SAD NEWS; ਘਰ ‘ਚ ਲੱਗੀ ਅੱਗ ਕਾਰਨ ਭਰਾ-ਭੈਣ ਦੀ ਹੋਈ ਦਰਦਨਾਕ ਮੌਤ
ਰਾਂਚੀ (ਵੀਓਪੀ ਬਿਊਰੋ) ਰਾਂਚੀ ਦੇ ਹਜ਼ਾਰੀਬਾਗ ਜ਼ਿਲ੍ਹੇ ਵਿੱਚ ਦਰਦਨਾਕ ਹਾਦਸਾ ਵਾਪਰਿਆ। ਜਿੱਥੇ ਅੱਗ ਲੱਗਣ ਕਾਰਨ 2 ਬੱਚੇ ਝੁਲਸ ਗਏ। ਇਹ ਅੱਗ ਇਕ ਘਰ ਵਿੱਚ ਲੱਗੀ, ਜਿੱਥੇ ਇਹ ਦੋਵੇਂ ਬੱਚੇ ਸੌ ਰਹੇ ਸਨ। ਉਕਤ ਘਟਨਾ ਦੀ ਜਾਣਕਾਰੀ ਪੁਲਿਸ ਨੇ ਮੰਗਲਵਾਰ ਨੂੰ ਦਿੱਤੀ।
ਇਹ ਘਟਨਾ ਸੋਮਵਾਰ ਦੇਰ ਰਾਤ ਰਾਜ ਦੀ ਰਾਜਧਾਨੀ ਰਾਂਚੀ ਤੋਂ ਕਰੀਬ 150 ਕਿਲੋਮੀਟਰ ਦੂਰ ਬਰਕਾਥਾ ਥਾਣੇ ਅਧੀਨ ਪੈਂਦੇ ਪਿੰਡ ਚੇਚਕੱਪੀ ਵਿੱਚ ਵਾਪਰੀ। ਇਕ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਜਦੋਂ ਅੱਗ ਲੱਗੀ ਤਾਂ ਭੈਣ-ਭਰਾ ਸੌਂ ਰਹੇ ਸਨ।
ਹਜ਼ਾਰੀਬਾਗ ਦੇ ਐੱਸਪੀ ਮਨੋਜ ਰਤਨ ਚੋਥੇ ਨੇ ਦੱਸਿਆ ਕਿ ਘਰ ਦੀ ਛੱਤ ਛੜ ਦੀ ਬਣੀ ਹੋਈ ਸੀ, ਜਿਸ ਵਿੱਚ ਬਿਜਲੀ ਦੀ ਤਾਰ ਤੋਂ ਨਿਕਲੀ ਚੰਗਿਆੜੀ ਨਾਲ ਸ਼ਾਇਦ ਅੱਗ ਲੱਗ ਗਈ। ਬੱਚਿਆਂ ਦੀਆਂ ਲਾਸ਼ਾਂ ਦੀ ਪਛਾਣ ਨਹੀਂ ਹੋ ਸਕੀ ਹੈ ਅਤੇ ਉਨ੍ਹਾਂ ਨੂੰ ਪੋਸਟਮਾਰਟਮ ਲਈ ਹਜ਼ਾਰੀਬਾਗ ਮੈਡੀਕਲ ਕਾਲਜ ਅਤੇ ਹਸਪਤਾਲ ਭੇਜ ਦਿੱਤਾ ਗਿਆ ਹੈ।
ਐਸਪੀ ਨੇ ਕਿਹਾ ਕਿ ਉਸ ਦੇ ਮਾਤਾ-ਪਿਤਾ ਦੇ ਠਿਕਾਣਿਆਂ ਅਤੇ ਹੋਰ ਵੇਰਵਿਆਂ ਦਾ ਪਤਾ ਲਗਾਉਣ ਲਈ ਜਾਂਚ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਸਬੰਧੀ ਗੈਰ-ਕੁਦਰਤੀ ਮੌਤ ਦਾ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।
