ਸਕੂਟੀ ਚਲਾਉਂਦਿਆਂ ਰੀਲ ਬਣਾਉਂਦੀ ਲਾੜੀ ਟ੍ਰੈਫਿਕ ਪੁਲਿਸ ਦੇ ਹੱਥੇ ਚੜ੍ਹੀ, ਫਿਰ ਪੁਲਿਸ ਨੇ ਵੀ ਵਾਇਰਲ ਕੀਤੀ ਇਕ ਰੀਲ, ਵੇਖੋ ਵੀਡੀਓ
ਵੀਓਪੀ ਬਿਊਰੋ, ਨੈਸ਼ਨਲ-ਰੀਲ ਬਣਾਉਣ ਦਾ ਕਰੇਜ਼ ਲੋਕਾਂ ਖਾਸ ਕਰ ਕੇ ਨੌਜਵਾਨਾਂ ਦੇ ਸਿਰ ਚੜ੍ਹ ਕੇ ਬੋਲ ਰਿਹਾ ਹੈ। ਰੀਲ ਬਣਾਉਂਦੇ ਸਮੇਂ ਇਨ੍ਹਾਂ ਨੂੰ ਕੋਈ ਹੋਸ਼ ਹੀ ਨਹੀਂ ਰਹਿੰਦੀ। ਇਥੋਂ ਤਕ ਕਿ ਇਹ ਟ੍ਰੈਫਿਕ ਨਿਯਮਾਂ ਦੀਆਂ ਉਲੰਘਣਾ ਕਰਦੇ ਦੇਖੇ ਜਾਂਦੇ ਹਨ। ਕੋਈ ਸੜਕ ‘ਤੇ ਡਾਂਸ ਕਰਦਾ ਨਜ਼ਰ ਆ ਰਿਹਾ ਹੈ ,ਕੋਈ ਬਾਈਕ ‘ਤੇ ਸਟੰਟ ਕਰਦੇ ਦੇਖਿਆ ਜਾ ਰਿਹਾ ਹੈ। ਬੀਤੇ ਦਿਨਾਂ ‘ਚ ਇਸ ਤਰ੍ਹਾਂ ਦੇ ਕਈ ਮਾਮਲੇ ਦੇਖਣ ਨੂੰ ਮਿਲੇ ਹਨ, ਜਦੋਂ ਰੀਲਾਂ ਦੇ ਚੱਕਰ ‘ਚ ਜਾਨ ਖ਼ਤਰੇ ‘ਚ ਪਾਉਣ ਦੇ ਮਾਮਲੇ ‘ਚ ਪੁਲਿਸ ਨੇ ਕਈ ਲੋਕਾਂ ਦੇ ਚਲਾਨ ਕੀਤੇ ਹਨ। ਹੁਣ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਦਾ ਇੱਕ ਹੋਰ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਇੱਕ ਲੜਕੀ ਲਾੜੀ ਦੇ ਜੋੜੇ ਵਿਚ ਸਕੂਟੀ ਚਲਾਉਂਦੀ ਨਜ਼ਰ ਆ ਰਹੀ ਹੈ।
ਵਾਇਰਲ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਲੜਕੀ ਬੀਜੀ ਰੋਡ ‘ਤੇ ਲਾੜੀ ਦੇ ਜੋੜੇ ‘ਚ ਸਕੂਟੀ ਚਲਾ ਰਹੀ ਹੈ। ਜਦਕਿ ਸਾਹਮਣੇ ਵਾਹਨ ‘ਤੇ ਬੈਠਾ ਵਿਅਕਤੀ ਇਸ ਦੀ ਵੀਡੀਓ ਬਣਾ ਰਿਹਾ ਹੈ। ਲੜਕੀ ‘ਹਨੀਮੂਨ ਟਰੈਵਲਜ਼ ਪ੍ਰਾਈਵੇਟ ਲਿਮਟਿਡ’ ਫਿਲਮ ਦੇ ਗੀਤ ‘ਸੱਜਣਾ ਜੀ ਵਾਰੀ ਵਾਰੀ’ ‘ਤੇ ਵੀਡੀਓ ਰੀਲ ਬਣਾ ਰਹੀ ਸੀ ,ਓਦੋਂ ਹੀ ਪੁਲਿਸ ਨੇ ਉਸ ਨੂੰ ਫੜ ਲਿਆ।
ਪੁਲਿਸ ਦਾ ਦੋਸ਼ ਹੈ ਕਿ ਉਸ ਨੇ ਨਾ ਤਾਂ ਹੈਲਮੇਟ ਪਾਇਆ ਹੋਇਆ ਸੀ ਅਤੇ ਨਾ ਹੀ ਉਸ ਕੋਲ ਡਰਾਈਵਿੰਗ ਲਾਇਸੈਂਸ ਸੀ। ਇਸ ਕਾਰਨ ਉਸ ਦਾ 6000 ਦਾ ਚਲਾਨ ਕੱਟਿਆ ਗਿਆ ਹੈ। ਹੈਲਮੇਟ ਨਾ ਪਾਉਣ ‘ਤੇ 1,000 ਰੁਪਏ ਅਤੇ ਡਰਾਈਵਿੰਗ ਲਾਇਸੈਂਸ ਨਾ ਹੋਣ ‘ਤੇ 5,000 ਰੁਪਏ ਦਾ ਚਲਾਨ ਕੱਟਿਆ ਗਿਆ ਹੈ।
ਇਹ ਵੀਡੀਓ ਦਿੱਲੀ ਪੁਲਿਸ ਦੇ ਅਧਿਕਾਰਤ ਅਕਾਊਂਟ ਤੋਂ ਪੋਸਟ ਕੀਤਾ ਗਿਆ ਹੈ। ਪੁਲਿਸ ਨੇ ਕਿਹਾ, ‘ਸੜਕ ‘ਤੇ ਰੀਲ ਬਣਾਉਣਾ ਬੇਵਕੂਫੀ ਹੈ। ਕੁਝ ਲਾਈਕਸ ਲਈ ਜਾਨ ਖਤਰੇ ਵਿੱਚ ਪਾਉਣੀ ਬੇਵਕੂਫੀ ਹੈ। ਪੁਲਿਸ ਨੇ ਅੱਗੇ ਕਿਹਾ, ‘ਕਿਰਪਾ ਕਰਕੇ ਸੜਕ ‘ਤੇ ਅਜਿਹੀਆਂ ਬੇਵਕੂਫੀ ਵਾਲੀਆਂ ਗੱਲਾਂ ਨਾ ਕਰੋ’। ਉਪਭੋਗਤਾਵਾਂ ਨੇ ਦਿੱਲੀ ਪੁਲਿਸ ਦੀ ਇਸ ਕਾਰਵਾਈ ਦੀ ਸ਼ਲਾਘਾ ਕੀਤੀ ਹੈ। ਇੱਕ ਯੂਜ਼ਰ ਨੇ ਲਿਖਿਆ, ‘ਦਿੱਲੀ ਪੁਲਿਸ ਦਾ ਸ਼ਾਨਦਾਰ ਕੰਮ’। ਉਥੇ ਹੀ ਇਕ ਹੋਰ ਯੂਜ਼ਰ ਨੇ ਲਿਖਿਆ, ‘ਇਹ ਬਹੁਤ ਚੰਗੀ ਗੱਲ ਹੈ ਕਿ ਦਿੱਲੀ ਪੁਲਿਸ ਖੁਦ ਹੀ ਨੋਟਿਸ ਲੈ ਰਹੀ ਹੈ।’
