ਨਿਕਾਹ ਮਗਰੋਂ ਪਰਤ ਰਹੇ ਬਰਾਤੀਆਂ ਦੀ ਸਕਾਰਪਿਓ ਵੱਜੀ ਦਰੱਖਤ ਵਿਚ, ਲਾੜੇ ਦੇ ਪਿਤਾ ਸਮੇਤ ਪੰਜ ਜਣਿਆਂ ਦੀ ਮੌਕੇ ਉਤੇ ਮੌ+ਤ
ਵੀਓਪੀ ਬਿਊਰੋ, ਨੈਸ਼ਨਲ : ਸ਼ਨਿਚਰਵਾਰ ਤੜਕੇ ਤਿੰਨ ਵਜੇ ਭਿਆਨਕ ਸੜਕ ਹਾਦਸਾ ਵਾਪਰਿਆ। ਇਕ ਤੇਜ਼ ਰਫ਼ਤਾਰ ਸਕਾਰਪੀਓ ਗੱਡੀ ਦਰੱਖਤ ਵਿਚ ਜਾ ਵੱਜੀ। ਹਾਦਸੇ ਵਿਚ ਚਾਲਕ ਸਮੇਤ ਗੱਡੀ ਵਿਚ ਸਵਾਰ ਪੰਜ ਲੋਕਾਂ ਦੀ ਮੌਕੇ ਉਤੇ ਹੀ ਦਰਦਨਾਕ ਮੌਤ ਹੋ ਗਈ।ਇਕ ਵਿਅਕਤੀ ਦੀ ਇਲਾਜ ਲਈ ਧਨਬਾਦ ਲਿਜਾਂਦੇ ਸਮੇਂ ਮੌਤ ਹੋ ਗਈ। ਮਰਨ ਵਾਲੇ ਸਾਰੇ ਲੋਕ ਬਿਰਨੀ ਥਾਣਾ ਖੇਤਰ ਦੇ ਰਹਿਣ ਵਾਲੇ ਸਨ। ਇਹ ਹਾਦਸਾ ਝਾਰਖੰਡ ਸੂਬੇ ਦੇ ਗੀਰੀਡੀਹ ਇਲਾਕੇ ਵਿਚ ਕੋਡਰਮਾ-ਕੋਵਾੜ-ਭਰਕੱਟਾ ਮੁੱਖ ਮਾਰਗ ‘ਤੇ ਬਿਰਨੀ ਅਤੇ ਮੁਫਾਸਿਲ ਥਾਣਾ ਖੇਤਰ ਦੀ ਹੱਦ ਨਾਲ ਲੱਗਦੇ ਬਾਗਮਾਰਾ ਨੇੜੇ ਵਾਪਰਿਆ।
ਹਾਦਸੇ ਦੀ ਸੂਚਨਾ ਮਿਲਣ ‘ਤੇ ਥਾਣਾ ਮੁਫਸਲ ਦੀ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਸਾਰੀਆਂ ਲਾ+ਸ਼ਾਂ ਨੂੰ ਪੋਸਟਮਾਰਟਮ ਲਈ ਸਦਰ ਹਸਪਤਾਲ ਭੇਜ ਦਿੱਤਾ। ਮ੍ਰਿਤ+ਕ ਦੇ ਵਾਰਸਾਂ ਨੇ ਵੀ ਹਸਪਤਾਲ ਪਹੁੰਚ ਕੇ ਲਾ+ਸ਼ਾਂ ਦੀ ਸ਼ਨਾਖਤ ਕੀਤੀ। ਹਾਦਸੇ ਵਿੱਚ ਮਾਰੇ ਗਏ ਲੋਕ ਨਿਕਾਹ ਲਈ ਬਿਰਨੀ ਦੇ ਗਜੋਡੀਹ ਤੋਂ ਗਿਰੀਡੀਹ ਦੇ ਟਿਕੋਡੀਹ ਆਏ ਸਨ।
ਇਹ ਲੋਕ ਦੇਰ ਰਾਤ ਵਿਆਹ ਤੋਂ ਵਾਪਸ ਆਪਣੇ ਘਰ ਪਰਤ ਰਹੇ ਸਨ ਕਿ ਇਸ ਦੌਰਾਨ ਸਕਾਰਪੀਓ ਗੱਡੀ ਸੰਤੁਲਨ ਗੁਆ ਬੈਠੀ ਅਤੇ ਦਰੱਖਤ ਨਾਲ ਜਾ ਟਕਰਾਈ। ਮਰਨ ਵਾਲੇ ਸਾਰੇ ਲੋਕ ਲਾੜੇ ਦੇ ਰਿਸ਼ਤੇਦਾਰ ਸਨ। ਹਾਦਸੇ ਵਿੱਚ ਗੱਡੀ ਦੇ ਡਰਾਈਵਰ ਦੀ ਵੀ ਮੌਤ ਹੋ ਗਈ। ਇਕ ਹੋਰ ਵਿਅਕਤੀ ਗੰਭੀਰ ਰੂਪ ਨਾਲ ਜ਼ਖਮੀ ਹੈ, ਜਿਸ ਨੂੰ ਇਲਾਜ ਲਈ ਧਨਬਾਦ ਭੇਜਿਆ ਗਿਆ ਹੈ।
ਜੇਐੱਮਐੱਮ ਆਗੂ ਅਸਗਰ ਅੰਸਾਰੀ ਨੇ ਦੱਸਿਆ ਕਿ ਗਜੋੜੀ ਤੋਂ ਡਾਕਟਰ ਫਾਰੂਕ ਅੰਸਾਰੀ ਦੇ ਪੁੱਤਰ ਚੰਦ ਰਸੀਦ ਦੇ ਵਿਆਹ ਲਈ ਗਿਰੀਡੀਹ ਆਇਆ ਸੀ। ਵਾਪਸੀ ’ਤੇ ਵਾਪਰੇ ਇਸ ਹਾਦਸੇ ’ਚ ਸਕਾਰਪੀਓ ਚਾਲਕ ਪਹਾੜੀਆਡੀਹ ਵਾਸੀ 30 ਸਾਲਾ ਸਗੀਰ ਅੰਸਾਰੀ ਸਮੇਤ ਪੰਜ ਵਿਅਕਤੀਆਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ।
ਇਨ੍ਹਾਂ ਵਿੱਚ ਲਾੜੇ ਦੇ 70 ਸਾਲਾ ਦਾਦਾ ਯੂਸਫ ਮੀਆਂ ਵਾਸੀ ਗਜੋਡੀਹ, ਚਾਚਾ 45 ਸਾਲਾ ਇਮਤਿਆਜ਼ ਅੰਸਾਰੀ, 32 ਸਾਲਾ ਸੁਭਾਨ ਅੰਸਾਰੀ, ਲਾੜੇ ਦੇ ਪਿਤਾ ਦਾ ਮਾਮਾ, 60 ਸਾਲਾ ਦਲਾਂਗੀ ਵਾਸੀ ਯਾਕੂਬ ਅੰਸਾਰੀ ਸ਼ਾਮਲ ਹਨ। ਦੋ ਵਿਅਕਤੀ ਗੰਭੀਰ ਜ਼ਖ਼ਮੀ ਹੋ ਗਏ, ਜਿਨ੍ਹਾਂ ਵਿੱਚੋਂ ਇੱਕ ਆਫ਼ਤਾਬ ਆਲਮ ਦੀ ਵੀ ਇਲਾਜ ਲਈ ਧਨਬਾਦ ਲਿਜਾਂਦੇ ਸਮੇਂ ਮੌਤ ਹੋ ਗਈ।
