ਪਤੀ-ਪਤਨੀ ਨੇ ਲੈ ਲਿਆ ਫਾਹਾ, ਲਾਸ਼ਾਂ ਨੇੜੇ ਤਿੰਨ ਦਿਨਾਂ ਤਕ ਭੁੱਖਾ ਭਾਣਾ ਕੁਰਲਾਉਂਦਾ ਰਿਹਾ ਡੇਢ ਸਾਲ ਦਾ ਬੱਚਾ, ਰੋ-ਰੋ ਹੋਇਆ ਬੇਹੋਸ਼
ਵੀਓਪੀ ਬਿਊਰੋ, ਗਵਾਲੀਅਰ-ਘਰ ਨੂੰ ਤਾਲਾ ਲਾ ਪਤੀ-ਪਤਨੀ ਨੇ ਫਾਹਾ ਲੈ ਕੇ ਆਤਮ ਹੱਤਿਆ ਕਰ ਲਈ। ਉਥੇ ਮਾਂ-ਬਾਪ ਦੀ ਮੌਤ ਤੋਂ ਅਣਜਾਣ ਡੇਢ ਸਾਲ ਦਾ ਮਾਸੂਮ ਤਿੰਨ ਦਿਨ ਤੱਕ ਲਾਸ਼ਾਂ ਨੇੜੇ ਭੁੱਖਾ-ਪਿਆਸਾ ਰੋਂਦਾ ਰਿਹਾ। ਮਾਸੂਮ ਕਦੇ ਪਿਤਾ ਦੀ ਲਾਸ਼ ਦੇ ਨੇੜੇ ਜਾਂਦਾ ਅਤੇ ਕਦੇ ਉਸ ਕਮਰੇ ਦਾ ਦਰਵਾਜ਼ਾ ਖੜਕਾਉਂਦਾ ਜਿਸ ਵਿੱਚ ਮਾਂ ਦੀ ਲਾਸ਼ ਲਟਕੀ ਹੋਈ ਸੀ। ਆਖ਼ਰਕਾਰ ਉਹ ਉਸੇ ਕਮਰੇ ਦੇ ਬਾਹਰ ਬੇਹੋਸ਼ ਹੋ ਗਿਆ। ਮੰਗਲਵਾਰ ਨੂੰ ਜਦੋਂ ਆਂਢ-ਗੁਆਂਢ ਦੇ ਨੌਜਵਾਨਾਂ ਨੂੰ ਬਦਬੂ ਆਈ ਤਾਂ ਉਸ ਨੇ ਘਰ ਅੰਦਰ ਝਾਕ ਕੇ ਦੇਖਿਆ ਕਿ ਮਾਸੂਮ ਬੇਹੋਸ਼ੀ ਦੀ ਹਾਲਤ ‘ਚ ਪਿਆ ਸੀ।
ਉਸ ਨੇ ਪੁਲਿਸ ਨੂੰ ਸੂਚਨਾ ਦਿੱਤੀ। ਪੁਲਿਸ ਨੇ ਦੋਵੇਂ ਲਾਸ਼ਾਂ ਨੂੰ ਕਬਜ਼ੇ ‘ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਗੁਆਂਢੀ ਮਾਸੂਮ ਨੂੰ ਆਪਣੇ ਘਰ ਲੈ ਗਿਆ। ਬਾਅਦ ਵਿਚ ਉਸ ਨੂੰ ਹਸਪਤਾਲ ਭੇਜ ਦਿੱਤਾ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਉਹ ਪੂਰੀ ਤਰ੍ਹਾਂ ਤੰਦਰੁਸਤ ਹੈ। ਮੱਧ ਪ੍ਰਦੇਸ਼ ਦੇ ਗਵਾਲੀਅਰ ਦੇ ਮੈਦਈ ਇਲਾਕੇ ਦਾ ਨਿਆਮਦ ਖਾਨ ਮੰਗਲਵਾਰ ਨੂੰ ਆਪਣੇ ਘਰ ਸੀ। ਜਦੋਂ ਉਨ੍ਹਾਂ ਨੇ ਗੁਆਂਢੀ 18 ਸਾਲਾ ਸੋਨੂੰ ਉਰਫ ਭੀਮ ਖਾਨ ਦੇ ਘਰੋਂ ਬਦਬੂ ਆਉਣ ਉਤੇ ਉਸ ਦੇ ਘਰ ਅੰਦਰ ਝਾਤ ਮਾਰੀ ਤਾਂ ਖੁਲਾਸਾ ਹੋਇਆ। ਸੋਨੂੰ ਨੇ ਫਾਹਾ ਲੈ ਲਿਆ, ਜਦੋਂ ਕਿ ਡੇਢ ਸਾਲ ਦਾ ਮਾਸੂਮ ਜ਼ਾਹਿਦ ਦੂਜੇ ਕਮਰੇ ਦੇ ਦਰਵਾਜ਼ੇ ‘ਤੇ ਬੇਹੋਸ਼ ਪਿਆ ਸੀ।
