ਪਤਲੀ ਹੋਣ ਲਈ ਛੱਡਿਆ ਖਾਣਾ-ਪੀਣਾ, ਭੁੱਖੇ ਭਾਣੇ ਵਰਕਆਊਟ ਕਰਦਿਆਂ ਵਰਤ ਗਿਆ ਭਾਣਾ, 90 ਕਿੱਲੋ ਭਾਰ ਘਟਾਉਣ ਦਾ ਰੱਖਿਆ ਸੀ ਟੀਚਾ
ਵੀਓਪੀ ਬਿਊਰੋ, ਬੀਜਿੰਗ-ਇਕ 21 ਸਾਲਾ ਕੁਈਹੁਆ ਨਾਮ ਦੀ ਕੁੜੀ ਨੇ ਮੋਟੀ ਹੋਣ ਕਾਰਨ ਆਪਣਾ 90 ਕਿੱਲੋ ਭਾਰ ਘਟਾਉਣ ਦੀ ਟੀਚਾ ਰੱਖਿਆ ਸੀ। ਇਸ ਟੀਚੇ ਨੂੰ ਪੂਰਾ ਕਰਨ ਲਈ ਉਸ ਨੇ ਇਕ ਫਿਟਨੈੱਸ ਕੈਂਪ ਜੁਆਇਨ ਕੀਤਾ, ਜਿੱਥੇ ਉਹ ਕਈ ਘੰਟਿਆਂ ਤੱਕ ਵਰਕਆਊਟ ਕਰਨ ਲੱਗੀ ਅਤੇ ਸਖ਼ਤ ਡਾਈਟਿੰਗ ਪਲਾਨ ਫਾਲੋ ਕਰਨ ਲੱਗੀ। ਇੱਥੋਂ ਤੱਕ ਕਿ ਉਸ ਨੇ ਖਾਣਾ-ਪੀਣਾ ਤੱਕ ਛੱਡ ਦਿੱਤਾ ਸੀ। ਭੁੱਖੇ ਭਾਣੇ ਵਰਕਆਊਟ ਕਰਦੇ ਸਮੇਂ ਉਸ ਦੀ ਮੌਤ ਹੋ ਗਈ। ਇਹ ਹੈਰਾਨ ਕਰਨ ਵਾਲਾ ਮਾਮਲਾ ਚੀਨ ਦੇ ਸ਼ਾਂਕਸੀ ਸੂਬੇ ਤੋਂ ਸਾਹਮਣੇ ਆਇਆ ਹੈ।
ਇਸ ਦੌਰਾਨ 2 ਮਹੀਨਿਆਂ ‘ਚ ਉਸ ਦਾ ਭਾਰ 25 ਕਿਲੋ ਘੱਟ ਗਿਆ। ਕੁਈਹੁਆ ਨੇ ਖੁਦ ਸੋਸ਼ਲ ਮੀਡੀਆ ‘ਤੇ ਫੋਟੋਆਂ ਸ਼ੇਅਰ ਕਰਕੇ ਇਸ ਦੀ ਜਾਣਕਾਰੀ ਦਿੱਤੀ ਸੀ। ਉਸਦਾ ਅਗਲਾ 90 ਕਿਲੋ ਤੱਕ ਭਾਰ ਹੋਰ ਘੱਟ ਕਰਨਾ ਸੀ। ਪਰ ਇਸ ਤੋਂ ਪਹਿਲਾਂ ਉਸ ਨਾਲ ਕੁਝ ਅਣਸੁਖਾਵਾਂ ਵਾਪਰ ਗਿਆ। ਕਈ ਤਸਵੀਰਾਂ ‘ਚ ਕੁਈਹੁਆ ਨੂੰ ਜਿਮ ‘ਚ ਵਰਕਆਊਟ ਕਰਦੇ ਦੇਖਿਆ ਜਾ ਸਕਦਾ ਹੈ। ਇਕ ਥਾਂ ‘ਤੇ ਉਹ ਬਹੁਤ ਜ਼ਿਆਦਾ ਭਾਰ ਚੁੱਕ ਰਹੀ ਹੈ। ਕੁਝ ਤਸਵੀਰਾਂ ‘ਚ ਉਹ ਵਰਕਆਊਟ ਦੌਰਾਨ ਸੰਘਰਸ਼ ਕਰਦੀ ਨਜ਼ਰ ਆਈ। ਅੰਤ ‘ਚ ਵਰਕਆਊਟ ਦੌਰਾਨ ਹੀ ਉਸ ਦੀ ਮੌਤ ਹੋ ਗਈ।
