ਪੋਲ ‘ਚ ਵੱਜੀ ਆਲਟੋ ਕਾਰ, ਪਲਟੀਆਂ ਖਾਂਦੀ ਦੇ ਉੱਡੇ ਪਰਖੱਚੇ, ਇੱਕ ਦੀ ਮੌਤ, 2 ਗੰਭੀਰ ਜ਼ਖਮੀ
ਫਿਲੌਰ (ਵੀਓਪੀ ਬਿਊਰੋ) ਸਵੇਰੇ 5:30, ਵਜੇ ਦੇ ਕਰੀਬ ਆਲਟੋ ਗੱਡੀ ਵਿੱਚ ਤਿੰਨ ਨੌਜਵਾਨ ਸਵਾਰ ਹੋ ਕੇ ਲੁਧਿਆਣੇ ਤੋਂ ਜਲੰਧਰ ਨੂੰ ਜਾ ਰਹੇ ਸੀ ਕਿ ਲਾਡੋਵਾਲ ਫਲਾਈਓਵਰ ਦੇ ਥੱਲੇ ਪੋਲ ਵਿੱਚ ਗੱਡੀ ਟਕਰਾ ਗਈ। ਇਹ ਟੱਕਰ ਵੱਜਣ ਕਾਰਨ ਪਲਟੀਆਂ ਖਾਂਦੀ ਗੱਡੀ ਵਿੱਚ ਜੋ ਤਿੰਨ ਨੌਜਵਾਨ ਸੀ ਉਹ ਗੰਭੀਰ ਜ਼ਖ਼ਮੀ ਹੋ ਗਏ ਆਸ ਪਾਸ ਦੇ ਲੋਕਾਂ ਦੀ ਮਦਦ ਨਾਲ ਫਿਲੌਰ ਸਿਵਲ ਹਸਪਤਾਲ ਜੇਰੇ ਇਲਾਜ ਲਈ ਲਿਆਦਿਆ ਗਿਆ।
ਇਨ੍ਹਾਂ ਵਿਚੋਂ ਇਕ ਭਾਰਤ ਨਾਂ ਦਾ ਨੌਜਵਾਨ ਉਸ ਦੀ ਇਲਾਜ ਦੌਰਾਨ ਮੌਤ ਹੋ ਗਈ ਅਤੇ ਬਾਕੀ ਦੋ ਨੌਜਵਾਨ ਮਨੀ ਤੇ ਮੁਕੇਸ਼ ਨੂੰ ਜਲੰਧਰ ਹਸਪਤਾਲ ਵਿਚ ਰੈਫਰ ਕਰ ਦਿੱਤਾ ਗਿਆ।
ਜਾਣਕਾਰੀ ਅਨੁਸਾਰ ਪਤਾ ਲੱਗਾ ਕਿ ਭਾਰਤ ਨਾਂ ਦਾ ਨੌਜਵਾਨ ਘੁਮਿਆਰ ਮੰਡੀ ਲੁਧਿਆਣੇ ਦਾ ਰਹਿਣ ਵਾਲਾ ਤੇ ਦੂਜੇ ਨੌਜਵਾਨ ਇੱਕ ਫਗਵਾੜੇ ਤੇ ਤੀਜਾ ਜਲੰਧਰ ਦਾ ਰਹਿਣ ਵਾਲਾ ਹੈ ਤੇ ਜਾਣਕਾਰੀ ਅਨੁਸਾਰ ਲਾਡੋਵਾਲ ਦੇ ਏ: ਐਸ:ਆਈ: ਸੁਰਿੰਦਰ ਪਾਲ ਨੇ ਐਕਸੀਡੈਂਟ ਦੁਰਘਟਨਾ ਵਾਲੀ ਥਾਂ ‘ਤੇ ਪਹੁੰਚ ਕੇ ਗੱਡੀ ਨੂੰ ਇੱਕ ਸਾਈਡ ਤੇ ਕਰਵਾਕੇ ਰੋਡ ਨੂੰ ਚਾਲੂ ਕਰਵਾਇਆ ਹੈ। ਮ੍ਰਿਤਕ ਦੇ ਪਰਿਵਾਰਕ ਮੈਂਬਰ ਫਿਲੌਰ ਸਿਵਲ ਹਸਪਤਾਲ ਵਿਚ ਪਹੁੰਚੇ।
