ਦਰਬਾਰ ਸਾਹਿਬ ਯਾਤਰਾ ‘ਤੇ ਆਏ You Tuber ਨੂੰ ਹੋਟਲ ਦੇ ਏਜੰਟ ਨੇ ਕੀਤੀ ‘ਲੜਕੀ’ ਦੀ ਪੇਸ਼ਕਸ਼, Video Viral ਹੋਣ ‘ਤੇ ਨਿਹੰਗ ਜਥੇਬੰਦੀਆਂ ਨੇ ਘੇਰਿਆ ਹੋਟਲ ਮਾਫੀਆ ਤੇ ਪ੍ਰਸ਼ਾਸਨ
A pimp offering ‘girl’ to a vloggar visiting Shri Darbar Sahib Amritsar. It has become fairly widespread. Politically connected illegal hotels in the area are destroying the sacred vicinity. Will you care? @BhagwantMann @SGPCAmritsar @NijjarDr pic.twitter.com/MwXCi72VCS
— Gurpreet S. Sahota (@GurpreetSSahota) December 25, 2022
ਅੰਮ੍ਰਿਤਸਰ (ਵੀਓਪੀ ਬਿਊਰੋ) ਪਵਿੱਤਰ ਨਗਰੀ ਅੰਮ੍ਰਿਤਸਰ ਦੇ ਆਸ-ਪਾਸ ਦੀ ਰਾਖੀ ਕਰਨ ਵਿੱਚ ਪ੍ਰਸ਼ਾਸਨ ਬੁਰੀ ਤਰ੍ਹਾਂ ਨਾਕਾਮ ਹੈ। ਕਿਉਂਕਿ ਸ੍ਰੀ ਹਰਿਮੰਦਰ ਸਾਹਿਬ ਦੇ ਨੇੜੇ ਦੇਹ ਵਪਾਰ ਦਾ ਧੰਦਾ ਲਗਾਤਾਰ ਵਧ ਰਿਹਾ ਹੈ। ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਤਾਜ਼ਾ ਵੀਡੀਓ ਵਿੱਚ, ਇੱਕ ਹੋਟਲ ਏਜੰਟ ਆਪਣੀ ਹੋਟਲ ਬੁਕਿੰਗ ਪੇਸ਼ਕਸ਼ ਨੂੰ ਠੁਕਰਾ ਦੇਣ ਤੋਂ ਬਾਅਦ ਇਕ you tuber ਪੁਰਸ਼ ਨੂੰ ‘ਔਰਤਾਂ ਪ੍ਰਦਾਨ ਕਰਨ’ ਦੀ ਪੂਰੀ ਕੋਸ਼ਿਸ਼ ਕਰਦਾ ਦੇਖਿਆ ਜਾ ਸਕਦਾ ਹੈ। ਇਸ ਘਟਨਾ ਤੋਂ ਬਾਅਦ ਨਿਹੰਗ ਜਥੇਬੰਦੀਆਂ ਨੇ ਵੀ ਗੁੱਸਾ ਜਾਹਿਰ ਕੀਤਾ ਹੈ।
ਇਹ ਘਟਨਾ ਉਦੋਂ ਵਾਪਰੀ ਜਦੋਂ ਇੱਕ ਯੂਟਿਊਬ ਵੀਲਾਗਰ, ਜੋ ਕਿ ਉਮਰ ਨਾਮ ਨਾਲ ਜਾਣਦਾ ਹੈ, ਕੈਮਰੇ ਵਿੱਚ ਆਪਣੀ ਅੰਮ੍ਰਿਤਸਰ ਯਾਤਰਾ ਨੂੰ ਕੈਦ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਕਥਿਤ ਤੌਰ ‘ਤੇ, ਇਕ ਏਜੰਟ ਹੋਟਲ ਦੇ ਕਮਰੇ ਦੀ ਬੁਕਿੰਗ ਦੀ ਪੇਸ਼ਕਸ਼ ਕਰਨ ਲਈ ਉਸ ਕੋਲ ਆਇਆ ਪਰ ਜਦੋਂ ਵੀਲੋਗਰ ਨੇ ਇਹ ਦੱਸਦੇ ਹੋਏ ਕਿ ਉਹ ਪਹਿਲਾਂ ਹੀ ਕਿਤੇ ਹੋਰ ਕਮਰਾ ਲੈ ਚੁੱਕਾ ਹੈ, ਤਾਂ ਏਜੰਟ ਨੇ ਉਸ ਨੂੰ ਪੁੱਛਿਆ ਕਿ ਕੀ ਉਹ ‘ਔਰਤਾਂ’ ਚਾਹੁੰਦਾ ਹੈ। ਉਸ ਦੀ ਪੇਸ਼ਕਸ਼ ਸੁਣ ਕੇ ਵੀਲੌਗਰ ਨੇ ਉਸ ਨੂੰ “ਅਸਤਗਫਿਰੁੱਲਾ” ਕਹਿ ਕੇ ਠੁਕਰਾ ਦਿੱਤਾ।
ਇਸ ਵੀਡੀਓ ਨੇ ਸੋਸ਼ਲ ਮੀਡੀਆ ‘ਤੇ ਅਤੇ ਬਾਹਰ ਬਹੁਤ ਸਾਰੇ ਲੋਕਾਂ ਨੂੰ ਪਰੇਸ਼ਾਨ ਕੀਤਾ ਹੈ। ਲੋਕਾਂ ਨੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਪੁਲਿਸ ਤੋਂ ਮੰਗ ਕੀਤੀ ਹੈ ਕਿ ਸ਼ਹਿਰ ਵਿੱਚ ਅਜਿਹੀਆਂ ਗਤੀਵਿਧੀਆਂ ਨੂੰ ਠੱਲ੍ਹ ਪਾਉਣ ਲਈ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾਵੇ।
ਇਸ ਦੌਰਾਨ ਹੋਟਲਾਂ ਦੀ ਚੈਕਿੰਗ ਕਰ ਰਹੀ ਏਡੀਸੀਪੀ ਅਮਨਦੀਪ ਕੌਰ ਨੇ ਕਿਹਾ ਕਿ ਮਾਮਲਾ ਉਨ੍ਹਾਂ ਦੇ ਧਿਆਨ ਵਿੱਚ ਹੈ ਅਤੇ ਇਸ ਦੀ ਡੂੰਘਾਈ ਨਾਲ ਜਾਂਚ ਕੀਤੀ ਜਾਵੇਗੀ। ਅਮਨਦੀਪ ਕੌਰ ਨੇ ਦੱਸਿਆ ਕਿ ਇਸ ਤਰ੍ਹਾਂ ਦੇ ਪਹਿਲੇ ਮਾਮਲੇ ਵੀ ਇੱਥੋਂ ਹੀ ਸਾਹਮਣੇ ਆਏ ਹਨ, ਜਿਨ੍ਹਾਂ ‘ਤੇ ਪੁਲਸ ਵੀ ਕਾਰਵਾਈ ਕਰ ਰਹੀ ਹੈ।
