ਸਟੇਸ਼ਨ ਉਤੇ ਖੜ੍ਹੀ ਟਰੇਨ ਵਿਚ ਸਿਲੰਡਰ ਨਾਲ ਅੱਗ ਬਾਲ ਕੇ ਬਣਾਉਣ ਲੱਗੇ ਰੋਟੀ, ਪੂਰੇ ਕੋਚ ਵਿਚ ਫੈਲ ਗਈ ਅੱਗ, ਅੱਠ ਲੋਕਾਂ ਦੀ ਹੋ ਗਈ ਮੌਤ
ਵੀਓਪੀ ਬਿਊਰੋ, ਨੈਸ਼ਨਲ-ਤਾਮਿਲਨਾਡੂ ਦੇ ਮਦੁਰਈ ‘ਚ ਟਰੇਨ ਨੂੰ ਅੱਗ ਲੱਗਣ ਨਾਲ ਚੀਕਾ ਚਿਹਾੜਾ ਮਚ ਗਿਆ। ਇੱਥੇ ਮਦੁਰਈ ਸਟੇਸ਼ਨ ‘ਤੇ ਖੜ੍ਹੀ ਟਰੇਨ ਦੇ ਡੱਬੇ ਨੂੰ ਅੱਗ ਲੱਗ ਗਈ। ਦੱਖਣੀ ਰੇਲਵੇ ਦੇ ਸੂਤਰਾਂ ਨੇ ਦੱਸਿਆ ਕਿ ਲਖਨਊ ਤੋਂ ਰਾਮੇਸ਼ਵਰਮ ਜਾ ਰਹੀ ਰੇਲਗੱਡੀ ਦੇ ਇੱਕ ਯਾਤਰੀ ਡੱਬੇ ਵਿਚ ਅੱਗ ਲੱਗਣ ਕਾਰਨ ਅੱਠ ਲੋਕਾਂ ਦੀ ਮੌਤ ਹੋ ਗਈ ਅਤੇ 20 ਜ਼ਖਮੀ ਹੋ ਗਏ।
ਰੇਲਵੇ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਅੱਜ ਸਵੇਰੇ 5.15 ਵਜੇ ਮਦੁਰਈ ਯਾਰਡ ‘ਚ ਪੁਨਾਲੂਰ-ਮਦੁਰਾਈ ਐਕਸਪ੍ਰੈੱਸ ਦੇ ਇਕ ਨਿੱਜੀ ਕੋਚ ‘ਚ ਅੱਗ ਲੱਗ ਗਈ। ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਨੇ ਪਹੁੰਚ ਕੇ ਅੱਗ ‘ਤੇ ਕਾਬੂ ਪਾਇਆ ਅਤੇ ਹੋਰ ਡੱਬਿਆਂ ਨੂੰ ਕੋਈ ਨੁਕਸਾਨ ਨਹੀਂ ਹੋਇਆ। ਰੇਲਵੇ ਮੁਤਾਬਕ ਅੱਗ ਯਾਤਰੀਆਂ ਵੱਲੋਂ ਗੁਪਤ ਤਰੀਕੇ ਨਾਲ ਲਿਜਾਏ ਜਾ ਰਹੇ ਗੈਸ ਸਿਲੰਡਰ ਕਾਰਨ ਲੱਗੀ ਹੈ।
ਅਧਿਕਾਰੀਆਂ ਨੇ ਕਿਹਾ ਕਿ ਯਾਤਰੀ ਗੈਸ ਸਿਲੰਡਰ ਦੀ ਨਿੱਜੀ ਪਾਰਟੀ ਕੋਚ ਵਿਚ “ਗੈਰ-ਕਾਨੂੰਨੀ ਤੌਰ ‘ਤੇ ਤਸਕਰੀ” ਕੀਤੀ ਗਈ ਸੀ। ਕੋਚ ‘ਚ ਅੱਗ ਬਹੁਤ ਭਿਆਨਕ ਸੀ, ਜਿਸ ਨੂੰ ਫਾਇਰ ਬ੍ਰਿਗੇਡ ਦੇ ਮੁਲਾਜ਼ਮਾਂ ਨੇ ਬੜੀ ਮੁਸ਼ਕਲ ਨਾਲ ਬੁਝਾਇਆ।ਹਾਦਸੇ ਵਾਲੀ ਥਾਂ ‘ਤੇ ਪਈਆਂ ਖਿੱਲਰੀਆਂ ਚੀਜ਼ਾਂ ਵਿਚ ਇਕ ਸਿਲੰਡਰ ਅਤੇ ਆਲੂਆਂ ਦਾ ਇਕ ਥੈਲਾ ਵੀ ਸ਼ਾਮਲ ਸੀ, ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਖਾਣਾ ਪਕਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ।ਜਿਸ ਕਾਰਨ ਅੱਗ ਲੱਗੀ।
