ਬਲੂ ਟਿਕ ਵਾਪਸ ਮਿਲਣ ਦੀ ਖੁਸ਼ੀ ਵਿਚ ਅਮਿਤਾਭ ਬੱਚਨ ਨੇ ਐਲਨ ਮਸਕ ਲਈ ਗਾਇਆ ਗੀਤ, ‘ਤੂੰ ਚੀਜ਼ ਬੜੀ ਹੈ musk musk…
ਵੀਓਪੀ ਬਿਊਰੋ, ਨਵੀਂ ਦਿੱਲੀ- ਬਾਲੀਵੁੱਡ ਸਟਾਰ ਅਮਿਤਾਭ ਬੱਚਨ ਨੂੰ ਟਵਿਟਰ ਅਕਾਊਂਟ ਉਤੇ ਬਲੂ ਟਿੱਕ ਵਾਪਸ ਮਿਲਣ ਉਤੇ ਇੰਨੀ ਖੁਸ਼ੀ ਹੋਈ ਕਿ ਉਨ੍ਹਾਂ ਨੇ ਟਵਿਟਰ ਦੇ ਮਾਲਕ ਐਲਨ ਮਸਕ ਲਈ ਗਾਣਾ ਗਾਇਆ। ਉਨ੍ਹਾਂ ਵੱਲੋਂ ਟਵਿਟਰ ਉਤੇ ਕੀਤੀ ਪੋਸਟ ਬਹੁਤ ਵਾਇਰਲ ਹੋ ਰਹੀ ਹੈ। ਬਿਗ ਬੀ ਨੇ ਐਲਨ ਮਸਕ ਦਾ ਧੰਨਵਾਦ ਕਰਦੇ ਹੋਏ ਗਾਣਾ ਲਿਖਿਆ ‘ਤੂੰ ਚੀਜ਼ ਬੜੀ ਹੈ…musk musk, ਤੂੰ ਚੀਜ਼ ਬੜੀ ਹੈ…musk.
ਦੱਸ ਦੇਈਏ ਕਿ 20 ਅਪ੍ਰੈਲ ਨੂੰ ਟਵਿਟਰ ਦੇ ਮਾਲਕ ਐਲਨ ਮਸਕ ਨੇ ਭਾਰਤ ਦੀਆਂ ਵੱਡੀਆਂ ਹਸਤੀਆਂ ਨੂੰ ਝਟਕੇ ਦਿੱਤਾ ਸੀ। ਇਸ ਦਿਨ ਟਵਿੱਟਰ ‘ਤੇ ਸਾਰੇ ਪ੍ਰਮਾਣਿਤ ਖਾਤਿਆਂ ਤੋਂ ਬਲੂ ਟਿੱਕ ਹਟਾ ਦਿੱਤਾ ਗਿਆ ਸੀ। ਜਿਵੇਂ ਹੀ ਖਾਤਿਆਂ ਤੋਂ ਬਲੂ ਟਿੱਕ ਹਟਾਇਆ ਗਿਆ, ਅਮਿਤਾਭ ਬੱਚਨ ਨੇ ਸੋਸ਼ਲ ਮੀਡੀਆ ਉਤੇ ਮੁਆਫੀ ਮੰਗੀ ਅਤੇ ਬਲੂ ਟਿੱਕ ਨੂੰ ਵਾਪਸ ਦੇਣ ਦੀ ਮੰਗ ਕੀਤੀ।
ਹੁਣ ਜਦੋਂ ਉਨ੍ਹਾਂ ਦਾ ਅਕਾਊਂਟ ਦੁਬਾਰਾ ਵੈਰੀਫਾਈ ਹੋ ਗਿਆ ਹੈ, ਬਿੱਗ ਬੀ ਨੇ ਇਕ ਤੋਂ ਵੱਧ ਟਵੀਟ ਕੀਤੇ ਹਨ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਹੇ ਹਨ। ਬਿੱਗ ਬੀ ਟਵਿਟਰ ‘ਤੇ ਕਾਫੀ ਐਕਟਿਵ ਰਹਿੰਦੇ ਹਨ। ਉਹ ਅਕਸਰ ਇਸ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਤੇ ਆਪਣੇ ਪਿਤਾ ਦੁਆਰਾ ਲਿਖੀਆਂ ਕਵਿਤਾਵਾਂ ਅਤੇ ਰੋਜ਼ਾਨਾ ਦੇ ਕੰਮਾਂ ਨਾਲ ਜੁੜੀਆਂ ਚੀਜ਼ਾਂ ਦਾ ਜ਼ਿਕਰ ਕਰਦੇ ਹਨ। ਹਾਲ ਹੀ ‘ਚ ਉਨ੍ਹਾਂਂ ਨੇ ਬਲੂ ਟਿੱਕ ਵਾਪਸ ਲੈਣ ‘ਤੇ ਤਿੰਨ ਟਵੀਟ ਕੀਤੇ, ਜਿਨ੍ਹਾਂ ਨੂੰ ਪੜ੍ਹ ਕੇ ਲੋਕਾਂ ਦਾ ਹੱਸਣਾ ਬੰਦ ਨਹੀਂ ਹੋ ਰਿਹਾ।
