ਲੰਡਨ ਜਾ ਕੇ ਬੋਲੇ ਵਿਦੇਸ਼ ਮੰਤਰੀ- ਭਾਰਤ ਸਾਰੇ ਧਰਮਾਂ ਦਾ ਸਤਿਕਾਰ ਕਰਦਾ ਹੈ
ਲੰਡਨ (ਵੀਓਪੀ ਬਿਊਰੋ)- ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਦਾ ਮੰਨਣਾ ਹੈ ਕਿ ਭਾਰਤ ਲਈ ਧਰਮ ਨਿਰਪੱਖਤਾ ਦਾ ਮਤਲਬ ਗੈਰ-ਧਾਰਮਿਕ ਹੋਣਾ ਨਹੀਂ ਸਗੋਂ ਸਾਰੇ ਧਰਮਾਂ ਦਾ ਬਰਾਬਰ ਸਤਿਕਾਰ ਕਰਨਾ ਹੈ ਪਰ ਪਿਛਲੇ ਸਮੇਂ ਵਿਚ ਅਪਣਾਈਆਂ ਗਈਆਂ ‘ਤੁਸ਼ਟੀਕਰਨ’ ਦੀਆਂ ਸਰਕਾਰੀ ਨੀਤੀਆਂ ਨੇ ਦੇਸ਼ ਦੇ ਜ਼ਿਆਦਾਤਰ ਲੋਕਾਂ ਨੂੰ ਨੁਕਸਾਨ ਪਹੁੰਚਾਇਆ ਹੈ।
ਪ੍ਰਮੁੱਖ ਧਰਮਾਂ ਦੇ ਲੋਕਾਂ ਨੂੰ ਇਹ ਮਹਿਸੂਸ ਕਰਵਾਇਆ ਕਿ ਬਰਾਬਰਤਾ ਦੇ ਨਾਂ ‘ਤੇ ਉਨ੍ਹਾਂ ਨੂੰ ਆਪਣੇ ਆਪ ਨੂੰ ਨਿੰਦਣਾ ਪਿਆ ਹੈ। ਜੈਸ਼ੰਕਰ ਨੇ ਇਹ ਗੱਲ ਲੰਡਨ ‘ਚ ਰਾਇਲ ਓਵਰ-ਸੀਜ਼ ਲੀਗ ‘ਚ ਆਯੋਜਿਤ ‘ਵਿਸ਼ਵ ਦੇ ਇਕ ਅਰਬ ਲੋਕਾਂ ਦੇ ਨਜ਼ਰੀਏ’ ‘ਤੇ ਚਰਚਾ ਦੌਰਾਨ ਕਹੀ।
ਜੈਸ਼ੰਕਰ ਨੂੰ ਪੁੱਛਿਆ ਗਿਆ ਸੀ ਕਿ ਕੀ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੀ ਅਗਵਾਈ ਵਾਲੀ ਸਰਕਾਰ ਦੇ ਅਧੀਨ ਨਹਿਰੂ ਯੁੱਗ ਤੋਂ ਬਾਅਦ ਭਾਰਤ ਘੱਟ ਉਦਾਰ ਅਤੇ ਜ਼ਿਆਦਾ ‘ਬਹੁਗਿਣਤੀ ਹਿੰਦੂ’ ਰਾਸ਼ਟਰ ਬਣ ਗਿਆ ਹੈ। ਇਸ ਸਵਾਲ ਦੇ ਜਵਾਬ ‘ਚ ਜੈਸ਼ੰਕਰ ਨੇ ਕਿਹਾ ਕਿ ਭਾਰਤ ਨਿਸ਼ਚਿਤ ਰੂਪ ‘ਚ ਬਦਲ ਗਿਆ ਹੈ ਅਤੇ ਇਸ ਬਦਲਾਅ ਦਾ ਮਤਲਬ ਇਹ ਨਹੀਂ ਹੈ ਕਿ ਭਾਰਤ ਘੱਟ ਉਦਾਰਵਾਦੀ ਹੋ ਗਿਆ ਹੈ, ਸਗੋਂ ਦੇਸ਼ ਦੇ ਲੋਕ ਹੁਣ ਆਪਣੇ ਵਿਸ਼ਵਾਸਾਂ ਨੂੰ ਵਧੇਰੇ ਪ੍ਰਮਾਣਿਕ ਤਰੀਕੇ ਨਾਲ ਪ੍ਰਗਟ ਕਰਦੇ ਹਨ।
ਜੈਸ਼ੰਕਰ ਨੇ ਪੱਤਰਕਾਰ ਅਤੇ ਲੇਖਕ ਲਿਓਨਲ ਬਾਰਬਰ ਦੇ ਇੱਕ ਸਵਾਲ ਦੇ ਜਵਾਬ ਵਿੱਚ ਕਿਹਾ, “ਕੀ ਭਾਰਤ ਨਹਿਰੂਵਾਦੀ ਦੌਰ ਤੋਂ ਬਦਲ ਗਿਆ ਹੈ? ਬਿਲਕੁਲ, ਕਿਉਂਕਿ ਉਸ ਯੁੱਗ ਦੇ ਸੰਕਲਪਾਂ ਵਿੱਚੋਂ ਇੱਕ ਜਿਸਨੇ ਦੇਸ਼ ਦੀਆਂ ਨੀਤੀਆਂ ਅਤੇ ਉਹਨਾਂ ਨੂੰ ਵਿਦੇਸ਼ਾਂ ਵਿੱਚ ਲਾਗੂ ਕਰਨ ਲਈ ਵੱਡੇ ਪੱਧਰ ‘ਤੇ ਮਾਰਗਦਰਸ਼ਨ ਕੀਤਾ ਸੀ, ਉਹ ਸੀ ਭਾਰਤ ਵਿੱਚ ਧਰਮ ਨਿਰਪੱਖਤਾ ਨੂੰ ਪਰਿਭਾਸ਼ਿਤ ਕਰਨ ਦਾ ਤਰੀਕਾ।
