ਅਭਿਨੇਤਾ ਨਾਨਾ ਪਾਟੇਕਰ ਨੇ ਪ੍ਰਸ਼ੰਸਕ ਨੂੰ ਜੜਿਆ ਥੱਪੜ ! ਵੀਡੀਓ ਵਾਇਰਲ ਹੋਣ ਮਗਰੋਂ ਮੰਗੀ ਮਾਫੀ, ਦੱਸਿਆ ਕਾਰਨ (ਵੇਖੋ ਵੀਡੀਓ)
ਵੀਓਪੀ ਬਿਊਰੋ, ਨੈਸ਼ਨਲ-ਵਾਰਾਣਸੀ ਵਿਚ ਫਿਲਮ ਦੀ ਸ਼ੂਟਿੰਗ ਦੌਰਾਨ ਅਭਿਨੇਤਾ ਨਾਨਾ ਪਾਟੇਕਰ ਨੇ ਆਪਣੇ ਇਕ ਪ੍ਰਸ਼ੰਸਕ ਨੂੰ ਥੱਪੜ ਜੜ੍ਹ ਦਿੱਤਾ। ਇਹ ਪ੍ਰਸ਼ੰਸਕ ਅਭਿਨੇਤਾ ਨਾਨਾ ਪਾਟੇਕਰ ਨਾਲ ਸੈਲਫੀ ਲੈਣ ਲਈ ਆਇਆ ਸੀ। ਬੀਤੇ ਦਿਨੀਂ ਥੱਪੜ ਮਾਰਨ ਦਾ ਵੀਡੀਓ ਜੰਗਲ ਦੀ ਅੱਗ ਵਾਂਗ ਵਾਇਰਲ ਹੋਇਆ ਸੀ।
ਵੀਡੀਓ ਵਿਚ ਵੇਖਿਆ ਜਾ ਸਕਦਾ ਹੈ ਕਿ ਜਦੋਂ ਪ੍ਰਸ਼ੰਸਕ ਨਾਨਾ ਪਾਟੇਕਰ ਨਾਲ ਸੈਲਫੀ ਲੈਣ ਗਿਆ ਤਾਂ ਅਭਿਨੇਤਾ ਨੇ ਗੁੱਸੇ ‘ਚ ਉਸ ਦੇ ਸਿਰ ਉਤੇ ਥੱਪੜ ਮਾਰ ਦਿੱਤਾ। ਫਿਲਮ ਯੂਨਿਟ ਦੇ ਇੱਕ ਮੈਂਬਰ ਨੇ ਲੜਕੇ ਨੂੰ ਗਲੇ ਤੋਂ ਫੜ ਲਿਆ ਅਤੇ ਉਸ ਨੂੰ ਪਿੱਛੇ ਧੱਕ ਦਿੱਤਾ। ਇਸ ਵਾਇਰਲ ਵੀਡੀਓ ਬਾਰੇ ਪ੍ਰਤੀਕਿਰਿਆ ਦਿੰਦਿਆਂ ਨਾਨਾ ਪਾਟੇਕਰ ਨੇ ਕਿਹਾ ਹੈ ਕਿ ਇਹ ਇਕ ਫਿਲਮ ਦਾ ਦ੍ਰਿਸ਼ ਸੀ, ਜਿਸ ਦੀ ਉਹ ਰਿਹਰਸਲ ਕਰ ਰਹੇ ਸਨ ਅਤੇ ਇਸ ਨੂੰ ਗਲਤ ਤਰੀਕੇ ਨਾਲ ਫੈਲਾਇਆ ਜਾ ਰਿਹਾ ਹੈ। ਨਾਨਾ ਪਾਟੇਕਰ ਨੇ ਕਿਹਾ ਕਿ ਉਹ ਫਿਲਮ ਦੇ ਸੀਨ ਦੀ ਰਿਹਰਸਲ ਕਰ ਰਹੇ ਸੀ।
ਇਸ ਦੌਰਾਨ ਇਕ ਲੜਕਾ ਉਨ੍ਹਾਂ ਕੋਲ ਆਇਆ। ਉਨ੍ਹਾਂ ਸੀਨ ਮੁਤਾਬਕ ਉਸ ਦੇ ਥੱਪੜ ਜੜ੍ਹ ਦਿੱਤਾ ਬਾਅਦ ਵਿਚ ਪਤਾ ਲੱਗਾ ਕਿ ਉਹ ਪ੍ਰਸ਼ੰਸਕ ਸੀ ਤੇ ਸੈਲਫੀ ਲੈਣ ਆਇਆ ਸੀ। ਉਨ੍ਹਾਂ ਨੇ ਕਿਹਾ ਕਿ ਉਹ ਬਾਅਦ ਵਿਚ ਲੜਕੇ ਕੋਲੋਂ ਮਾਫੀ ਮੰਗਣ ਲਈ ਗਏ ਪਰ ਉਹ ਵੇਖ ਕੇ ਡਰ ਕੇ ਭੱਜ ਗਿਆ। ਉਨ੍ਹਾਂ ਨੇ ਇਸ ਲਈ ਉਸ ਲੜਕੇ ਕੋਲੋਂ ਮਾਫੀ ਵੀ ਮੰਗੀ।
