ਪਤਨੀ ਦਾ ਸਿਰ ਧੜ ਨਾਲੋਂ ਵੱਢ ਕੇ ਹੱਥ ਵਿਚ ਫੜ ਤੁਰੇ ਆਉਂਦੇ ਨੂੰ ਵੇਖ ਪਿੰਡ ਵਾਸੀਆਂ ਦੀ ਕੰਬ ਗਈ ਰੂਹ, ਵੱਢਿਆ ਸਿਰ ਘਰ ਦੇ ਦਰਵਾਜੇ ਵਿਚ ਰੱਖ ਬੈਠਾ ਰਿਹਾ ਮੁਲਜ਼ਮ
ਵੀਓਪੀ ਬਿਊਰੋ, ਨੈਸ਼ਨਲ- ਖੇਤ ਗਏ ਪਤੀ-ਪਤਨੀ ਵਿਚ ਝਗੜਾ ਇੰਨਾ ਵੱਧ ਗਿਆ ਕਿ ਪਤੀ ਨੇ ਪਤਨੀ ਦਾ ਸਿਰ ਧੜ ਨਾਲੋਂ ਹੀ ਵੱਖ ਕਰ ਦਿੱਤਾ। ਪਤਨੀ ਦਾ ਸਿਰ ਹੱਥ ਵਿਚ ਫਰ ਤੁਰੇ ਆਉਂਦੇ ਨੂੰ ਵੇਖ ਕੇ ਪਿੰਡ ਵਾਸੀਆਂ ਦੀ ਰੂਹ ਕੰਬ ਗਈ ਤੇ ਹਾਹਾਕਾਰ ਮਚ ਗਈ। ਮੁਲਜ਼ਮ ਪਤਨੀ ਦਾ ਸਿਰ ਘਰ ਦੇ ਦਰਵਾਜੇ ਵਿਚ ਰੱਖ ਕੇ ਕੋਲ ਬੈਠਾ ਰਿਹਾ। ਪੁਲਿਸ ਦੇ ਪਹੁੰਚਣ ਉਤੇ ਖੁਦ ਹੀ ਮੰਨ ਲਿਆ ਕਿ ਇਸ ਵਾਰਦਾਤ ਨੂੰ ਉਸ ਨੇ ਅੰਜਾਮ ਦਿੱਤਾ। ਜਾਣਕਾਰੀ ਮੁਤਾਬਕ ਇਹ ਭਿਆਨਕ ਘਟਨਾ ਓਡੀਸ਼ਾ ਦੇ ਗਜਪਤੀ ਜ਼ਿਲ੍ਹੇ ਦੇ ਕਾਸ਼ੀਨਗਰ ਥਾਣਾ ਖੇਤਰ ਅਧੀਨ ਵੀਰਵਾਰ ਨੂੰ ਵਾਪਰੀ।
ਮ੍ਰਿਤਕਾ ਦੀ ਪਛਾਣ ਉਰਮਿਲਾ ਕਰਜੀ ਅਤੇ ਦੋਸ਼ੀ ਪਤੀ ਚੰਦਰ ਸ਼ੇਖਰ ਕਾਰਜੀ ਉਰਫ ਮੁੰਨਾ ਵਜੋਂ ਹੋਈ ਹੈ। ਭਰੋਸੇਯੋਗ ਰਿਪੋਰਟਾਂ ਅਨੁਸਾਰ, ਉਹ ਸਵੇਰੇ ਆਪਣੀ ਪਤਨੀ ਨਾਲ ਖੇਤ ਗਿਆ ਸੀ, ਜਿੱਥੇ ਕਿਸੇ ਗੱਲ ਨੂੰ ਲੈ ਕੇ ਦੋਵਾਂ ਵਿਚਕਾਰ ਝਗੜਾ ਹੋ ਗਿਆ।
ਮੁੰਨਾ ਨੂੰ ਆਪਣੀ ਪਤਨੀ ਦਾ ਵੱਢਿਆ ਸਿਰ ਹੱਥਾਂ ‘ਚ ਫੜ ਕੇ ਖੇਤਾਂ ਤੋਂ ਵਾਪਸ ਪਰਤਦੇ ਦੇਖ ਪਿੰਡ ਵਾਸੀਆਂ ਵਿੱਚ ਹਾਹਾਕਾਰ ਮੱਚ ਗਈ। ਘਰ ਪਹੁੰਚ ਕੇ ਉਸ ਨੇ ਸਿਰ ਆਪਣੇ ਘਰ ਦੇ ਦਰਵਾਜ਼ੇ ਅੱਗੇ ਰੱਖ ਦਿੱਤਾ। ਘਬਰਾਏ ਹੋਏ ਪਿੰਡ ਵਾਸੀਆਂ ਨੇ ਤੁਰੰਤ ਇਸ ਭਿਆਨਕ ਘਟਨਾ ਦੀ ਸੂਚਨਾ ਸਥਾਨਕ ਪੁਲਿਸ ਨੂੰ ਦਿੱਤੀ।
ਸੂਚਨਾ ਮਿਲਦੇ ਹੀ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਮੁੰਨਾ ਨੂੰ ਵੱਢੇ ਹੋਏ ਸਿਰ ਦੇ ਕੋਲ ਚੁੱਪਚਾਪ ਬੈਠੇ ਦੇਖਿਆ। ਪੁਲਿਸ ਪੁੱਛਗਿੱਛ ‘ਚ ਵਿਅਕਤੀ ਨੇ ਕਬੂਲ ਕੀਤਾ ਕਿ ਉਸ ਨੇ ਆਪਣੀ ਪਤਨੀ ਦਾ ਕਤਲ ਕਰਕੇ ਉਸ ਦੇ ਟੁਕੜੇ ਕਰ ਦਿੱਤੇ। ਇਸ ਤੋਂ ਬਾਅਦ ਉਸ ਨੇ ਸਿਰ ਨੂੰ ਧੜ ਤੋਂ ਵੱਖ ਕਰ ਦਿੱਤਾ। ਉਸ ਨੇ ਅੱਗੇ ਦੱਸਿਆ ਕਿ ਉਹ ਲਾਸ਼ ਨੂੰ ਖੇਤ ਵਿੱਚ ਛੱਡ ਕੇ ਸਿਰ ਘਰ ਲੈ ਆਇਆ ਸੀ।
ਮੁਲਜ਼ਮ ਵੱਲੋਂ ਆਪਣਾ ਜੁਰਮ ਕਬੂਲ ਕਰਨ ਤੋਂ ਬਾਅਦ ਪੁਲਿਸ ਨੇ ਤੁਰੰਤ ਹਰਕਤ ਵਿੱਚ ਆਉਂਦਿਆਂ ਮੁਲਜ਼ਮ ਪਤੀ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਪੁਲਿਸ ਨੇ ਖੇਤ ‘ਚੋਂ ਲਾਸ਼ ਅਤੇ ਸਿਰ ਨੂੰ ਘਰ ‘ਚੋਂ ਕਬਜ਼ੇ ‘ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਹਾਲਾਂਕਿ ਇਸ ਘਿਨਾਉਣੇ ਕਤਲ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ।
ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ, ਉਰਮਿਲਾ ਚੰਦਰਸ਼ੇਖਰ ਦੀ ਦੂਜੀ ਪਤਨੀ ਸੀ ਅਤੇ ਉਨ੍ਹਾਂ ਦਾ ਦੋ ਸਾਲ ਦਾ ਬੱਚਾ ਹੈ।
