ਬਾਰਵੀਂ ਜਮਾਤ ਦੇ ਪ੍ਰੈਕਟੀਕਲ ਪੇਪਰ ਇਸ ਤਰੀਕੇ ਨੂੰ, ਜਾਣੋਂ OFF LINE ਜਾਂ ONLINE ਹੋਣਗੇ
ਮੁਹਾਲੀ (ਵੀਓਪੀ ਬਿਊਰੋ) – ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਮਹਾਂਮਾਰੀ ਦੇ ਦੌਰਾਨ 15 ਤੋਂ 26 ਜੂਨ ਤੱਕ ਆਨਲਾਈਨ ਤਰੀਕੇ ਰਾਹੀਂ 12ਵੀਂ ਕਲਾਸ ਦੀ ਪ੍ਰੈਕਟੀਕਲ ਪੇਪਰ ਲਵੇਗਾ। PSEB ਨੇ ਪਹਿਲਾਂ ਹੀ ਕਿੱਤਾਮੁਖੀ (ਵੋਕੇਸ਼ਨਲ) ਸਟ੍ਰੀਮ ਤੇ NSQF ਦੇ ਵਿਸ਼ਿਆਂ ਲਈ ਪ੍ਰੈਕਟੀਕਲ ਪ੍ਰੀਖਿਆ ਲੈ ਚੁੱਕਾ ਹੈ।
ਸਟੂਡੈਂਟਸ ਦੀ ਸਹੂਲਤ ਅਨੁਸਾਰ ਆੱਨਲਾਈਨ ਲਿਖਤੀ ਮੋਡ ਵਿੱਚ ਪ੍ਰੈਕਟੀਕਲ ਪੇਪਰ ਲਏ ਜਾਣਗੇ।
ਜਾਣਕਾਰੀ ਹੈ ਕਿ PSEB 12ਵੀਂ ਦਾ ਪ੍ਰੈਕਟੀਕਲ ਪ੍ਰਸ਼ਨ ਪੱਤਰ ਸਬੰਧਤ ਸਕੂਲ ਦੇ ਵਿਸ਼ੇ ਅਧਿਆਪਕ ਦੁਆਰਾ ਸੈੱਟ ਕੀਤਾ ਜਾਵੇਗਾ। ਦੱਸ ਦੇਈਏ ਕਿ ਭਾਵੇਂ ਸੀਬੀਐਸਈ ਸਮੇਤ ਕਈ ਰਾਜਾਂ ਨੇ 12ਵੀਂ ਬੋਰਡ ਦੀਆਂ ਪ੍ਰੀਖਿਆਵਾਂ ਰੱਦ ਕਰ ਦਿੱਤੀਆਂ ਹਨ, ਪਰ ਪੰਜਾਬ ਰਾਜ ਨੇ ਅਜੇ ਤੱਕ ਪੀਐਸਈਬੀ ਨੇ 12ਵੀਂ ਦੀ ਪ੍ਰੀਖਿਆ ਦੇ ਆਯੋਜਨ ਜਾਂ ਰੱਦ ਹੋਣ ਬਾਰੇ ਕੋਈ ਫੈਸਲਾ ਨਹੀਂ ਲਿਆ ਹੈ।
ਇਸ ਦੇ ਨਾਲ ਹੀ ਇਹ ਉਮੀਦ ਕੀਤੀ ਜਾਂਦੀ ਹੈ ਕਿ ਪੰਜਾਬ ਬੋਰਡ 12ਵੀਂ ਜਮਾਤ ਦੀ ਹਰੇਕ ਧਾਰਾ ਵਿਚੋਂ ਤਿੰਨ ਲਾਜ਼ਮੀ ਵਿਸ਼ਿਆਂ ਦੀ ਥਿਓਰੀ ਪ੍ਰੀਖਿਆਵਾਂ ਕਰਵਾ ਸਕਦਾ ਹੈ। ਇਸ ਦੇ ਨਾਲ ਹੀ ਬੋਰਡ ਵੱਲੋਂ ਜਾਰੀ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਜਿਸ ਦਿਨ ਪ੍ਰੈਕਟੀਕਲ ਪ੍ਰੀਖਿਆ ਲਈ ਜਾਏਗੀ, ਉਸੇ ਦਿਨ ਸਕੂਲਾਂ ਨੂੰ ਇਸ ਪ੍ਰੀਖਿਆ ਦੇ ਅੰਕ ਅਪਲੋਡ ਕਰਨੇ ਪੈਣਗੇ। ਸਕੂਲਾਂ ਨੂੰ 29 ਜੂਨ, 2021 ਤੱਕ ਪੀਐਸਈਬੀ ਦੇ 12 ਵੀਂ ਵਿਹਾਰਕ ਅੰਕ ਜਮ੍ਹਾਂ ਕਰਵਾਉਣੇ ਪੈਣਗੇ।
