ਛੇ ਫੇਰੇ ਲੈਣ ਤੋਂ ਬਾਅਦ ਸੱਤਵੇਂ ਫੇਰੇ ਵੇਲੇ ਲੜਕੀ ਨੇ ਕਿਹਾ ਮੈਂਨੂੰ ਲੜਕਾ ਪਸੰਦ ਨਹੀਂ, ਬੇਰੰਗ ਮੁੜੀ ਬਰਾਤ
ਉੱਤਰ ਪ੍ਰਦੇਸ਼ (ਵੀਓਪੀ ਬਿਊਰੋ) – ਵਿਆਹਾਂ ਤੋਂ ਪਹਿਲਾਂ ਰਿਸ਼ਤੇ ਤਾਂ ਬਹੁਤ ਟੁੱਟਦੇ ਹੋਣਗੇ ਪਰ ਅੱਜ ਇਕ ਫੇਰਿਆ ਵੇਲੇ ਵਿਆਹ ਹੀ ਟੁੱਟ ਗਿਆ। ਹੈਰਾਨੀ ਦੀ ਗੱਲ ਹੈ ਕਿ ਲਾੜੀ ਨੇ ਜੈਮਾਲਾ ਅਤੇ ਹੋਰ ਰਸਮਾਂ ਪੂਰਿਆਂ ਕਰਨ ਤੋਂ ਬਾਅਦ ਸੱਤ ਫੇਰੇ ਲੈਂਦੇ ਸਮੇਂ ਵਿਆਹ ਤੋਂ ਇਨਕਾਰ ਕਰ ਦਿੱਤਾ।
ਲੜਕੀ ਲੜਕੇ ਨਾਲ ਫੇਰੇ ਲੈ ਰਹੀ ਸੀ। ਜਦੋਂ ਹੀ ਛੇ ਫੇਰੇ ਹੋਏ ਤੇ ਸੱਤਵੇਂ ਫੇਰੇ ਲਈ ਲੜਕਾ ਅੱਗੇ ਹੋਇਆ ਤਾਂ ਲੜਕੀ ਨੇ ਫੇਰਾ ਲੈਣ ਤੋਂ ਮਨ੍ਹਾ ਕਰ ਦਿੱਤਾ। ਪੰਚਾਇਤ ਬੁਲਾਉਣ ਦੇ ਬਾਵਜੂਦ ਵੀ ਬਰਾਤ ਨੂੰ ਰੰਗੀ ਹੱਥੀ ਘਰ ਮੁੜਨਾ ਪਿਆ। ਹੁਣ ਇਹ ਮਾਮਲਾ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।
ਵੀਰਵਾਰ ਨੂੰ ਉੱਤਰ ਪ੍ਰਦੇਸ਼ ਦੇ ਮਹੋਬਾ ਵਿਚ ਝਾਂਸੀ ਦੀ ਕੁਲਪਹਾੜ ਤਹਿਸੀਲ ਦੇ ਇੱਕ ਪਿੰਡ ਤੋਂ ਬਰਾਤ ਆਈ ਸੀ। ਇਸ ਦੌਰਾਨ ਲਾੜੀ ਦੇ ਪਰਿਵਾਰ ਨੇ ਬਰਾਤ ਦਾ ਭਰਵਾਂ ਸਵਾਗਤ ਕੀਤਾ। ਸਾਰੀਆਂ ਰਸਮਾਂ ਪੂਰਿਆਂ ਕਰਕੇ ਸੱਤ ਫੇਰੇ ਲਏ ਜਾ ਰਹੇ ਸੀ। ਪਰ ਲਾੜੀ ਛੇ ਫੇਰੇ ਲੈਣ ਤੋਂ ਬਾਅਦ ਰੁਕ ਗਈ ਤੇ ਵਿਆਹ ਤੋਂ ਨਾਂਹ ਕਰ ਦਿੱਤੀ।
ਇਸ ਤੋਂ ਬਾਅਦ ਜਦੋਂ ਪਰਿਵਾਰ ਨੇ ਲਾੜੀ ਨੂੰ ਕਾਰਨ ਪੁੱਛਿਆ ਤਾਂ ਉਸ ਨੇ ਕਿਹਾ, ‘ਮੈਨੂੰ ਲਾੜਾ ਪਸੰਦ ਨਹੀਂ, ਇਸ ਲਈ ਮੈਂ ਵਿਆਹ ਨਹੀਂ ਕਰਾਂਗਾ।’ ਇਸ ਤੋਂ ਬਾਅਦ ਉਹ ਪੱਲੇ ਦੀ ਗੰਢ ਖੋਲ ਕੇ ਆਪਣੇ ਕਮਰੇ ਵਿਚ ਚਲੀ ਗਈ।
ਹਾਲਾਂਕਿ, ਜਦੋਂ ਲਾੜੀ ਦੀ ਮਾਂ ਅਤੇ ਪਿਤਾ ਨੇ ਉਸ ਨੂੰ ਇਨਕਾਰ ਕਰਨ ਦਾ ਕਾਰਨ ਪੁੱਛਿਆ, ਤਾਂ ਉਸ ਨੇ ਕਿਹਾ ਕਿ ਮੈਨੂੰ ਲਾੜਾ ਪਸੰਦ ਨਹੀਂ, ਇਸ ਲਈ ਮੈਂ ਵਿਆਹ ਨਹੀਂ ਕਰਾਂਗਾ। ਇਸ ਦੇ ਬਾਅਦ ਦੋਵਾਂ ਪਾਸਿਆਂ ਦੇ ਲੋਕ ਕਈ ਘੰਟੇ ਦੁਲਹਨ ਨੂੰ ਸਮਝਾਉਂਦੇ ਰਹੇ, ਪਰ ਉਸ ਨੇ ਕਿਸੇ ਦੀ ਨਹੀਂ ਸੁਣੀ।
