜਿਆ ਤੇ ਅੰਦਰ ਪਈ ਸਾਢੇ ਅੱਠ ਹਜ਼ਾਰ ਰੁਪਏ ਦੇ ਕਰੀਬ ਦੀ ਨਕਦੀ ਚੋਰੀ ਕਰਕੇ ਲੈ ਗਿਆ। ਇਹ ਪੈਸੇ ਮੰਦਰ ਪ੍ਰਬੰਧਕ ਕਮੇਟੀ ਵੱਲੋਂ ਮੰਦਰ ਦੀ ਥੜੀ ਬਣਾਉਣ ਲਈ ਰੱਖੇ ਗਏ ਸਨ। ਚੋਰ ਦੀ ਮੰਦਰ ਅੰਦਰ ਚੋਰੀ ਕਰਦੇ ਦੀ ਇੱਕ ਸੀਸੀਟੀਵੀ ਵੀਡੀਓ ਵੀ ਸਾਹਮਣੇ ਆਈ ਹੈ।
