ਇੰਨੋਸੈਂਟ ਹਾਰਟਸ ਗਰੁੱਪ ਦੇ ਸਕੂਲ ਆਫ ਮੈਨੇਜਮੈਂਟ ਨੇ ਮਾਰਕਫੈੱਡ ਕੈਨਰੀਜ਼ ਵਿਖੇ ਵਿਦਿਆਰਥੀਆਂ ਲਈ ਉਦਯੋਗਿਕ ਦੌਰਾ ਕਰਵਾਇਆ
ਇੰਨੋਸੈਂਟ ਹਾਰਟਸ ਗਰੁੱਪ ਦੇ ਸਕੂਲ ਆਫ ਮੈਨੇਜਮੈਂਟ ਵੱਲੋਂ ਮਾਰਕਫੈੱਡ ਕੈਨਰੀਜ਼ ਜਲੰਧਰ ਦਾ ਉਦਯੋਗਿਕ ਦੌਰਾ ਕੀਤਾ ਗਿਆ।
ਦੌਰੇ ਦੌਰਾਨ ਸ੍ਰੀ ਹਰਿੰਦਰ ਸਿੰਘ (ਮੁੱਖੀ, ਉਤਪਾਦਨ ਵਿਭਾਗ, ਮਾਰਕਫੈੱਡ) ਨੇ ਵਿਦਿਆਰਥੀਆਂ ਨੂੰ ਵੱਖ-ਵੱਖ ਉਤਪਾਦਨਾਂ ਜਿਵੇਂ ਕਿ ਸੇਗ ਲਾਈਨ ਅਤੇ ਸ਼ਹਿਦ ਪ੍ਰੋਸੈਸਿੰਗ ਯੂਨਿਟ, ਉਨ੍ਹਾਂ ਦੀ ਖਰੀਦ ਅਤੇ ਸਪਲਾਈ ਲੜੀ ਪ੍ਰਬੰਧਨ, ਬਜਟ ਪ੍ਰਬੰਧਨ ਅਤੇ ਮਾਰਕਫੈੱਡ ਉਤਪਾਦਾਂ ਦੇ ਮਾਰਕੀਟਿੰਗ ਪ੍ਰਬੰਧਨ ਦਾ ਵੇਰਵਾ ਦਿੱਤਾ। ਵਿਦਿਆਰਥੀਆਂ ਨੇ ਮਾਰਕਫੈੱਡ ਦੀ ਉਤਪਾਦਨ ਇਕਾਈ ਵਿਖੇ ਕੀਤੇ ਗਏ ਗੁਣਵੱਤਾ ਉਪਾਵਾਂ ਬਾਰੇ ਜਾਣਿਆ, ਅਧਿਕਾਰੀਆਂ ਨੇ ਵਿਦਿਆਰਥੀਆਂ ਦੇ ਕਈ ਸਵਾਲਾਂ ਦਾ ਨਿਪਟਾਰਾ ਕੀਤਾ। ਇਹ ਵਿਦਿਆਰਥੀਆਂ ਲਈ ਇੱਕ ਵਿਹਾਰਕ ਅਨੁਭਵ ਸੀ।
ਇਸ ਦੌਰੇ ਦੌਰਾਨ ਵਿਦਿਆਰਥੀਆਂ ਦੇ ਨਾਲ ਸਹਾਇਕ ਪ੍ਰੋ. ਦਿਵਾਕਰ ਜੋਸ਼ੀ, ਨਈਆ ਸ਼ਰਮਾ, ਬਬੀਤਾ ਮਲਹੋਤਰਾ ਅਤੇ ਮਮਤਾ ਹਾਜ਼ਰ ਸਨ।
ਇਸ ਦੌਰੇ ਦਾ ਸੰਚਾਲਨ ਗਰੁੱਪ ਡਾਇਰੈਕਟਰ ਡਾ. ਸ਼ੈਲੇਸ਼ ਤ੍ਰਿਪਾਠੀ ਦੀ ਅਗਵਾਈ ਹੇਠ ਡਾ. ਗਗਨਦੀਪ ਕੌਰ ਨੇ ਕੀਤਾ |
