ਭਾਜਪਾ ਨੇ ਕੇਜਰੀਵਾਲ ਨੂੰ ਮਰਵਾ ਦੇਣਾ!… ਸਿਸੋਦੀਆ ਬੋਲਿਆ-ਰਚੀ ਜਾ ਰਹੀ ਹੈ ਵੱਡੀ ਸਾਜਿਸ਼, ਭਾਜਪਾ ਨੇ ਕੀਤਾ ਸੀ ਇਹ ਟਵੀਟ…
ਦਿੱਲੀ (ਵੀਓਪੀ ਬਿਊਰੋ) ਇਲੈਕਸ਼ਨ ਆਉਂਦੇ ਹੀ ਸਿਆਸਤਦਾਨ ਕਈ ਤਰ੍ਹਾਂ ਦੇ ਬਿਆਨ ਦਿੰਦੇ ਰਹਿੰਦੇ ਹਨ। ਇਹਨਾਂ ਬਿਆਨਾਂ ਵਿੱਚ ਸੱਚਾਈ ਕਿੰਨੀ ਹੈ ਇਹ ਤਾਂ ਉਹ ਹੀ ਜਾਣਨ। ਅਜਿਹਾ ਹੀ ਹੁਣ ਹੋ ਰਿਹਾ ਹੈ ਗੁਜਰਾਤ ਚੋਣਾਂ ਨੂੰ ਲੈ ਕੇ ਜਿੱਥੇ ਭਾਜਪਾ ਅਤੇ ਆਮ ਆਦਮੀ ਪਾਰਟੀ ਇਸ ਸਮੇਂ ਇਕ ਦੂਜੇ ਦੇ ਖਿਲਾਫ ਕਈ ਤਰਹਾਂ ਦੇ ਬਿਆਨ ਦੇ ਰਹੇ ਹਨ। ਇਸ ਦੌਰਾਨ ਹੀ ਦਿੱਲੀ ਦੇ ਉਪ ਮੁੱਖ ਮੰਤਰੀ ਅਤੇ ਆਮ ਆਦਮੀ ਪਾਰਟੀ ਦੇ ਨੇਤਾ ਮਨੀਸ਼ ਸਿਸੋਦੀਆ ਨੇ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ‘ਤੇ ਵੱਡਾ ਦੋਸ਼ ਲਗਾਇਆ ਹੈ। ਸਿਸੋਦੀਆ ਨੇ ਕਿਹਾ, ਭਾਜਪਾ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਮਾਰਨ ਦੀ ਸਾਜ਼ਿਸ਼ ਰਚ ਰਹੀ ਹੈ।
ਉਹਨਾਂ ਦਾ ਇਹ ਬਿਆਨ ਉਸ ਸਮੇ ਆਇਆ ਹੈ, ਜਦੋਂ ਉਹਨਾਂ ਤੋਂ ਪਹਿਲਾਂ ਹੀ ਭਾਜਪਾ ਨੇਤਾ ਮਨੋਜ ਤਿਵਾੜੀ ਨੇ ਇਕ ਟਵੀਟ ਕਰ ਕੇ ਬਿਆਨ ਦਿੱਤਾ ਸੀ। ਭਾਜਪਾ ਨੇਤਾ ਮਨੋਜ ਤਿਵਾੜੀ ਨੇ ਕਿਹਾ ਸੀ ਕਿ ਮੈਂ ਅਰਵਿੰਦ ਕੇਜਰੀਵਾਲ ਜੀ ਦੀ ਸੁਰੱਖਿਆ ਨੂੰ ਲੈ ਕੇ ਚਿੰਤਤ ਹਾਂ, ਕਿਉਂਕਿ ‘ਆਪ’ ਵਰਕਰ ਅਤੇ ਜਨਤਾ ਲਗਾਤਾਰ ਭ੍ਰਿਸ਼ਟਾਚਾਰ, ਟਿਕਟਾਂ ਦੀ ਵਿਕਰੀ ਅਤੇ ਜੇਲ੍ਹ ‘ਚ ਬਲਾਤਕਾਰੀਆਂ ਨਾਲ ਦੋਸਤੀ ਅਤੇ ਮਾਲਸ਼ ਕਾਰਨ ਨਾਰਾਜ਼ ਹੈ।” ਉਨ੍ਹਾਂ ਦੇ ਵਿਧਾਇਕ ਦੀ ਵੀ ਕੁੱਟਮਾਰ ਹੋਈ ਹੈ, ਇਸ ਲਈ ਦਿੱਲੀ ਦੇ ਸੀਐਮ ਨਾਲ ਅਜਿਹਾ ਨਹੀਂ ਹੋਣਾ ਚਾਹੀਦਾ.. ਅਦਾਲਤ ਸਜ਼ਾ ਦੇਵੇ।
ਇਸ ਟਵੀਟ ਤੋਂ ਬਾਅਦ ਸਿਸੋਦੀਆ ਨੇ ਕਿਹਾ ਹੈ ਕਿ ”ਗੁਜਰਾਤ ਅਤੇ MCD ਚੋਣਾਂ ‘ਚ ਹਾਰ ਦੇ ਡਰ ਨੇ ਭਾਜਪਾ ਨੂੰ ਡਰਾ ਦਿੱਤਾ ਹੈ। ਉਹ ਅਰਵਿੰਦ ਕੇਜਰੀਵਾਲ ਨੂੰ ਮਾਰਨ ਦੀ ਸਾਜਿਸ਼ ਰਚ ਰਹੀ ਹੈ। ਉਨ੍ਹਾਂ ਦੇ ਸੰਸਦ ਮੈਂਬਰ ਮਨੋਜ ਤਿਵਾੜੀ ਖੁੱਲ੍ਹੇਆਮ ਆਪਣੇ ਗੁੰਡਿਆਂ ਨੂੰ ਅਰਵਿੰਦ ਕੇਜਰੀਵਾਲ ‘ਤੇ ਹਮਲਾ ਕਰਨ ਲਈ ਕਹਿ ਰਹੇ ਹਨ ਅਤੇ ਇਸ ਲਈ ਪੂਰੀ ਯੋਜਨਾਬੰਦੀ ਕਰ ਲਈ ਹੈ। ‘ਆਪ’ ਆਪਣੀ ਘਟੀਆ ਰਾਜਨੀਤੀ ਤੋਂ ਡਰਦੀ ਨਹੀਂ, ਹੁਣ ਜਨਤਾ ਇਨ੍ਹਾਂ ਦੀ ਗੁੰਡਾਗਰਦੀ ਦਾ ਜਵਾਬ ਦੇਵੇਗੀ।
