ਰਾਤ ਨੂੰ ਮੱਝਾਂ ਨੂੰ ਟੀਕੇ ਲਾ ਚੋਰੀ ਚੋਅ ਲੈਂਦਾ ਸੀ ਦੁੱਧ, ਅੱਗੇ ਵੇਚ ਕੇ ਕਰਦਾ ਸੀ ਕਮਾਈ, ਲੋਕਾਂ ਨੇ ਰੰਗੇ ਹੱਥੀਂ ਕਾਬੂ ਕਰ ਵੀਡੀਓ ਕੀਤੀ ਵਾਇਰਲ
ਵੀਓਪੀ ਬਿਊਰੋ, ਬਠਿੰਡਾ-ਬਠਿੰਡਾ ਦੇ ਪਰਸਰਾਮ ਨਗਰ ਵਿਚ ਇਕ ਵਿਅਕਤੀ ਰਾਤ ਨੂੰ ਟੀਕੇ ਲਾ ਕੇ ਮੱਝਾਂ ਦਾ ਦੁੱਧ ਚੋਰੀ ਕੱਢ ਲੈਂਦਾ ਸੀ। ਉਹ ਦੁੱਧ ਅੱਗੇ ਵੇਚ ਕੇ ਪੈਸੇ ਕਮਾਉਂਦਾ ਸੀ। ਲੋਕਾਂ ਨੇ ਉਕਤ ਮੁਲਜ਼ਮ ਨੂੰ ਰੰਗੇ ਹੱਥੀਂ ਕਾਬੂ ਕਰ ਲਿਆ।ਮੁਲਜ਼ਮ ਬੜੀ ਚਲਾਕੀ ਨਾਲ ਰਾਤ ਨੂੰ ਦੁੱਧ ਚੋਰੀ ਕਰਦਾ ਸੀ। ਇਸ ਦੀ ਵੀਡੀਓ ਸੋਸ਼ਲ ਮੀਡੀਆ ਉਤੇ ਖੂਬ ਵਾਇਰਲ ਹੋ ਰਹੀ ਹੈ।
ਇਹ ਨੌਜਵਾਨ ਲੋਕਾਂ ਦੇ ਘਰਾਂ ਵਿੱਚ ਰੱਖੀਆਂ ਮੱਝਾਂ ਦਾ ਦੁੱਧ ਚੋਰੀ ਕਰਦਾ ਸੀ। ਦਰਅਸਲ, ਇਹ ਨੌਜਵਾਨ ਰਾਤ ਨੂੰ ਮੱਝਾਂ ਨੂੰ ਟੀਕਾ ਲਗਾ ਕੇ ਦੁੱਧ ਚੋਂਦਾ ਸੀ। ਲੋਕਾਂ ਨੇ ਉਸ ਨੂੰ ਦੁੱਧ ਸਮੇਤ ਰੰਗੇ ਹੱਥੀਂ ਫੜ ਲਿਆ ਹੈ ਤੇ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ ਉਤੇ ਵਾਇਰਲ ਕੀਤੀ ਹੈ।
ਲੋਕਾਂ ਦਾ ਕਹਿਣਾ ਹੈ ਕਿ ਇਹ ਨੌਜਵਾਨ ਰਾਤ ਨੂੰ ਆਉਂਦਾ ਸੀ ਅਤੇ ਮੱਝ ਨੂੰ ਟੀਕਾ ਲਗਾ ਕੇ ਦੁੱਧ ਕੱਢ ਲੈਂਦਾ ਸੀ ਤੇ ਅੱਗੇ ਵੇਚਦਾ ਸੀ। ਲੋਕਾਂ ਨੇ ਇਸ ਨੂੰ ਰੰਗੇ ਰੱਥੀਂ ਕਾਬੂ ਕਰ ਲਿਆ ਤੇ ਇਸ ਦੀ ਵੀਡੀਓ ਬਣਾ ਕੇ ਵਾਇਰਲ ਕਰ ਦਿੱਤੀ। ਉਸ ਕੋਲ ਤਕਰੀਬਨ 10 ਲੀਟਰ ਦੁੱਧ ਸੀ।
