ਡਾਕੂਆਂ ਨੇ ਕੀਤਾ ਫੌਜ ‘ਤੇ ਹਮਲਾ, ਸਾਥੀਆਂ ਨੂੰ ਬਚਾਉਣ ਆਏ ਸੈਨਿਕਾਂ ਦਾ ਹੈਲੀਕਾਪਟਰ ਵੀ ਹਾਦਸਾਗ੍ਰਸਤ, ਦੋ ਦਰਜਨ ਤੋਂ ਜ਼ਿਆਦਾ ਮੌਤਾਂ
ਵੀਓਪੀ ਬਿਊਰੋ – ਨਾਈਜੀਰੀਆ ਵਿੱਚ ਇੱਕ ਵੱਡਾ ਹੈਲੀਕਾਪਟਰ ਹਾਦਸਾ ਸਾਹਮਣੇ ਆਇਆ ਹੈ। ਇਹ ਘਟਨਾ ਨਾਈਜਰ ‘ਚ ਚੱਲ ਰਹੇ ਬਚਾਅ ਮਿਸ਼ਨ ਦੌਰਾਨ ਵਾਪਰੀ। ਮਿਸ਼ਨ ਦੌਰਾਨ, ਮ੍ਰਿਤਕਾਂ ਅਤੇ ਜ਼ਖਮੀ ਸੈਨਿਕਾਂ ਦੀਆਂ ਲਾਸ਼ਾਂ ਨੂੰ ਲਿਜਾ ਰਿਹਾ ਹੈਲੀਕਾਪਟਰ ਹਾਦਸਾਗ੍ਰਸਤ ਹੋ ਗਿਆ, ਜਿਸ ਨਾਲ ਦੋ ਦਰਜਨ ਨਾਈਜੀਰੀਆ ਦੇ ਸੁਰੱਖਿਆ ਕਰਮਚਾਰੀ ਮਾਰੇ ਗਏ। ਜਾਣਕਾਰੀ ਮੁਤਾਬਕ ਨਾਈਜਰ ਦੇ ਸ਼ਿਰੋਰੋ ਖੇਤਰ ਦੇ ਚੁਕੂਬਾ ਪਿੰਡ ‘ਚ ਬਚਾਅ ਮਿਸ਼ਨ ਚੱਲ ਰਿਹਾ ਸੀ।
ਇੱਥੇ ਡਾਕੂਆਂ ਦੇ ਹਮਲੇ ਵਿੱਚ ਕਈ ਸੈਨਿਕ ਮਾਰੇ ਗਏ ਅਤੇ ਕਈ ਜ਼ਖਮੀ ਹੋ ਗਏ, ਜਿਨ੍ਹਾਂ ਨੂੰ ਵਾਪਸ ਲਿਆਉਣ ਲਈ ਸੁਰੱਖਿਆ ਕਰਮਚਾਰੀਆਂ ਨੂੰ ਹੈਲੀਕਾਪਟਰ ਰਾਹੀਂ ਭੇਜਿਆ ਗਿਆ। ਨਾਈਜੀਰੀਆ ਦੀ ਫੌਜ ਦੇ ਬੁਲਾਰੇ ਮੇਜਰ ਜਨਰਲ ਐਡਵਰਡ ਬੂਬਾ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਹਾਦਸੇ ਦੇ ਸਮੇਂ ਜਹਾਜ਼ ‘ਚ ਸਵਾਰ 14 ਸੈਨਿਕ ਅਤੇ ਦੋ ਪਾਇਲਟ ਅਤੇ ਚਾਲਕ ਦਲ ਦੇ ਦੋ ਮੈਂਬਰ ਸਮੇਤ 7 ਜ਼ਖਮੀ ਸਨ। ਬੂਬਾ ਨੇ ਦੱਸਿਆ ਕਿ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਨਾਈਜੀਰੀਆ ਦੇ ਰਾਸ਼ਟਰਪਤੀ ਬੋਲਾ ਤਿਨਬੂ ਨੇ ਇੱਕ ਬਿਆਨ ਵਿੱਚ ਕਿਹਾ, “ਇਹ ਅਧਿਕਾਰੀ ਅਤੇ ਆਦਮੀ ਨਿਕਾਸੀ ਮਿਸ਼ਨ ਦੌਰਾਨ ਡਿਊਟੀ ‘ਤੇ ਸਨ ਅਤੇ ਸਾਡੇ ਦੇਸ਼ ਲਈ ਆਪਣੀ ਸਮਰਪਿਤ ਸੇਵਾ ਵਿੱਚ ਅੰਤਿਮ ਕੁਰਬਾਨੀ ਦਿੱਤੀ ਹੈ।”
