ਆਨਲਾਈਨ ਗੇਮਾਂ ਖੇਡਣ ਲਈ ਲਿਆ 12 ਲੱਖ ਦਾ ਕਰਜ਼ਾ, ਚੁਕਾ ਨਾ ਸਕੀ ਤਾਂ ਪਹਿਲਾਂ ਦੋ ਬੱਚਿਆਂ ਸਮੇਤ ਦੇ ਦਿੱਤੀ ਜਾਨ
ਵੀਓਪੀ ਬਿਊਰੋ, ਹੈਦਰਾਬਾਦ : ਸਿਰ ਚੜ੍ਹੇ ਕਰਜ਼ੇ ਤੋਂ ਤੰਗ ਆ ਇਕ 28 ਸਾਲਾ ਔਰਤ ਨੇ ਮੰਗਲਵਾਰ ਨੂੰ ਆਪਣੇ ਦੋ ਬੱਚਿਆਂ ਸਮੇਤ ਕਥਿਤ ਤੌਰ ‘ਤੇ ਖੁਦਕੁਸ਼ੀ ਕਰ ਲਈ। ਉਹ ਆਨਲਾਈਨ ਗੇਮਾਂ ਦੀ ਆਦੀ ਸੀ, ਜਿਸ ਨੂੰ ਖੇਡਣ ਲਈ ਉਸ ਨੇ ਕਰਜ਼ੇ ਵਜੋਂ ਮੋਟੀ ਰਕਮ ਵੀ ਲਈ ਸੀ। ਔਰਤ ਦੀ ਪਛਾਣ ਰਾਜੇਸ਼ਵਰੀ (27) ਵਜੋਂ ਹੋਈ ਹੈ।ਉਹ ਤੇਲੰਗਾਨਾ ਦੇ ਯਾਦਾਦਰੀ ਭੌਂਗੀਰ ਜ਼ਿਲ੍ਹੇ ਵਿੱਚ ਰਹਿੰਦੀ ਸੀ। ਇਹ ਜਾਣਕਾਰੀ ਪੁਲਿਸ ਨੇ ਦਿੱਤੀ।
ਚੌਟੁੱਪਲ ਥਾਣੇ ਦੇ ਇੱਕ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਔਰਤ ਨੇ ਆਪਣੇ ਤਿੰਨ ਅਤੇ ਪੰਜ ਸਾਲ ਦੇ ਦੋ ਪੁੱਤਰਾਂ ਦੇ ਨਾਲ ਆਪਣੇ ਘਰ ਦੇ ਇੱਕ ਪਾਣੀ ਦੇ ਕੁੰਡ ਵਿੱਚ ਛਾਲ ਮਾਰ ਦਿੱਤੀ।
ਅਧਿਕਾਰੀ ਨੇ ਦੱਸਿਆ ਕਿ ਔਰਤ ਨੂੰ ਕੁਝ ਆਰਥਿਕ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ, ਨੇ ਆਪਣੇ ਇਕ ਰਿਸ਼ਤੇਦਾਰ ਅਤੇ ਕੁਝ ਹੋਰ ਲੋਕਾਂ ਤੋਂ ਲਗਭਗ 12 ਲੱਖ ਰੁਪਏ ਦਾ ਕਰਜ਼ਾ ਲਿਆ ਸੀ ਅਤੇ ਕਰਜ਼ੇ ਦੀ ਰਕਮ ਵਾਪਸ ਕਰਨ ਲਈ ਕਹਿ ਰਹੇ ਸੀ, ਜਿਸ ਤੋਂ ਪ੍ਰੇਸ਼ਾਨ ਹੋ ਕੇ ਉਹ ਨੇ ਆਪਣੇ ਦੋ ਬੱਚਿਆਂ ਸਮੇਤ ਜੀਵਨ ਲੀਲ੍ਹਾ ਸਮਾਪਤ ਕਰ ਲਈ। ਔਰਤ ਦਾ ਪਤੀ ਮਲੇਸ਼, ਜੋ ਕਿ ਇੱਕ ਲਾਰੀ ਡਰਾਈਵਰ ਹੈ, ਅਕਸਰ ਕਈ ਦਿਨਾਂ ਤੱਕ ਘਰ ਤੋਂ ਦੂਰ ਰਹਿੰਦਾ ਸੀ। ਰਾਜੇਸ਼ਵਰੀ, ਜੋ ਕਿ ਇੱਕ ਘਰੇਲੂ ਔਰਤ ਸੀ, ਨੇ ਸਮਾਂ ਕੱਢਣ ਲਈ ਔਨਲਾਈਨ ਗੇਮਾਂ ਖੇਡਣੀਆਂ ਸ਼ੁਰੂ ਕਰ ਦਿੱਤੀਆਂ। ਜਲਦੀ ਹੀ, ਉਸ ਨੂੰ ਗੇਮਿੰਗ ਦੀ ਆਦਤ ਪੈ ਗਈ। ਉਸਨੇ ਆਨਲਾਈਨ ਵੱਡੀ ਰਕਮ ਗੁਆਉਣ ਤੋਂ ਬਾਅਦ ਵੀ ਗੇਮਾਂ ਖੇਡਣਾ ਜਾਰੀ ਰੱਖਿਆ। ਪੁਲਿਸ ਨੇ ਦੱਸਿਆ ਕਿ ਉਸਨੇ ਆਨਲਾਈਨ ਗੇਮਾਂ ਖੇਡਣਾ ਜਾਰੀ ਰੱਖਣ ਲਈ ਆਪਣੇ ਰਿਸ਼ਤੇਦਾਰਾਂ ਤੋਂ ਕਰਜ਼ੇ ਦੀ ਰਕਮ ਵਜੋਂ 12 ਲੱਖ ਰੁਪਏ ਲਏ ਸਨ।
ਜਦੋਂ ਲੈਣਦਾਰਾਂ ਨੇ ਰਕਮ ਦੇਣ ਲਈ ਪਰਿਵਾਰ ‘ਤੇ ਦਬਾਅ ਪਾਉਣਾ ਸ਼ੁਰੂ ਕਰ ਦਿੱਤਾ, ਤਾਂ ਮਲੇਸ਼ ਨੇ ਉਨ੍ਹਾਂ ਨੂੰ ਦੇਣ ਲਈ 6 ਲੱਖ ਰੁਪਏ ਦਾ ਪ੍ਰਬੰਧ ਕੀਤਾ ਅਤੇ ਬਾਕੀ ਰਕਮ ਕੁਝ ਸਮੇਂ ਵਿੱਚ ਵਾਪਸ ਕਰਨ ਦਾ ਵਾਅਦਾ ਕੀਤਾ। ਮੰਗਲਵਾਰ ਸਵੇਰੇ ਕੁਝ ਲੈਣਦਾਰ ਫਿਰ ਉਨ੍ਹਾਂ ਦੇ ਘਰ ਆਏ ਅਤੇ ਰਾਜੇਸ਼ਵਰੀ ‘ਤੇ ਕਰਜ਼ੇ ਦੀ ਰਕਮ ਮੋੜਨ ਲਈ ਦਬਾਅ ਪਾਇਆ। ਦਬਾਅ ਝੱਲਣ ਤੋਂ ਅਸਮਰੱਥ ਰਾਜੇਸ਼ਵਰੀ ਨੇ ਆਪਣੇ ਬੱਚਿਆਂ ਸਮੇਤ ਪਾਣੀ ਦੇ ਕੁੰਡ ਵਿੱਚ ਛਾਲ ਮਾਰ ਕੇ ਜੀਵਨ ਲੀਲਾ ਸਮਾਪਤ ਕਰ ਲਈ। ਪੁਲਿਸ ਮਾਮਲੇ ਵਿਚ ਅਗਲੀ ਕਾਰਵਾਈ ਕਰ ਦਿੱਤੀ ਹੈ।
