ਨਾਬਾਲਿਗਾ ਨੂੰ ਉਸ ਦੇ ਘਰ ਦੀ ਛੱਤ ਉਤੇ ਹੀ ਜ਼ਿੰਦਾ ਸਾੜ ਕੇ ਕ+ਤ+ਲ ਕਰ ਗਏ ਅੱਠ ਮੁੰਡੇ, ਪਿਤਾ ਨੇ ਮੌਕੇ ਉਤੇ ਪਹੁੰਚ ਭੱਜਦੇ ਵੇਖੇ ਮੁਲਜ਼ਮ
ਵੀਓਪੀ ਬਿਊਰੋ, ਨੈਸ਼ਨਲ : ਯੂਪੀ ਦੇ ਅਮੇਠੀ ਵਿਚ ਰੂਹ ਕੰਬਾਊ ਘਟਨਾ ਵਾਪਰੀ ਹੈ। ਅੱਠ ਮੁੰਡਿਆਂ ਨੇ ਇਕ ਨਾਬਾਲਗ ਲੜਕੀ ਨੂੰ ਉਸ ਦੇ ਘਰ ‘ਚ ਹੀ ਜ਼ਿੰਦਾ ਸਾੜ ਕੇ ਕ+ਤ+ਲ ਕਰ ਦਿੱਤਾ। ਪੀੜਤਾ ਦੇ ਪਿਤਾ ਦੀ ਸ਼ਿਕਾਇਤ ‘ਤੇ 5 ਨਾਮੀ ਅਤੇ ਤਿੰਨ ਅਣਪਛਾਤੇ ਨੌਜਵਾਨਾਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਵੀਰਵਾਰ ਸਵੇਰੇ ਮੌਕੇ ‘ਤੇ ਪਹੁੰਚੀ ਫੋਰੈਂਸਿਕ ਟੀਮ ਜਾਂਚ ਅਤੇ ਸਬੂਤਾਂ ਦੀ ਭਾਲ ਕਰਦੀ ਨਜ਼ਰ ਆਈ।
ਕਸਬਾ ਨਿਵਾਸੀ ਜਤਿੰਦਰ ਕੁਮਾਰ ਸ਼ੁਕਲਾ ਬੁੱਧਵਾਰ ਸ਼ਾਮ 6 ਵਜੇ ਆਪਣੇ ਘਰ ਦੇ ਕੋਲ ਸਥਿਤ ਬੜੌਦਾ ਯੂਪੀ ਬੈਂਕ ਗਿਆ ਸੀ। ਇਸ ਦੌਰਾਨ ਉਸ ਦਾ ਭਤੀਜਾ ਰਜਤ ਕੁਮਾਰ ਬੈਂਕ ਪਹੁੰਚਿਆ ਅਤੇ ਘਰ ਨੂੰ ਅੱਗ ਲੱਗਣ ਦੀ ਸੂਚਨਾ ਦਿੱਤੀ। ਜਦੋਂ ਉਹ ਘਰ ਦੀ ਛੱਤ ‘ਤੇ ਗਿਆ ਤਾਂ ਦੇਖਿਆ ਕਿ ਉਸ ਦੀ 16 ਸਾਲਾ ਧੀ ਸ਼ਿਵੀ ਅੱਗ ਦੀਆਂ ਲਪਟਾਂ ਦੀ ਲਪੇਟ ‘ਚ ਸੀ।
ਪੀੜਤਾ ਦੇ ਪਿਤਾ ਅਨੁਸਾਰ ਉਸ ਦੌਰਾਨ ਉਸ ਨੇ ਫੈਜ਼ਾਨ ਤੇ ਗੁਫਰਾਨ ਵਾਸੀ ਲੋਹੰਗੀ, ਦੱਖਣੀ ਪਿੰਡ ਵਾਸੀ ਪ੍ਰਿੰਸ ਪਾਲ ਤੇ ਜਾਵੇਦ ਅਹਿਮਦ, ਕਸਬਾ ਵਾਸੀ ਰਾਮ ਬਹਾਦਰ ਯਾਦਵ, ਕਟੜਾ ਵਾਸੀ ਰਾਮ ਬਹਾਦਰ ਯਾਦਵ ਤੇ ਤਿੰਨ ਅਣਪਛਾਤੇ ਨੌਜਵਾਨਾਂ ਨੂੰ ਛੱਤ ਤੋਂ ਭੱਜਦੇ ਦੇਖਿਆ। ਕਿਸੇ ਤਰ੍ਹਾਂ ਅੱਗ ‘ਤੇ ਕਾਬੂ ਪਾਇਆ ਅਤੇ ਧੀ ਨੂੰ ਇਲਾਜ ਲਈ ਸੀਐੱਚਸੀ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਪਿਤਾ ਦਾ ਦੋਸ਼ ਹੈ ਕਿ ਛੱਤ ਤੋਂ ਛਾਲ ਮਾਰ ਕੇ ਭੱਜ ਰਹੇ ਨੌਜਵਾਨਾਂ ਨੇ ਧੀ ਨੂੰ ਸਾੜ ਦਿੱਤਾ ਹੈ। ਪੀੜਤਾ ਦੇ ਪਿਤਾ ਮੁਲਜ਼ਮਾਂ ਖਿਲਾਫ ਕਾਰਵਾਈ ਦੀ ਮੰਗ ‘ਤੇ ਅੜੇ ਹੋਏ ਹਨ ਅਤੇ ਪੁਲਿਸ ‘ਤੇ ਲਾਪਰਵਾਹੀ ਦਾ ਦੋਸ਼ ਲਗਾ ਰਹੇ ਹਨ।ਏਐਸਪੀ ਹਰਿੰਦਰ ਕੁਮਾਰ ਨੇ ਘਟਨਾ ਵਾਲੀ ਥਾਂ ਦਾ ਮੁਆਇਨਾ ਕੀਤਾ ਅਤੇ ਸਥਾਨਕ ਪੁਲਿਸ ਤੋਂ ਜਾਣਕਾਰੀ ਹਾਸਲ ਕੀਤੀ। ਫੋਰੈਂਸਿਕ ਟੀਮ ਨੇ ਸਬੂਤ ਇਕੱਠੇ ਕੀਤੇ। ਥਾਣਾ ਸਦਰ ਦੇ ਮੁਖੀ ਅਵਨੀਸ਼ ਕੁਮਾਰ ਚੌਹਾਨ ਨੇ ਦੱਸਿਆ ਕਿ ਪਿਤਾ ਦੀ ਸ਼ਿਕਾਇਤ ਦੇ ਆਧਾਰ ‘ਤੇ 5 ਨਾਮੀ ਅਤੇ ਤਿੰਨ ਅਣਪਛਾਤੇ ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਜਲਦੀ ਹੀ ਸਾਰੇ ਮੁਲਜ਼ਮਾਂ ਨੂੰ ਗ੍ਰਿਫ+ਤਾਰ ਕਰ ਲਿਆ ਜਾਵੇਗਾ।
ਸਥਿਤੀ ਵਿਗੜਦੀ ਦੇਖ ਕੇ ਇਲਾਕਾ ਅਧਿਕਾਰੀ ਗੌਰਵ ਸਿੰਘ, ਥਾਣਾ ਇੰਚਾਰਜ ਇੰਨਹਾਣਾ ਕੰਚਨ ਸਿੰਘ, ਜਾਮੋ ਵਿਵੇਕ ਕੁਮਾਰ, ਕਮਰੌਲੀ ਅਭਿਨੇਸ਼, ਅਪਰਾਧ ਸ਼ਾਖਾ ਦੇ ਇੰਚਾਰਜ ਉਮੇਸ਼ ਮਿਸ਼ਰਾ ਵੀ ਮੌਕੇ ‘ਤੇ ਪਹੁੰਚ ਗਏ। ਕਾਫੀ ਸਮਝਾਉਣ ਤੋਂ ਬਾਅਦ ਪੀੜਤਾ ਪੋਸਟਮਾਰਟਮ ਕਰਵਾਉਣ ਲਈ ਰਾਜ਼ੀ ਹੋ ਗਈ।
