ਜਲੰਧਰ(ਵੀਓਪੀ ਬਿਊਰੋ) ਦੇ ਲਾਂਬੜਾ ਥਾਣੇ ਅਧੀਨ ਪੈਂਦੇ ਪਿੰਡ ਗੱਦੋ ਵਾਲੀ ਵਿੱਚ ਚੋਰੀ ਦੀ ਵਾਰਦਾਤ ਸਾਹਮਣੇ ਆਈ ਹੈ। ਚੋਰ ਘਰ ਵਿੱਚੋਂ ਕਰੀਬ 2 ਤੋਲੇ ਸੋਨੇ ਦੇ ਗਹਿਣੇ ਅਤੇ 40 ਹਜ਼ਾਰ ਰੁਪਏ ਦੀ ਨਕਦੀ ਲੈ ਕੇ ਫਰਾਰ ਹੋ ਗਏ।
ਪਰਿਵਾਰ ਦੇ ਮੁਖੀ ਗੁਰਮੀਤ ਰਾਮ ਮੁਤਾਬਕ, ਚੋਰ ਤੜਕੇ ਕਰੀਬ 2 ਵਜੇ ਖਿੜਕੀ ਦਾ ਸ਼ੀਸ਼ਾ ਤੋੜ ਕੇ ਘਰ ਵਿੱਚ ਦਾਖਲ ਹੋਏ। ਉਸ ਸਮੇਂ ਉਹ ਨਾਲ ਵਾਲੇ ਕਮਰੇ ਵਿੱਚ ਸੁੱਤਾ ਹੋਇਆ ਸੀ। ਉਸਨੇ ਸ਼ੀਸ਼ਾ ਟੁੱਟਣ ਦੀ ਆਵਾਜ਼ ਤਾਂ ਸੁਣੀ, ਪਰ ਆਮ ਆਵਾਜ਼ ਸਮਝ ਕੇ ਧਿਆਨ ਨਹੀਂ ਦਿੱਤਾ।
ਸਵੇਰੇ ਕਰੀਬ ਸਵਾ 5 ਵਜੇ ਜਦੋਂ ਉਸਨੇ ਕਮਰੇ ਤੋਂ ਬਾਹਰ ਨਿਕਲਣ ਦੀ ਕੋਸ਼ਿਸ਼ ਕੀਤੀ ਤਾਂ ਦਰਵਾਜ਼ਾ ਬਾਹਰੋਂ ਬੰਦ ਸੀ। ਦਰਵਾਜ਼ਾ ਤੋੜ ਕੇ ਬਾਹਰ ਆਉਣ ਤੋਂ ਬਾਅਦ ਉਸਨੇ ਅਲਮਾਰੀ ਖੁੱਲ੍ਹੀ ਅਤੇ ਲਾਕਰ ਟੁੱਟਿਆ ਹੋਇਆ ਦੇਖਿਆ। ਜਾਂਚ ਕਰਨ ‘ਤੇ ਸੋਨੇ ਦੀਆਂ ਚੇਨਾਂ, ਅੰਗੂਠੀਆਂ, ਟੌਪਸ ਅਤੇ 40 ਹਜ਼ਾਰ ਰੁਪਏ ਗਾਇਬ ਮਿਲੇ।
