ਸ਼ਰਾਬ ਤਸਕਰ ਨੇ ਪੁਲਿਸ ਤੋਂ ਬਚਣ ਲਈ ਲਗਾਏ ਸਨ 16 ਕੈਮਰੇ ਅਤੇ ਮੁਖਬਰ, ਪਰ ਫਿਰ ਵੀ ਪੁਲਿਸ ਨੇ ਫੜਿਆ – ਪੜ੍ਹੋ ਕਿੱਦਾਂ
ਅਹਿਮਦਾਬਾਦ (ਵੀਓਪੀ ਬਿਊਰੋ) ਕਹਿੰਦੇ ਨੇ ਅਪਰਾਧੀ ਪੁਲਿਸ ਤੋਂ ਬੱਚਣ ਦੇ ਭਾਵੇਂ ਕਈ ਰਸਤੇ ਲੱਭ ਲੈ ਪਰ ਕਾਨੂੰਨ ਦੇ ਲੰਬੇ ਹੱਥ ਉਸਨੂੰ ਫੜ ਹੀ ਲੇਂਦੇ ਨੇ| ਇਹੋ ਜਿਹਾ ਹੀ ਇੱਕ ਮਾਮਲਾ ਅਹਿਮਦਾਬਾਦ ‘ਚ ਦੇਖਣ ਨੂੰ ਮਿਲਿਆ ਜਿਥੇ ਪੁਲਿਸ ਨੇ ਉੱਤਰ ਪ੍ਰਦੇਸ਼ ਸਮੇਤ ਹੋਰ ਰਾਜਾਂ ਤੋਂ ਗੁਜਰਾਤ ਵਿੱਚ ਸ਼ਰਾਬ ਦੀ ਤਸਕਰੀ ਕਰਨ ਵਾਲੇ ਤਸਕਰ ਨੂੰ ਫੜਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਉੱਤਰ ਪ੍ਰਦੇਸ਼ ਦੇ ਆਗਰਾ ਤੋਂ ਫੜੇ ਗਏ ਇਸ ਬਦਨਾਮ ਬੂਟਲੇਗਰ (ਸ਼ਰਾਬ ਤਸ੍ਕਰ) ਨੇ ਪੁਲਿਸ ਤੋਂ ਬਚਣ ਲਈ ਆਪਣੇ ਘਰ ‘ਚ 16 ਸੀਸੀਟੀਵੀ ਕੈਮਰੇ ਲਗਾਏ ਸਨ। ਇੰਨਾ ਹੀ ਨਹੀਂ ਦਵਿੰਦਰ ਸਿੰਘ ਪਰਿਹਾਰ ਨਾਂ ਦੇ ਇਸ ਬੂਟਲੇਗਰ ਨੇ ਪਿੰਡ ‘ਚ ਮੁਖਬਰ ਵੀ ਤਾਇਨਾਤ ਕਰ ਦਿੱਤੇ ਹਨ ਤਾਂ ਜੋ ਜੇਕਰ ਪੁਲਸ ਵੱਲੋਂ ਕੋਈ ਕਾਰਵਾਈ ਕੀਤੀ ਜਾਂਦੀ ਹੈ ਤਾਂ ਉਸ ਦਾ ਸੁਰਾਗ ਮਿਲ ਜਾਂਦਾ ਹੈ।
ਗੁਜਰਾਤ ‘ਚ ਦੂਜੇ ਸੂਬਿਆਂ ਤੋਂ ਸ਼ਰਾਬ ਦੀ ਤਸਕਰੀ ਕਰਨ ਦੇ ਦੋਸ਼ੀ ਦੇਵੇਂਦਰ ਸਿੰਘ ਪਰਿਹਾਰ ਨੇ ਬੈੱਡਰੂਮ ਨੂੰ ਕੰਟਰੋਲ ਰੂਮ ਬਣਾਇਆ ਹੋਇਆ ਸੀ। ਬੈੱਡਰੂਮ ‘ਚ ਲੱਗੇ ਸਾਰੇ 16 ਕੈਮਰਿਆਂ ਦੀ ਫੁਟੇਜ ਦਿਖਾਈ ਦੇ ਰਹੀ ਸੀ। ਇੱਥੋਂ ਹੀ ਉਹ ਘਰ ਦੇ ਆਲੇ-ਦੁਆਲੇ ਹੋ ਰਹੀਆਂ ਗਤੀਵਿਧੀਆਂ ‘ਤੇ ਨਜ਼ਰ ਰੱਖਦਾ ਸੀ। ਦੇਵੇਂਦਰ ਸਿੰਘ ਪਰਿਹਾਰ ਨੇ ਪਿੰਡ ਵਿੱਚ ਆਪਣੇ ਮੁਖਬਰਾਂ ਨੂੰ ਕਿਸੇ ਅਣਪਛਾਤੇ ਵਿਅਕਤੀ ਨੂੰ ਦੇਖ ਕੇ ਸੂਚਨਾ ਦੇਣ ਦੀ ਹਦਾਇਤ ਕੀਤੀ ਸੀ ਪਰ ਇਸ ਸਭ ਦੇ ਬਾਵਜੂਦ ਅਹਿਮਦਾਬਾਦ ਪੁਲੀਸ ਅਤੇ ਸਟੇਟ ਮੋਨੀਟਰਿੰਗ ਸੈੱਲ ਨੇ ਤਸਕਰ ਨੂੰ ਫੜ ਲਿਆ।
ਅਹਿਮਦਾਬਾਦ ਦੇ ਚਾਂਦਖੇੜਾ ਦੇ ਰਹਿਣ ਵਾਲੇ ਦੇਵੇਂਦਰ ਸਿੰਘ ਪਰਿਹਾਰ ਦੇ ਆਗਰਾ ਵਿੱਚ ਲੁਕੇ ਹੋਣ ਦੀ ਸੂਚਨਾ ਮਿਲੀ ਸੀ। ਇਸ ਤੋਂ ਬਾਅਦ ਪੁਲਸ ਨੇ ਜਾਲ ਵਿਛਾ ਕੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ। ਪਰਿਹਾਰ ‘ਤੇ ਪੂਰੇ ਗੁਜਰਾਤ ‘ਚ 11 ਮਾਮਲੇ ਦਰਜ ਹਨ। ਫਿਲਹਾਲ ਪੁਲਸ ਨੇ ਪਰਿਹਾਰ ਨੂੰ ਸਾਨੰਦ ‘ਚ ਦਰਜ ਮਾਮਲੇ ‘ਚ ਗ੍ਰਿਫਤਾਰ ਕਰ ਲਿਆ ਹੈ। ਗੁਜਰਾਤ ਪੁਲਿਸ ਦੇ ਸਟੇਟ ਮਾਨੀਟਰਿੰਗ ਸੈੱਲ ਨੇ ਪਰਿਹਾਰ ‘ਤੇ 25,000 ਰੁਪਏ ਦੇ ਇਨਾਮ ਦਾ ਐਲਾਨ ਕੀਤਾ ਹੈ।
