9 ਮਹੀਨੇ ਦੀ ਧੀ ਨਾਲ ਸੈਰ ਕਰ ਰਹੀ ਸੀ ਮਾਂ, ਉਤੇ ਡਿੱਗੀਆਂ ਬਿਜਲੀ ਦੀਆਂ ਤਾਰਾਂ, ਕਰੰਟ ਲੱਗਣ ਨਾਲ ਹੋਈ ਮੌ+ਤ
ਵੀਓਪੀ ਬਿਊਰੋ, ਬੈਂਗਲੁਰੂ : ਬੈਂਗਲੁਰੂ ‘ਚ ਬਿਜਲੀ ਸਪਲਾਈ ਕੰਪਨੀ ਦੀ ਲਾਪਰਵਾਹੀ ਕਾਰਨ ਮਾਂ-ਧੀ ਦੀ ਮੌਤ ਹੋ ਗਈ। 9 ਮਹੀਨੇ ਦੀ ਬੱਚੀ ਅਤੇ ਉਸ ਦੀ ਮਾਂ ਨੂੰ ਕਰੰਟ ਲੱਗ ਗਿਆ। ਇਹ ਘਟਨਾ ਐਤਵਾਰ ਸਵੇਰੇ ਵਾਪਰੀ। ਪੁਲਿਸ ਨੇ ਦੱਸਿਆ ਕਿ ਐਤਵਾਰ ਤੜਕੇ ਇੱਕ 23 ਸਾਲਾ ਔਰਤ ਅਤੇ ਉਸ ਦੀ ਨੌਂ ਮਹੀਨਿਆਂ ਦੀ ਬੱਚੀ ਦੀ ਮੌ+ਤ ਹੋਪ ਫਾਰਮ ਨੇੜੇ ਫੁੱਟਪਾਥ ‘ਤੇ ਅਚਾਨਕ ਬਿਜਲੀ ਦੀ ਤਾਰਾਂ ‘ਤੇ ਡਿੱਗਣ ਕਾਰਨ ਹੋ ਗਈ।
ਸੂਤਰਾਂ ਨੇ ਦੱਸਿਆ ਕਿ ਇਹ ਘਟਨਾ ਸਵੇਰੇ 6 ਵਜੇ ਦੇ ਕਰੀਬ ਉਸ ਸਮੇਂ ਵਾਪਰੀ ਜਦੋਂ ਸੌਂਦਰਿਆ ਅਤੇ ਉਸ ਦੀ ਧੀ ਸੁਵੀਕਸ਼ਾ ਤਾਮਿਲਨਾਡੂ ਤੋਂ ਆ ਕੇ ਘਰ ਬਾਹਰ ਸੈਰ ਕਰ ਰਹੀਆਂ ਸਨ। ਉਸ ਨੇ ਦੱਸਿਆ ਕਿ ਉਸ ਦਾ ਸਾਮਾਨ-ਟਰਾਲੀ ਬੈਗ ਅਤੇ ਹੋਰ ਸਾਮਾਨ ਮੌਕੇ ‘ਤੇ ਖਿੱਲਰਿਆ ਪਿਆ ਸੀ।
ਕਾਡੂਗੋਡੀ ਪੁਲਿਸ ਨੇ ਮੌਕੇ ‘ਤੇ ਪਹੁੰਚ ਕੇ ਲਾ+ਸ਼ਾਂ ਨੂੰ ਕਬਜ਼ੇ ‘ਚ ਲੈ ਕੇ ਅਗਲੇਰੀ ਕਾਰਵਾਈ ਲਈ ਹਸਪਤਾਲ ਭੇਜ ਦਿੱਤਾ ਹੈ। ਬੈਂਗਲੁਰੂ ਬਿਜਲੀ ਸਪਲਾਈ ਕੰਪਨੀ (ਬੇਸਕਾਮ) ਦੇ ਅਧਿਕਾਰੀਆਂ ਖਿਲਾਫ ਲਾਪਰਵਾਹੀ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ।
