ਵੀਓਪੀ ਬਿਊਰੋ – Escape Media ਦੇ ਫਾਊਂਡਰ ਭੁਪਿੰਦਰ ਸਿੰਘ ਵੱਲੋਂ ਕਰਵਾਏ ਗਏ ਇਸ ਸਮਾਗਮ ਵਿੱਚ ਪੰਜਾਬ, ਹਰਿਆਣਾ ਅਤੇ ਟ੍ਰਾਈਸਿਟੀ ਦੇ ਮਾਰਕੀਟਿੰਗ ਪ੍ਰੋਫੈਸ਼ਨਲਜ਼, ਏਜੰਸੀਆਂ ਅਤੇ ਕ੍ਰੀਏਟਰਜ਼ ਨੇ ਲਿਆ ਹਿੱਸਾ; ਨੈੱਟਵਰਕਿੰਗ, ਨੌਲਿਜ ਸ਼ੇਅਰਿੰਗ ਅਤੇ ਇੰਡਸਟਰੀ ਗ੍ਰੋਥ ਬਾਰੇ ਹੋਈ ਅਹਿਮ ਚਰਚਾ।
ਡਿਜੀਟਲ ਮਾਰਕੀਟਿੰਗ ਅਤੇ ਬਿਜ਼ਨਸ ਗ੍ਰੋਥ ਦੇ ਖੇਤਰ ਵਿੱਚ ਆਪਣੀ ਵੱਖਰੀ ਪਛਾਣ ਬਣਾਉਣ ਵਾਲੇ ਡਾ. ਜੁਗਿੰਦਰ ਸਿੰਘ ਬੇਦੀ, ਜਿਨ੍ਹਾਂ ਨੂੰ ‘Digital Doctor of India’ ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ, ਨੇ ESCAPECON 2026 ਵਿੱਚ ਸ਼ਮੂਲੀਅਤ ਕੀਤੀ। ਇਸ ਸਮਾਗਮ ਵਿੱਚ ਪੰਜਾਬ, ਹਰਿਆਣਾ ਅਤੇ ਖਾਸ ਤੌਰ ’ਤੇ ਚੰਡੀਗੜ੍ਹ ਟ੍ਰਾਈਸਿਟੀ ਦੇ ਡਿਜੀਟਲ ਮਾਰਕੀਟਿੰਗ ਪ੍ਰੋਫੈਸ਼ਨਲਜ਼, ਏਜੰਸੀਆਂ, ਉੱਦਮੀਆਂ ਅਤੇ ਕੰਟੈਂਟ ਕ੍ਰੀਏਟਰਜ਼ ਨੇ ਭਾਗ ਲਿਆ।
ESCAPECON 2026 ਦਾ ਆਯੋਜਨ Escape Media ਦੇ ਫਾਊਂਡਰ ਭੁਪਿੰਦਰ ਸਿੰਘ ਵੱਲੋਂ ਕੀਤਾ ਗਿਆ। ਇਸ ਸਮਾਗਮ ਦਾ ਮੁੱਖ ਮਕਸਦ ਮਾਰਕੀਟਿੰਗ ਅਤੇ ਕ੍ਰੀਏਟਿਵ ਇੰਡਸਟਰੀ ਨਾਲ ਜੁੜੇ ਲੋਕਾਂ ਨੂੰ ਇੱਕ ਸਾਂਝਾ ਮੰਚ ਪ੍ਰਦਾਨ ਕਰਨਾ ਸੀ, ਜਿੱਥੇ ਉਹ ਇੱਕ-ਦੂਜੇ ਨਾਲ ਜੁੜ ਸਕਣ, ਆਪਣੇ ਤਜਰਬੇ ਸਾਂਝੇ ਕਰ ਸਕਣ ਅਤੇ ਬਿਜ਼ਨਸ ਗ੍ਰੋਥ ਦੇ ਨਵੇਂ ਮੌਕੇ ਤਲਾਸ਼ ਸਕਣ।
ਸਮਾਗਮ ਦਾ ਮੁੱਖ ਆਕਰਸ਼ਣ ਇੱਕ ਵਿਸ਼ੇਸ਼ ਪੈਨਲ ਡਿਸਕਸ਼ਨ ਰਿਹਾ, ਜਿਸ ਵਿੱਚ ਚਾਰ ਇੰਡਸਟਰੀ ਮਾਹਿਰਾਂ ਨੇ ਸ਼ਮੂਲੀਅਤ ਕੀਤੀ। ਇਨ੍ਹਾਂ ਵਿੱਚ ਡਾ. ਜੁਗਿੰਦਰ ਸਿੰਘ ਬੇਦੀ, ਪੰਜਾਬ ਫਿਲਮ ਸਿਟੀ ਦੇ ਇਕਬਾਲ ਚੀਮਾ, Praper Media ਦੇ ਪ੍ਰਥਮ ਜਿੰਦਲ ਅਤੇ Spotlight ਦੇ ਫਾਊਂਡਰ ਵਿਰਕਰਨ ਸਿੰਘ ਸ਼ਾਮਲ ਰਹੇ। ਇਸ ਸੈਸ਼ਨ ਨੂੰ Escape Media ਦੇ ਫਾਊਂਡਰ ਭੁਪਿੰਦਰ ਸਿੰਘ ਨੇ ਮੋਡਰੇਟ ਕੀਤਾ।
ਪੈਨਲ ਡਿਸਕਸ਼ਨ ਦੌਰਾਨ ਡਿਜੀਟਲ ਮਾਰਕੀਟਿੰਗ ਦੇ ਬਦਲਦੇ ਰੁਝਾਨਾਂ, ਏਜੰਸੀ ਗ੍ਰੋਥ, ਬਿਜ਼ਨਸ ਡਿਵੈਲਪਮੈਂਟ, ਕਲਾਇੰਟ ਮੈਨੇਜਮੈਂਟ, ਕ੍ਰੀਏਟਿਵ ਇੰਡਸਟਰੀ ਦੇ ਭਵਿੱਖ ਅਤੇ ਨਵੇਂ ਬਿਜ਼ਨਸ ਮੌਕਿਆਂ ਵਰਗੇ ਅਹਿਮ ਵਿਸ਼ਿਆਂ ’ਤੇ ਚਰਚਾ ਕੀਤੀ ਗਈ।
ਡਾ. ਜੁਗਿੰਦਰ ਸਿੰਘ ਬੇਦੀ ਨੇ ਆਪਣੇ ਇੰਡਸਟਰੀ ਤਜਰਬੇ ਦੇ ਆਧਾਰ ’ਤੇ ਡਿਜੀਟਲ ਮਾਰਕੀਟਿੰਗ, ਬਿਜ਼ਨਸ ਸਟ੍ਰੈਟਜੀ ਅਤੇ ਤੇਜ਼ੀ ਨਾਲ ਬਦਲ ਰਹੇ ਡਿਜੀਟਲ ਇਕੋਸਿਸਟਮ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਉਨ੍ਹਾਂ ਨੇ ਕਿਹਾ ਕਿ ਅੱਜ ਦੇ ਮੁਕਾਬਲੇਬਾਜ਼ੀ ਵਾਲੇ ਦੌਰ ਵਿੱਚ ਸਿਰਫ਼ ਮਾਰਕੀਟਿੰਗ ਸਕਿੱਲਜ਼ ਹੋਣਾ ਹੀ ਕਾਫ਼ੀ ਨਹੀਂ ਹੈ, ਸਗੋਂ ਨਵੀਂ ਸੋਚ, ਸਹੀ ਰਣਨੀਤੀ, ਨਵੀਂ ਤਕਨਾਲੋਜੀ ਨੂੰ ਅਪਣਾਉਣਾ ਅਤੇ ਮਜ਼ਬੂਤ ਨੈੱਟਵਰਕਿੰਗ ਵੀ ਬਿਜ਼ਨਸ ਦੀ ਸਫਲਤਾ ਲਈ ਬੇਹੱਦ ਜ਼ਰੂਰੀ ਹਨ।
