ਨਰਸ ਦਾ ਮਰੀਜ਼ ਉਤੇ ਆਇਆ ਦਿਲ, ਕਾਰ ਵਿਚ ਸਰੀਰਕ ਸਬੰਧ ਬਣਾਉਂਦਿਆਂ ਮਰੀਜ਼ ਦੀ ਹੋਈ ਮੌਤ, ਨੌਕਰੀ ਤੋਂ ਧੋਣਾ ਪਿਆ ਹੱਥ
ਵੀਓਪੀ ਬਿਊਰੋ, ਵੇਲਜ਼- ਨਰਸ ਦਾ ਇਕ ਮਰੀਜ਼ ਉਤੇ ਦਿਲ ਆ ਗਿਆ ਪਰ ਇਹ ਇਸ਼ਕਬਾਜ਼ੀ ਉਸ ਨੂੰ ਮਹਿੰਗੀ ਪੈ ਗਈ। ਮਰੀਜ਼ ਨਾਲ ਕਾਰ ਵਿਚ ਸਮਾਂ ਬਿਤਾਉਣ ਸਮੇਂ ਮਰੀਜ਼ ਦੀ ਮੌਤ ਹੋ ਗਈ। ਇਸ ਕਾਰਨ ਹਸਪਤਾਲ ਵਾਲਿਆਂ ਨੇ ਨਰਸ ਨੂੰ ਨੌਕਰੀ ਤੋਂ ਕੱਢ ਦਿੱਤਾ।
ਇਹ ਮਾਮਲਾ ਯੂਨਾਈਟਿਡ ਕਿੰਗਡਮ ਦੇ ਵੇਲਜ਼ ਤੋਂ ਸਾਹਮਣੇ ਆਇਆ ਹੈ। ਦਰਅਸਲ ਰਿਪੋਰਟ ਮੁਤਾਬਕ ਨਰਸ ਇੱਕ ਸਾਲ ਤੋਂ ਵੱਧ ਸਮੇਂ ਤੋਂ ਮਰੀਜ਼ ਨਾਲ ਰਿਲੇਸ਼ਨਸ਼ਿਪ ਵਿੱਚ ਸੀ। ਦੋਸ਼ ਲਾਏ ਜਾ ਰਹੇ ਹਨ ਕਿ ਨਰਸ ਨਾਲ ਸੈਕਸ ਕਰਦੇ ਸਮੇਂ ਮਰੀਜ਼ ਦੀ ਮੌਤ ਹੋ ਗਈ। ਇਸ ਮਾਮਲੇ ਵਿੱਚ ਕਾਰਵਾਈ ਕਰਦਿਆਂ ਹਸਪਤਾਲ ਪ੍ਰਸ਼ਾਸਨ ਨੇ ਨਰਸ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਹੈ।
ਨਰਸ ‘ਤੇ ਮਰੀਜ਼ ਦੇ ਸਰੀਰਕ ਸਬੰਧਾਂ ਦੌਰਾਨ ਅਤੇ ਉਸ ਦੀ ਮੌਤ ਤੋਂ ਬਾਅਦ ਵੀ ਐਂਬੂਲੈਂਸ ਨਾ ਬੁਲਾਉਣ ਦਾ ਦੋਸ਼ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਜਦੋਂ ਮੈਡੀਕਲ ਐਮਰਜੈਂਸੀ ਕਰਮਚਾਰੀ ਪਾਰਕਿੰਗ ਵਾਲੀ ਥਾਂ ‘ਤੇ ਪਹੁੰਚੇ ਤਾਂ ਉਨ੍ਹਾਂ ਨੇ ਮਰੀਜ਼ ਨੂੰ ਨੰਗਾ ਅਤੇ ਮ੍ਰਿਤਕ ਮਿਲਿਆ। ਜਦਕਿ ਨਰਸ ਦਾ ਕਹਿਣਾ ਹੈ ਕਿ ਉਹ ਮਰੀਜ਼ ਨੂੰ ਮਿਲਣ ਗਈ ਸੀ ਕਿਉਂਕਿ ਉਸਨੇ ਕਿਹਾ ਸੀ ਕਿ ਉਹ ਬਿਮਾਰ ਮਹਿਸੂਸ ਕਰ ਰਹੀ ਹੈ। ਉਸ ਨੇ ਮਰੀਜ਼ ਨਾਲ ਕਾਰ ‘ਚ ਸਿਰਫ਼ 30 ਤੋਂ 45 ਮਿੰਟ ਹੀ ਬਿਤਾਏ ਸਨ ਅਤੇ ਉਹ ਸਿਰਫ਼ ਗੱਲਾਂ ਹੀ ਕਰ ਰਹੇ ਸਨ। ਫਿਰ ਮਰੀਜ਼ ਨੇ ਅਚਾਨਕ ਦੀ ਮੌਤ ਹੋ ਗਈ।
ਮਰੀਜ਼ ਵੇਲਜ਼ ਦੇ ਇੱਕ ਹਸਪਤਾਲ ਵਿੱਚ ਡਾਇਲਸਿਸ ਕਰਵਾ ਰਿਹਾ ਸੀ। ਟਾਈਮਜ਼ ਯੂਕੇ ਦੀ ਰਿਪੋਰਟ ਮੁਤਾਬਕ ਮਰੀਜ਼ ਦੀ ਮੌਤ ਦਿਲ ਦਾ ਦੌਰਾ ਪੈਣ ਅਤੇ ਗੰਭੀਰ ਗੁਰਦੇ ਦੀ ਬਿਮਾਰੀ ਨਾਲ ਹੋਈ ਸੀ।
