ਪੁਲਿਸ ਮੁਲਾਜ਼ਮ ਤੋਂ ਹੀ ਮੰਗ ਲਈ ਰਿਸ਼ਵਤ, ਵਿਜੀਲੈਂਸ ਨੇ ਕੀਤਾ ਕਾਬੂ

ਪੁਲਿਸ ਮੁਲਾਜ਼ਮ ਤੋਂ ਹੀ ਮੰਗ ਲਈ ਰਿਸ਼ਵਤ, ਵਿਜੀਲੈਂਸ ਨੇ ਕੀਤਾ ਕਾਬੂ

ਬਰਨਾਲਾ (ਵੀਓਪੀ ਬਿਊਰੋ) ਭਾਰਤ ਵਿੱਚੋਂ ਰਿਸ਼ਵਤਖੋਰੀ ਤੇ ਭਰਿਸ਼ਟਾਚਾਰੀ ਖਤਮ ਹੋਣ ਦਾ ਨਾਂ ਹੀ ਨਹੀਂ ਲੈ ਰਹੇ ਹਰ ਸਰਕਾਰੀ ਦਫਤਰ ਵਿੱਚ ਕੋਈ ਨਾ ਕੋਈ ਅਜਿਹਾ ਭਰਿਸ਼ਟ ਅਧਿਕਾਰੀ ਜਾਂ ਕਰਮਚਾਰੀ ਬੈਠਾ ਹੁੰਦਾ ਹੈ ਜੋ ਆਮ ਲੋਕਾਂ ਕੋਲੋਂ ਵਾਧੂ ਪੈਸੇ ਹੇਂਠ ਲੈਂਦਾ ਹੈ। ਇਸ ਭਰਿਸ਼ਟਾਚਾਰ ਕਾਰਨ ਹੀ ਸਾਡਾ ਦੇਸ਼ ਇਨਾ ਪਿੱਛੇ ਹੈ ਪੰਜਾਬ ਵਿੱਚੋਂ ਸਰਕਾਰ ਨੇ ਭਰਿਸ਼ਟਾਚਾਰੀ ਖਤਮ ਕਰਨ ਲਈ ਕਾਫੀ ਉਪਰਾਲੇ ਕੀਤੇ ਪਰ ਫਿਰ ਵੀ ਭਰਿਸ਼ਟਾਚਾਰੀ ਕਿਤੇ ਨਾ ਕਿਤੇ ਮਿਲ ਹੀ ਜਾਂਦੇ ਨੇ ਹੁਣ ਅਜਿਹਾ ਹੀ ਮਾਮਲਾ ਸਾਹਮਣੇ ਆਇਆ ਹੈ ਬਰਨਾਲਾ ਤੋਂ।

ਰਿਸ਼ਵਤ ਖੋਰੀ ਵਿਰੁੱਧ ਚਲਾਈ ਗਈ ਮੁਹਿੰਮ ਨੂੰ ਲੈਕੇ ਵਿਜੀਲੈਂਸ ਬਿਊਰੋ ਯੂਨਿਟ ਬਰਨਾਲਾ ਨੂੰ ਉਸ ਸਮੇਂ ਵੱਡੀ ਕਾਮਯਾਬੀ ਮਿਲੀ ਜਦ ਸੀਨੀਅਰ ਕਪਤਾਨ ਪੁਲਿਸ ਬਰਨਾਲਾ ਦਫਤਰ ਵਿੱਚ ਤੈਨਾਤ ਸੀਨੀਅਰ ਸਹਾਇਕ ਦਵਿੰਦਰ ਸਿੰਘ ਨੂੰ ਇੱਕ ਪੁਲਿਸ ਮੁਲਾਜ਼ਮ ਦਾ ਕੰਮ ਕਰਾਉਣ ਬਦਲੇ 10,000 ਦੀ ਰਿਸ਼ਵਤ ਲੈਂਦੇ ਰੰਗੇ ਹੱਥੀ ਕਾਬੂ ਕਰਨ ਵਿੱਚ ਸਫਲਤਾ ਹਾਸਲ ਕਰ ਲਈ। ਜਿੱਥੇ ਵਿਜੀਲੈਂਸ ਬਿਊਰੋ ਨੇ ਮਾਮਲਾ ਦਰਜ ਕਰਕੇ ਦੋਸ਼ੀ ਨੂੰ ਗਵਾਹਾਂ ਦੀ ਹਾਜ਼ਰੀ ਵਿੱਚ ਰੰਗੇ ਹੱਥੀ ਗ੍ਰਿਫਤਾਰ ਕਰ ਲਿਆ।

ਪੰਜਾਬ ਪੁਲਿਸ ਵਿੱਚ ਡਿਊਟੀ ਕਰਨ ਵਾਲੇ ਏ.ਐਸ.ਆਈ ਮੱਖਣ ਸਾਹ ਦੀ ਸਰਵਿਸ ਵਿੱਚ 3 ਸਾਲ ਉਮਰ ਵਾਧਾ ਕਰਵਾਉਣ ਸਬੰਧੀ ਇੱਕ ਦਰਖਾਸਤ ਸੀਨੀਅਰ ਸਹਾਇਕ ਦਵਿੰਦਰ ਸਿੰਘ ਰਾਹੀਂ ਭੇਜੀ ਸੀ, ਜਿਸ ਤਹਿਤ ਕੰਮ ਕਰਾਉਣ ਬਦਲੇ 10,000 ਦੀ ਬਤੌਰ ਰਿਸ਼ਵਤ ਉਸ ਪੁਲਿਸ ਮੁਲਾਜ਼ਮ ਤੋਂ ਮੰਗੀ ਗਈ ਸੀ। ਜਿਸ ਤਹਿਤ ਵਿਜੀਲੈਂਸ ਬਰਨਾਲਾ ਦੀ ਰਿਸ਼ਵਤ ਵੱਲੋ ਕਾਰਵਾਈ ਕੀਤੀ ਗਈ ਹੈ।