ਸੀਟੀ ਵਰਲਡ ਸਕੂਲ ਦੇ ਨਿਸ਼ਾਨੇਬਾਜ਼ਾਂ ਦੀ ਵੱਡੀ ਉਪਲਬਧੀ, ਜ਼ਿਲ੍ਹਾ ਚੈਂਪੀਅਨਸ਼ਿਪ ਵਿੱਚ ਦੋ ਸੋਨੇ ਦੇ ਤਮਗੇ

ਜਲੰਧਰ ਵਿੱਚ ਹੋਈ ਜ਼ਿਲ੍ਹਾ ਪੱਧਰੀ ਸ਼ੂਟਿੰਗ ਚੈਂਪੀਅਨਸ਼ਿਪ ਵਿੱਚ ਸੀਟੀ ਵਰਲਡ ਸਕੂਲ ਅਤੇ ਸੀਟੀ ਵਰਲਡ ਸ਼ੂਟਿੰਗ ਅਕੈਡਮੀ ਦੇ ਖਿਡਾਰੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਸੰਸਥਾ ਦਾ ਨਾਮ ਰੌਸ਼ਨ ਕੀਤਾ। ਇਸ ਮੁਕਾਬਲੇ ਵਿੱਚ 500 ਤੋਂ ਵੱਧ ਨਿਸ਼ਾਨੇਬਾਜ਼ਾਂ ਨੇ ਭਾਗ ਲਿਆ। 

ਸੀਟੀ ਵਰਲਡ ਸਕੂਲ ਦੀ ਕਲਾਸ 12 ਦੀ ਵਿਦਿਆਰਥਣ ਗੁਰਸਿਮਰਨ ਕੌਰ ਨੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਸੋਨੇ ਦਾ ਤਮਗਾ ਜਿੱਤਿਆ। ਇਸਦੇ ਨਾਲ ਹੀ ਐਡਵੋਕੇਟ ਜੇ.ਪੀ. ਸਿੰਘ ਨੇ ਵੀ ਆਪਣੇ ਵਰਗ ਵਿੱਚ ਸੋਨਾ ਹਾਸਲ ਕਰਕੇ ਅਕੈਡਮੀ ਦਾ ਮਾਣ ਵਧਾਇਆ।

ਇਹ ਵੀ ਉਲੇਖਣਯੋਗ ਹੈ ਕਿ ਸਕੂਲ ਅਤੇ ਅਕੈਡਮੀ ਦੇ ਸਾਰੇ ਭਾਗੀਦਾਰ ਰਾਜ ਪੱਧਰ ਦੀ ਚੈਂਪੀਅਨਸ਼ਿਪ ਲਈ ਕਵਾਲੀਫਾਈ ਹੋ ਗਏ, ਜੋ ਉੱਚ ਮਿਆਰੀ ਟ੍ਰੇਨਿੰਗ ਅਤੇ ਅਨੁਸ਼ਾਸਨ ਦਾ ਪ੍ਰਤੀਕ ਹੈ।

ਸੀਟੀ ਵਰਲਡ ਸਕੂਲ ਵੱਲੋਂ ਗੁਰਸਿਮਰਨ ਕੌਰ (ਕਲਾਸ 12), ਹੇਰੰਬ ਅਗਰਵਾਲ (ਕਲਾਸ 12), ਯੋਧਵੀਰ ਸਿੰਘ (ਕਲਾਸ 9) ਅਤੇ ਪਾਵਿਕਾ ਬੰਗਰ (ਕਲਾਸ 8) ਨੇ ਭਾਗ ਲਿਆ। ਅਕੈਡਮੀ ਵੱਲੋਂ ਐਡਵੋਕੇਟ ਜੇ.ਪੀ. ਸਿੰਘ, ਗੁਰਵੀਰ ਸਿੰਘ, ਸੁਮਿੰਦਰ ਸਿੰਘ, ਤੇਜ ਵਰਿੰਦਰ ਕੈਲੀ ਅਤੇ ਹਰਸ਼ਵੀਰ ਸਿੰਘ ਨੇ ਰਾਜ ਪੱਧਰ ਲਈ ਆਪਣੀ ਯੋਗਤਾ ਦਰਜ ਕਰਵਾਈ।

ਐਡਵੋਕੇਟ ਜੇ.ਪੀ. ਸਿੰਘ ਨੇ ਆਪਣੀ ਸਫਲਤਾ ਦਾ ਸਿਹਰਾ ਅਕੈਡਮੀ ਦੀ ਉੱਚ ਪੱਧਰੀ ਟ੍ਰੇਨਿੰਗ ਅਤੇ ਮਾਹਿਰ ਮਾਰਗਦਰਸ਼ਨ ਨੂੰ ਦਿੱਤਾ। 

ਸੀਟੀ ਵਰਲਡ ਸਕੂਲ ਦੇ ਪ੍ਰਬੰਧਨ ਨੇ ਸਾਰੇ ਖਿਡਾਰੀਆਂ ਅਤੇ ਕੋਚਾਂ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਸੰਸਥਾ ਵਿਦਿਆਰਥੀਆਂ ਦੇ ਸਰਵਾਂਗੀਣ ਵਿਕਾਸ ਲਈ ਵਚਨਬੱਧ ਹੈ। 

ਪ੍ਰਿੰਸੀਪਲ ਮੈਡਮ ਆਰਤੀ ਜਸਵਾਲ ਨੇ ਗੁਰਸਿਮਰਨ ਕੌਰ ਨੂੰ ਵਧਾਈ ਦਿੰਦਿਆਂ ਸਾਰੇ ਭਾਗੀਦਾਰਾਂ ਦੀ ਹੌਸਲਾ ਅਫਜ਼ਾਈ ਕੀਤੀ ਅਤੇ ਰਾਜ ਪੱਧਰ ਦੇ ਮੁਕਾਬਲੇ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ।