ਨੇਪਾਲ ਵਿਚ ਸੜਕ ਤੋਂ ਹੇਠਾਂ 50 ਮੀਟਰ ਉਤਰ ਕੇ ਪਲਟੀ ਬੱਸ, ਛੇ ਭਾਰਤੀ ਨਾਗਰਿਕਾਂ ਸਮੇਤ ਸੱਤ ਦੀ ਹੋ ਗਈ ਮੌਤ
ਵੀਓਪੀ ਬਿਊਰੋ, ਕਾਠਮੰਡੂ : ਨੇਪਾਲ ਦੇ ਦੱਖਣੀ ਮੈਦਾਨੀ ਖੇਤਰ ਦੇ ਬਾਰਾ ਜ਼ਿਲ੍ਹੇ ਵਿੱਚ ਸੜਕ ਤੋਂ ਉਤਰ ਕੇ ਬੱਸ 50 ਮੀਟਰ ਹੇਠਾਂ ਉਤਰ ਕੇ ਪਲਟ ਗਈ। ਇਸ ਹਾਦਸੇ ਵਿਚ 6 ਭਾਰਤੀ ਸ਼ਰਧਾਲੂਆਂ ਸਮੇਤ ਸੱਤ ਜਣਿਆਂ ਦੀ ਮੌਤ ਹੋ ਗਈ। ਪੁਲਿਸ ਅਨੁਸਾਰ ਇਹ ਹਾਦਸਾ ਵੀਰਵਾਰ ਤੜਕੇ ਵਾਪਰਿਆ ਅਤੇ ਇਸ ਵਿਚ 19 ਲੋਕ ਜ਼ਖ਼ਮੀ ਹੋ ਗਏ। ਬੱਸ ਕਾਠਮੰਡੂ ਤੋਂ ਜਨਕਪੁਰ ਜਾ ਰਹੀ ਸੀ ਅਤੇ ਭਾਰਤੀ ਸ਼ਰਧਾਲੂਆਂ ਨੂੰ ਲੈ ਕੇ ਜਾ ਰਹੀ ਸੀ, ਜਦੋਂ ਬਾਰਾ ਦੇ ਚੂਰੀਆਮਈ ਨੇੜੇ ਇਹ ਹਾਦਸਾ ਵਾਪਰ ਗਿਆ।
ਡਿਪਟੀ ਸੁਪਰਡੈਂਟ ਪ੍ਰਦੀਪ ਬਹਾਦੁਰ ਛੇਤਰੀ ਨੇ ਦੱਸਿਆ ਕਿ “ਬੱਸ ਸਵੇਰੇ ਕਰੀਬ 2 ਵਜੇ ਈਸਟ-ਵੈਸਟ ਹਾਈਵੇਅ ਦੇ ਨਾਲ ਸਿਮਰਾ ਸਬ-ਮੈਟਰੋਪੋਲੀਟਨ ਸਿਟੀ-22 ਵਿਖੇ ਚੂਰੀਆਮਈ ਮੰਦਿਰ ਦੇ ਦੱਖਣ ਵਿੱਚ ਇੱਕ ਨਦੀ ਕਿਨਾਰੇ ‘ਤੇ ਪਲਟ ਗਈ ਅਤੇ ਸੜਕ ਤੋਂ ਲਗਭਗ 50 ਮੀਟਰ ਹੇਠਾਂ ਡਿੱਗ ਗਈ। ਪੁਲਿਸ ਨੇ ਮ੍ਰਿਤਕ ਭਾਰਤੀ ਨਾਗਰਿਕਾਂ ਦੀ ਪਛਾਣ ਭਾਰਤ ਦੇ ਰਾਜਸਥਾਨ ਰਾਜ ਤੋਂ ਕਰ ਲਈ ਹੈ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਹਾਦਸੇ ਵਿੱਚ ਇੱਕ ਨੇਪਾਲੀ ਨਾਗਰਿਕ ਦੀ ਵੀ ਮੌਤ ਹੋ ਗਈ। ਬੱਸ ਵਿੱਚ ਦੋ ਡਰਾਈਵਰਾਂ ਅਤੇ ਇੱਕ ਸਹਾਇਕ ਸਮੇਤ ਕੁੱਲ 27 ਲੋਕ ਸਵਾਰ ਸਨ।
ਜ਼ਿਲ੍ਹਾ ਪੁਲਿਸ ਬਾੜਾ ਦੇ ਬੁਲਾਰੇ ਦਧੀਰਾਮ ਨਿਊਪਾਨੇ ਨੇ ਦੱਸਿਆ ਕਿ ਸੜਕ ਹਾਦਸੇ ‘ਚ ਤਿੰਨ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦਕਿ ਚਾਰ ਦੀ ਇਲਾਜ ਦੌਰਾਨ ਮੌਤ ਹੋ ਗਈ। ਬੱਸ ਦੇ ਡਰਾਈਵਰ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ ਹੈ।
ਜ਼ਿਲ੍ਹਾ ਪੁਲਿਸ ਦਫ਼ਤਰ ਮਕਵਾਨਪੁਰ ਨੇ ਮ੍ਰਿਤਕਾਂ ਦੀ ਪਛਾਣ ਬਿਜੈ ਲਾਲ ਪੰਡਿਤ (41) ਵਾਸੀ ਲੋਹਾਰ ਪੱਤੀ, ਮਹੋਤਰੀ ਅਤੇ ਬਹਾਦਰ ਸਿੰਘ (67), ਮੀਰਾ ਦੇਵੀ ਸਿੰਘ (65), ਸੱਤਿਆਵਤੀ ਸਿੰਘ (60), ਰਾਜਿੰਦਰ ਚਤੁਰਵੇਦੀ (70), ਸ੍ਰੀਕਾਂਤ ਚਤੁਰਵੇਦੀ ਵਜੋਂ ਕੀਤੀ ਹੈ। ਰਾਜਸਥਾਨ (65) ਅਤੇ ਬੈਜੰਤੀ ਦੇਵੀ (67) ਵਜੋਂ ਹੋਈ ਹੈ।
