ਰੱਖੜੀ ਵਾਲੇ ਦਿਨ ਅੰਨਾ (ਭਰਾ) ਦੀ ਹੋ ਗਈ ਮੌਤ, ਗਮ ਵਿਚ ਡੁੱਬੀ ਭੈਣ ਨੇ ਲਾਸ਼ ਨੂੰ ਬੰਨ੍ਹੀ ਰੱਖੜੀ
ਵੀਓਪੀ ਬਿਊਰੋ, ਨੈਸ਼ਨਲ-ਰੱਖੜੀ ਵਾਲੇ ਦਿਨ ਇਕ ਭੈਣ ਨਾਲੋਂ ਉਸ ਦਾ ਭਰਾ ਜੁਦਾ ਹੋ ਗਿਆ। ਦਿਲ ਦਾ ਦੌਰਾ ਪੈਣ ਕਾਰਨ ਭਰਾ ਦੀ ਮੌਤ ਹੋ ਗਈ। ਗਮ ਵਿਚ ਡੁੱਬੀ ਭੈਣ ਨੇ ਭਰਾ ਦੀ ਲਾਸ਼ ਦੇ ਗੁੱਟ ਉਤੇ ਹੀ ਰੱਖੜੀ ਬੰਨ੍ਹੀ। ਇਹ ਮੰਜ਼ਰ ਵੇਖ ਪੂਰੇ ਪਿੰਡ ਵਾਸੀ ਅੱਖਾਂ ਵਿਚੋਂ ਹੰਝੂ ਨਾ ਰੋਕ ਸਕੇ।
ਇਹ ਘਟਨਾ ਪਦਪਲੀ ਜ਼ਿਲ੍ਹੇ ਦੇ ਏਲੀਗੇਡੂ ਮੰਡਲ ਦੀ ਦੱਸੀ ਜਾ ਰਹੀ ਹੈ। ਆਪਣੇ ਅੰਨਾ (ਭਰਾ) ਨੂੰ ਰੱਖੜੀ ਬੰਨਣ ਲਈ ਭੈਣ ਗੌਰੰਮਾ ਪੁਟੇਡੂ ਆਈ ਸੀ ਕਿ ਇਸੇ ਦਿਨ ਉਸ ਦੇ ਅੰਨਾ ਚੌਧਰੀ ਕਨਕਈਆ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ।ਜਿਸ ਕਾਰਨ ਸਾਰਾ ਪਰਿਵਾਰ ਗਮ ਦੇ ਸਮੁੰਦਰ ਵਿਚ ਡੁੱਬ ਗਿਆ। ਭੈਣ ਭੁੱਬਾਂ ਮਾਰ ਕੇ ਰੋਈ। ਡੂੰਘੇ ਦੁੱਖ ਨਾਲ ਉਸ ਨੇ ਕਨਕਈਆ ਦੀ ਲਾਸ਼ ਦੇ ਗੁੱਟ ਉਤੇ ਨੂੰ ਰੱਖੜੀ ਬੰਨ੍ਹੀ। ਇਸ ਘਟਨਾ ਨਾਲ ਪੂਰੇ ਪਿੰਡ ਵਿਚ ਸੋਗ ਦੀ ਲਹਿਰ ਦੌੜ ਗਈ।
