ਇਸ ਜ਼ਿਲ੍ਹੇ ‘ਚ ਬਿਜਲੀ ਡਿੱਗਣ ਨਾਲ 19 ਲੋਕਾਂ ਦੀ ਮੌਤ, ਪੜ੍ਹੋ
ਵੀਓਪੀ ਡੈਸਕ – ਐਤਵਾਰ ਨੂੰ ਪਏ ਤੇਜ਼ ਮੀਂਹ ਕਾਰਨ ਪਰਯਾਗਰਾਜ ਜ਼ਿਲ੍ਹੇ ਦੇ ਤੋਂ ਮਾੜੀ ਖਬਰ ਆਈ ਹੈ। ਇੱਥੇ ਬਿਜਲੀ ਡਿੱਗਣ ਨਾਲ 19 ਲੋਕਾਂ ਦੇ ਮਾਰੇ ਜਾਣ ਦੀ ਘਟਨਾ ਸਾਹਮਣੇ ਆਈ ਹੈ। ਜਿਹਨਾਂ ਦੀ ਬਿਜਲੀ ਡਿੱਗਣ ਨਾਲ ਮੌਤ ਹੋਈ ਹੈ ਉਹਨਾਂ ਵਿਚ ਸਭ ਤੋਂ ਵੱਧ ਲੋਕ ਪਰਯਾਗਰਾਜ ਜ਼ਿਲ੍ਹੇ ਨਾਲ ਸਬੰਧਿਤ ਹਨ।ਜਿੱਥੇ ਕੁਲ 14 ਲੋਕਾਂ ਦੀ ਮੌਤ ਹੋ ਗਈ, ਜਦੋਂ ਕਿ ਕੌਸਾਂਬੀ ਵਿਚ ਚਾਰ ਅਤੇ ਪ੍ਰਤਾਪਗੜ੍ਹ ਵਿਚ ਇਕ ਵਿਅਕਤੀ ਨੇ ਅਪਣੀ ਜਾਨ ਗਵਾਈ। ਕਈ ਲੋਕ ਗੰਭੀਰ ਰੂਪ ਨਾਲ ਝੁਲਸ ਗਏ, ਜਿਨ੍ਹਾਂ ਦਾ ਵੱਖ-ਵੱਖ ਹਸਪਤਾਲਾਂ ਵਿਚ ਇਲਾਜ ਚਲ ਰਿਹਾ ਹੈ।
ਸੋਰਾਉਂ ਦੇ ਪਿੰਡ ਰਹਿਸਪੁਰ ਮਲਕ ਬੇਲਾ ਵਿਚ ਝੋਨੇ ਦੀ ਬਿਜਾਈ ਕਰਦਿਆਂ ਬਿਜਲੀ ਦੀ ਲਪੇਟ ਵਿਚ ਆਉਣ ਕਾਰਨ ਗੀਤਾ ਦੇਵੀ (32) ਅਤੇ ਉਸ ਦੀ ਸੱਸ ਮਾਲਤੀ ਦੇਵੀ (55) ਦੀ ਮੌਤ ਹੋ ਗਈ। ਇਸੇ ਤਰ੍ਹਾਂ ਕੋਰਾਉਂ ਮਾਹੂਲੀ ਪਿੰਡ ਵਿਚ ਰਾਮ ਮੂਰਤ ਮਿਸਰਾ (58), ਭਜੇਸਰ ਪਿੰਡ ਵਿਚ ਬੱਕਰੀਆਂ ਚਰਾਉਣ ਗਏ ਰਾਮਰਾਜ (15), ਪੁਸਪੇਂਦਰ ਕੁਮਾਰ (11) ਬਿਜਲੀ ਡਿੱਗਣ ਦਾ ਸਕਾਰ ਹੋਏ। ਰੰਜਨਾ (17), ਨਵਾਬਗੰਜ ਦੇ ਸਰਾਏ ਦਾਦਨ ਪਿੰਡ ਦੀ ਵਸਨੀਕ, ਆਰਤੀ ਸਰੋਜ (18), ਸੁਲਤਾਨਪੁਰ ਦੀ ਰਹਿਣ ਵਾਲੀ ਬਿਜਲੀ ਦੀ ਵਜ੍ਹਾ ਨਾਲ ਅਪਣੀ ਜਾਨ ਤੋਂ ਹੱਥ ਧੋ ਬੈਠੀ, ਜਦਕਿ ਜਸਰਾ ਦੇ ਰੇਰਾ ਪਿੰਡ ਦੇ ਕੇਵਤਨ ਬਸਤੀ ਨਿਵਾਸੀ ਵਿਲੇਸ ਕੁਮਾਰ ਬਿੰਦ (18) ਦੀ ਮੌਤ ਹੋ ਗਈ।
