ਨਸ਼ੇ ਦੀ ਲੋਰ ‘ਚ ਪੰਜਾਬ ਰੋਡਵੇਜ਼ ਦੀ ਬੱਸ ਹੀ ਚੋਰੀ ਕਰ ਕੇ ਲੈ ਗਿਆ ਨਸ਼ੇੜੀ, 10 ਕਿਲੋਮੀਟਰ ਦੂਰ ਜਾ ਕੇ ਸੌਂ ਗਿਆ
ਪਟਿਆਲਾ (ਵੀਓਪੀ ਬਿਊਰੋ) ਪੰਜਾਬ ਦੇ ਪਟਿਆਲਾ ਜ਼ਿਲ੍ਹੇ ਵਿੱਚ ਇੱਕ ਨਸ਼ੇੜੀ ਨੇ ਸਰਕਾਰੀ ਬੱਸ ਚੋਰੀ ਕਰ ਲਈ। ਉਹ ਸ਼ਰਾਬੀ ਹਾਲਤ ਵਿੱਚ ਪੰਜਾਬ ਦੀ ਪੀਆਰਟੀਸੀ ਸਰਕਾਰੀ ਬੱਸ ਨੂੰ ਕਰੀਬ 10 ਕਿਲੋਮੀਟਰ ਤੱਕ ਚਲਾ ਕੇ ਲੈ ਗਿਆ। ਇਸ ਤੋਂ ਬਾਅਦ ਇਹ ਬੱਸ ਵਿੱਚ ਹੀ ਸੌਂ ਗਿਆ।
ਸਮਾਣਾ ਸਦਰ ਥਾਣੇ ਦੀ ਪੁਲਿਸ ਨੇ ਨਸ਼ੇ ਵਿੱਚ ਧੁੱਤ ਰਣਜੀਤ ਸਿੰਘ ਵਾਸੀ ਤਲਵੰਡੀ ਮਲਿਕ ਨੂੰ ਗ੍ਰਿਫ਼ਤਾਰ ਕਰਕੇ ਉਸ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਪਿੰਡ ਘੰਘਰੌਲੀ ਦੇ ਵਸਨੀਕ ਜਗਸੀਰ ਸਿੰਘ ਨੇ ਪੁਲੀਸ ਕੋਲ ਸ਼ਿਕਾਇਤ ਦਰਜ ਕਰਵਾ ਕੇ ਦੱਸਿਆ ਕਿ ਉਹ ਸਰਕਾਰੀ ਬੱਸ ਦਾ ਡਰਾਈਵਰ ਹੈ।
ਬੀਤੀ 28 ਜੁਲਾਈ ਨੂੰ ਆਪਣੀ ਡਿਊਟੀ ਖਤਮ ਕਰਕੇ ਸ਼ਾਮ 7.40 ਵਜੇ ਦੇ ਕਰੀਬ ਉਹ ਪਿੰਡ ਤਲਵੰਡੀ ਮਲਿਕ ਦੀ ਸਹਿਕਾਰੀ ਸਭਾ ਵਿੱਚ ਬੱਸ ਖੜ੍ਹੀ ਕਰਕੇ ਘਰ ਲਈ ਰਵਾਨਾ ਹੋਇਆ ਸੀ। ਅਗਲੇ ਦਿਨ ਜਦੋਂ ਮੈਂ ਆਇਆ ਤਾਂ ਬੱਸ ਉੱਥੇ ਨਹੀਂ ਸੀ। ਇਸ ਤੋਂ ਬਾਅਦ ਉਸ ਨੇ ਬੱਸ ਵਿੱਚ ਲੱਗੇ ਜੀਪੀਐਸ ਤੋਂ ਬੱਸ ਦੀ ਲੋਕੇਸ਼ਨ ਦਾ ਪਤਾ ਲਗਾਇਆ ਤਾਂ ਬੱਸ ਕਰੀਬ 10 ਕਿਲੋਮੀਟਰ ਦੂਰ ਪਿੰਡ ਦੋਦਾ ਵਿਖੇ ਖੜ੍ਹੀ ਪਾਈ ਗਈ।
ਜਾਂਚ ਕਰਨ ‘ਤੇ ਪਤਾ ਲੱਗਾ ਕਿ ਪਿੰਡ ਤਲਵੰਡੀ ਦੇ ਰਹਿਣ ਵਾਲੇ ਰਣਜੀਤ ਸਿੰਘ ਨੇ ਸ਼ਰਾਬੀ ਹਾਲਤ ‘ਚ ਬੱਸ ਚੋਰੀ ਕੀਤੀ ਸੀ।
