ਹਾਈ ਕੋਰਟ ਨੇ ਵਿਆਹੁਤਾ ਰਿਸ਼ਤੇ ਨੂੰ ਲੈ ਕੇ ਸੁਣਾਇਆ ਅਹਿਮ ਫੈਸਲਾ, ਕਿਹਾ- ਪਤੀ ਪਤਨੀ ਨਾਲ ਜ਼ਬਰਦਸਤੀ ਕਰੇ ਤਾਂ ਉਹ ਬਲਾਤਕਾਰ ਹੈ
ਅਹਿਮਦਾਬਾਦ (ਵੀਓਪੀ ਬਿਊਰੋ) ਗੁਜਰਾਤ ਹਾਈ ਕੋਰਟ ਨੇ ਪਤੀ ਪਤਨੀ ਦੇ ਰਿਸ਼ਤੇ ਨੂੰ ਲੈ ਕੇ ਅਹਿਮ ਫੈਸਲਾ ਸੁਣਾਇਆ ਹੈ। ਗੁਜਰਾਤ ਹਾਈ ਕੋਰਟ ਨੇ ਇਕ ਅਹਿਮ ਟਿੱਪਣੀ ਕਰਦੇ ਹੋਏ ਕਿਹਾ ਕਿ ਭਾਵੇ ਪਤੀ ਵੱਲੋਂ ਹੀ ਪਤਨੀ ਨਾਲ ਹੀ ਜਬਰਦਸਤੀ ਕੀਤੀ ਹੋਵੇ ਇਹ ਬਲਾਤਕਾਰ ਹੀ ਮੰਨਿਆ ਜਾਵੇਗਾ।
ਜੇਕਰ ਕੋਈ ਵਿਅਕਤੀ ਕਿਸੇ ਔਰਤ ਦਾ ਜਿਨਸੀ ਸ਼ੋਸ਼ਣ ਕਰਦਾ ਹੈ ਜਾਂ ਉਸਦਾ ਸ਼ੋਸ਼ਣ ਕਰਦਾ ਹੈ, ਤਾਂ ਉਹ ਆਈਪੀਸੀ ਦੀ ਧਾਰਾ 376 ਤਹਿਤ ਸਜ਼ਾ ਦਾ ਯੋਗ ਹੈ। ਦੇਸ਼ ਵਿਚ ਔਰਤਾਂ ਵਿਰੁੱਧ ਹੋ ਰਹੀ ਜਿਨਸੀ ਹਿੰਸਾ ‘ਤੇ ਚੁੱਪ ਤੋੜਨ ਦੀ ਲੋੜ ਹੈ। ਗੁਜਰਾਤ ਹਾਈ ਕੋਰਟ ਨੇ ਹਾਲ ਹੀ ਵਿੱਚ ਇਹ ਉਜਾਗਰ ਕੀਤਾ ਹੈ ਕਿ ਕਿੰਨੇ ਦੇਸ਼ਾਂ ਨੇ ਵਿਆਹੁਤਾ ਬਲਾਤਕਾਰ (ਅੰਜਨਾਬੇਨ ਮੋਧਾ ਬਨਾਮ ਗੁਜਰਾਤ ਰਾਜ) ਨੂੰ ਅਪਰਾਧਿਕ ਕਰਾਰ ਦਿੱਤਾ ਹੈ।
ਸਿੰਗਲ ਜੱਜ ਜਸਟਿਸ ਦਿਵਯੇਸ਼ ਜੋਸ਼ੀ ਨੇ 8 ਦਸੰਬਰ ਦੇ ਆਪਣੇ ਹੁਕਮ ‘ਚ ਕਿਹਾ ਕਿ ਅਮਰੀਕਾ ਦੇ 50 ਰਾਜਾਂ, ਤਿੰਨ ਆਸਟ੍ਰੇਲੀਆਈ ਰਾਜਾਂ, ਨਿਊਜ਼ੀਲੈਂਡ, ਕੈਨੇਡਾ, ਇਜ਼ਰਾਈਲ, ਫਰਾਂਸ, ਸਵੀਡਨ, ਡੈਨਮਾਰਕ, ਨਾਰਵੇ, ਸੋਵੀਅਤ ਸੰਘ, ਪੋਲੈਂਡ ਅਤੇ ਚੈਕੋਸਲੋਵਾਕੀਆ ਅਤੇ ਕਈ ਹੋਰ ਸੂਬਿਆਂ ‘ਚ ਵਿਆਹੁਤਾ ਨਾਲ ਜਬਰਦਸਤੀ ਸੈਕਸ ਗੈਰ-ਕਾਨੂੰਨੀ ਹੈ।
