70-70 ਸਾਲ ਦੇ 4 ਬੁੱਢੇ ਆਸ਼ਿਕਾਂ ਨੇ 30 ਸਾਲ ਦੀ ਪ੍ਰੇਮਿਕਾ ਨਾਲ ਮਿਲ ਕੇ ਮਾਰ’ਤਾ 75 ਸਾਲਾਂ ਉਸ ਦਾ 5ਵਾਂ ਆਸ਼ਿਕ
ਨਾਲੰਦਾ (ਵੀਓਪੀ ਬਿਊਰੋ) ਬਿਹਾਰ ਦੇ ਨਾਲੰਦਾ ਤੋਂ ਇਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਚਾਰ ਬਜੁਰਗਾਂ ਨੇ ਮਿਲ ਕੇ ਪੰਜਵੇਂ ਬਜੁਰਗ ਦੀ ਹੱਤਿਆ ਕਰ ਦਿੱਤੀ ਅਤੇ ਉਸ ਦਾ ਲਾਸ਼ ਨੂੰ ਵੀ ਖੁਰਦ-ਬੁਰਦ ਕਰ ਦਿੱਤਾ। ਇਸ ਕਤਲ ਵਿੱਚ ਸ਼ਾਮਲ ਸਾਰੇ ਦੋਸ਼ੀਆਂ ਦੀ ਉਮਰ 30 ਤੋਂ 75 ਸਾਲ ਦਰਮਿਆਨ ਹੈ। 18 ਅਕਤੂਬਰ ਨੂੰ ਬਜ਼ੁਰਗ ਤ੍ਰਿਪਤ ਸ਼ਰਮਾ (75) ਦਾ ਇੱਟਾਂ-ਪੱਥਰਾਂ ਨਾਲ ਕੁਚਲ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਨਾਲੰਦਾ ਦੇ ਅਸਥਾਵਨ ਥਾਣਾ ਖੇਤਰ ‘ਚ ਬਜ਼ੁਰਗ ਵਿਅਕਤੀ ਦੀ ਲਾਸ਼ ਨੂੰ ਨਵੇਂ ਬਣੇ ਘਰ ਦੇ ਟੈਂਕ ‘ਚ ਸੁੱਟ ਕੇ ਕਾਤਲ ਫਰਾਰ ਹੋ ਗਏ। ਜਦੋਂ ਪੁਲਿਸ ਇਸ ਘਟਨਾ ਦੀ ਜਾਂਚ ਵਿੱਚ ਜੁੱਟੀ ਤਾਂ ਕਈ ਖੁਲਾਸੇ ਹੋਏ ਅਤੇ ਇੱਕ ਇੱਕ ਕਰਕੇ ਸਾਰੇ ਭੇਦ ਖੁੱਲ ਗਏ। ਜਦੋਂ ਇਸ ਗੱਲ ਦਾ ਖੁਲਾਸਾ ਹੋਇਆ ਤਾਂ ਜਾਂਚ ‘ਚ ਲੱਗੇ ਪੁਲਸ ਕਰਮਚਾਰੀ ਵੀ ਹੈਰਾਨ ਰਹਿ ਗਏ।
ਜਾਣਕਾਰੀ ਮੁਤਾਬਕ ਡੀਐੱਸਪੀ ਨੇ ਦੱਸਿਆ ਕਿ ਪੀਨੂੰ ਦੇਵੀ ਜੋ ਕਿ ਵਿਧਵਾ ਸੀ ਤੇ ਚਾਹ ਦੀ ਰੇੜੀ ਲਾਉਂਦੀ ਸੀ ਨਾਲ ਉਕਤ ਚਾਰੇ ਦੋਸ਼ੀਆਂ ਬਜੁਰਗਾਂ ਦੇ ਨਾਜਾਇਜ਼ ਸਬੰਧਾ ਸਨ। ਇਸ ਦੌਰਾਨ ਹੀ ਮ੍ਰਿਤਕ ਬਜ਼ੁਰਗ ਤ੍ਰਿਪਤ ਸ਼ਰਮਾ (75) ਵੀ ਉਸ ਔਰਤ ਦੇ ਕੋਲ ਚਾਹ ਪੀਣ ਆਉਣ ਲੱਗਾ ਅਤੇ ਉਸ ਦੇ ਵੀ ਉਸ ਨਾਲ ਨਾਜਾਜ਼ ਸਬੰਧ ਬਣ ਗਏ ਜੋ ਕਿ ਜੋ ਕਿ ਕ੍ਰਿਸ਼ਨਾਨਦਾ ਪ੍ਰਸਾਦ (75), ਸੁਰਿਆਮਣੀ (60), ਬਨਾਰਸ ਪ੍ਰਸਾਦ ਤੇ ਵਾਸੂਦੇਵ ਪਾਸਵਾਨ ਨੂੰ ਰਾਸ ਨਹੀਂ ਆਏ ਅਤੇ ਉਹਨਾਂ ਨੇ 30 ਸਾਲ ਦੀ ਵਿਧਵਾ ਪੀਨੂੰ ਦੇਵੀ ਨਾਲ ਮਿਲ ਕੇ ਤ੍ਰਿਪਤ ਸ਼ਰਮਾ (75) ਨੂੰ ਮਾਰਨ ਦੀ ਯੋਜਨਾ ਬਣਾਈ। ਇਸ ਤੋਂ ਬਾਅਦ ਉਹਨਾਂ ਨੇ ਇਕ ਪਲਾਨ ਬਣਾ ਕੇ ਪੀਨੋ ਦੇਵੀ ਨੂੰ ਵੀ ਕਤਲ ਲਈ ਮਨਾ ਲਿਆ ਅਤੇ ਫਿਰ ਬਜ਼ੁਰਗ ਤ੍ਰਿਪਤ ਸ਼ਰਮਾ ਨੂੰ ਇਕ ਸੁੰਨਸਾਨ ਥਾਂ ਉੱਪਰ ਬੁਲਾ ਲਿਆ। ਉੱਥੇ ਪੀਨੋ ਦੇਵੀ ਨੇ ਸਾਰੇ ਮੁਲਜ਼ਮਾਂ ਨੂੰ ਬੁਲਾ ਕੇ ਉਨ੍ਹਾਂ ਦੀ ਕੁੱਟਮਾਰ ਕੀਤੀ ਅਤੇ ਉਨ੍ਹਾਂ ਨੂੰ ਧੱਕਾ ਦੇ ਕੇ ਨਵੀਂ ਬਣੀ ਇਮਾਰਤ ਦੇ ਟਾਇਲਟ ਟੈਂਕ ਵਿੱਚ ਸੁੱਟ ਦਿੱਤਾ। ਜਾਂਚ ਦੌਰਾਨ ਮੁਲਜ਼ਮ ਕੋਲੋਂ ਮ੍ਰਿਤਕ ਦਾ ਮੋਬਾਈਲ ਸੈੱਟ ਵੀ ਬਰਾਮਦ ਕਰ ਲਿਆ ਗਿਆ ਹੈ। ਮੁਲਜ਼ਮਾਂ ਤੋਂ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਅਤੇ ਸਬੂਤ ਇਕੱਠੇ ਕੀਤੇ ਜਾ ਰਹੇ ਹਨ। ਫੜੇ ਗਏ ਹੋਰ ਮੁਲਜ਼ਮਾਂ ਦੇ ਵੀ ਪੀਨੋ ਦੇਵੀ ਨਾਲ ਨਾਜਾਇਜ਼ ਸਬੰਧ ਸਨ।
ਪੁਲਿਸ ਨੇ ਘਟਨਾ ਤੋਂ ਇਕ ਮਹੀਨੇ ਬਾਅਦ ਜਾ ਕੇ ਦੋਸ਼ੀ ਔਰਤ ਸਮੇਤ ਘਟਨਾ ‘ਚ ਸ਼ਾਮਲ ਸਾਰੇ 4 ਲੋਕਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਸਦਰ ਦੇ ਡੀਐਸਪੀ ਡਾਕਟਰ ਸ਼ਿਬਲੀ ਨੋਮਾਨੀ ਅਨੁਸਾਰ ਇਨ੍ਹਾਂ ਪੰਜਾਂ ਨੇ ਮਿਲ ਕੇ ਸਾਰੀ ਸਾਜ਼ਿਸ਼ ਨੂੰ ਅੰਜਾਮ ਦਿੱਤਾ ਅਤੇ ਇਸ ਦਾ ਮਾਸਟਰਮਾਈਂਡ ਕੋਈ ਹੋਰ ਨਹੀਂ ਬਲਕਿ ਪਿਨੂੰ ਦੇਵੀ (30) ਸੀ, ਜਿਸ ਨੇ ਬਜ਼ੁਰਗ ਤ੍ਰਿਪਤ ਸ਼ਰਮਾ (75) ਨੂੰ ਮਾਰਨ ਦੀ ਸਾਜ਼ਿਸ਼ ਰਚੀ ਸੀ। ਅਣਪਛਾਤੇ ਕਤਲ ਕੇਸ ਦੀ ਜਾਂਚ ਸਬ-ਡਵੀਜ਼ਨ ਪੁਲਿਸ ਅਫ਼ਸਰ ਸਦਰ ਦੀ ਅਗਵਾਈ ‘ਚ ਥਾਣਾ ਸਦਰ ਦੇ ਪੁਲਿਸ ਅਧਿਕਾਰੀ ਅਤੇ ਜ਼ਿਲ੍ਹਾ ਸੂਚਨਾ ਯੂਨਿਟ ਦੇ ਮੁਲਾਜ਼ਮਾਂ ਵੱਲੋਂ ਸੂਚਨਾ ਅਤੇ ਤਕਨੀਕੀ ਖੋਜ ਦੇ ਆਧਾਰ ‘ਤੇ ਕੀਤੀ ਗਈ ਹੈ | ਅਤੇ ਇਸ ਘਟਨਾ ਵਿੱਚ ਸ਼ਾਮਲ ਕੁੱਲ 5 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਛਾਪੇਮਾਰੀ ਟੀਮ ਵਿੱਚ ਸਦਰ ਦੇ ਡੀਐਸਪੀ ਡਾਕਟਰ ਸ਼ਿਬਲੀ ਨੋਮਾਨੀ ਤੋਂ ਇਲਾਵਾ ਅਸਥਾਵਾਨ ਥਾਣਾ ਮੁਖੀ ਮੁਹੰਮਦ ਸ਼ੋਏਬ ਅਖਤਰ, ਡੀਆਈਯੂ ਇੰਚਾਰਜ ਚੰਦਨ ਕੁਮਾਰ ਅਤੇ ਥਾਣਾ ਅਸਥਾਨ ਦੇ ਪੁਲੀਸ ਅਧਿਕਾਰੀ ਤੇ ਹੋਰ ਮੁਲਾਜ਼ਮ ਸ਼ਾਮਲ ਸਨ।
