45 ਸਾਲਾ ਤਿੰਨ ਬੱਚਿਆਂ ਦੀ ਮਾਂ 17 ਸਾਲਾ ਲੜਕੇ ਨਾਲ ਹੋਈ ਫਰਾਰ, ਪਿਓ ਦੀ ਪੁਲਿਸ ਅੱਗੇ ਅਪੀਲ- ਲੱਭ ਲਿਆਓ ਮੇਰੇ ਪੁੱਤ ਨੇ 10ਵੀਂ ਦੇ ਪੇਪਰ ਦੇਣੇ ਆ
ਗਾਜ਼ੀਆਬਾਦ (UP), ਵੀਓਪੀ ਬਿਊਰੋ – ਉੱਤਰ ਪ੍ਰਦੇਸ਼ ਦੇ ਗਾਜੀਆਬਾਦ ਜਿਲੇ ਤੋਂ ਇਕ ਅਜੀਬੋ-ਗਰੀਬ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਇੱਕ 45 ਸਾਲ ਦੀ ਔਰਤ ਨੂੰ ਆਪਣੇ ਗੁਆਂਢ ਵਿੱਚ ਰਹਿੰਦੇ 17 ਸਾਲ ਦੇ ਲੜਕੇ (ਜੋ ਕਿ 10ਵੀਂ ਕਲਾਸ ਦਾ ਵਿਦਿਆਰਥੀ ਹੈ) ਨਾਲ ਪਿਆਰ ਹੋ ਗਿਆ ਅਤੇ ਇੰਨਾ ਹੀ ਨਹੀ, ਉਹ ਔਰਤ ਉਸ ਲੜਕੇ ਨੂੰ ਲੈ ਕੇ ਫ਼ਰਾਰ ਹੋ ਗਈ।
ਇੱਥੇ ਦੇ ਵਿਜੇ ਨਗਰ ਦੀ ਰਹਿਣ ਵਾਲੀ 45 ਸਾਲਾ ਔਰਤ 10ਵੀਂ ਜਮਾਤ ਦੀ ਵਿਦਿਆਰਥਣ ਨਾਲ ਘਰੋਂ ਭੱਜ ਗਈ। ਇਸ ਮਾਮਲੇ ‘ਚ ਪ੍ਰੇਮਿਕਾ ਤਿੰਨ ਬੱਚਿਆਂ ਦੀ ਮਾਂ ਹੈ ਜਦਕਿ ਬੁਆਏਫ੍ਰੈਂਡ ਦੀ ਉਮਰ ਸਿਰਫ 17 ਸਾਲ ਹੈ। 23 ਮਾਰਚ ਤੋਂ ਘਰੋਂ ਭੱਜੇ ਇਸ ਬੇਮੇਲ ਜੋੜੇ ਦੀ ਪਰਿਵਾਰਕ ਮੈਂਬਰ ਸਰਗਰਮੀ ਨਾਲ ਭਾਲ ਕਰ ਰਹੇ ਹਨ।
ਔਰਤ ਨਾਲ ਭੱਜਣ ਵਾਲੇ ਵਿਦਿਆਰਥੀ ਦੇ ਪਿਓ ਨੇ ਵਿਜੇ ਨਗਰ ਥਾਣੇ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਹੈ ਅਤੇ ਵਿਦਿਆਰਥੀ ਦੇ ਪਿਤਾ ਨੇ ਐਸਐਸਪੀ ਨੂੰ ਮਿਲ ਕੇ ਉਸ ਔਰਤ ਨੂੰ ਗ੍ਰਿਫ਼ਤਾਰ ਕਰਨ ਦੀ ਅਪੀਲ ਕੀਤੀ ਹੈ। ਔਰਤ ‘ਤੇ ਲੁਭਾਉਣ ਅਤੇ ਲੈ ਜਾਣ ਦਾ ਦੋਸ਼ ਹੈ। ਉਸ ਨੂੰ ਡਰ ਸੀ ਕਿ ਉਸ ਦੇ ਪੁੱਤਰ ਦਾ ਵੀ ਕਤਲ ਹੋ ਸਕਦਾ ਹੈ।
ਐਸਐਸਪੀ ਨੇ ਦੱਸਿਆ ਕਿ ਥਾਣਾ ਇੰਚਾਰਜ ਨੂੰ ਪਹਿਲਾਂ ਵਿਦਿਆਰਥੀ ਦੀ ਉਮਰ ਦਾ ਪਤਾ ਲਗਾਉਣ ਅਤੇ ਫਿਰ ਕਾਰਵਾਈ ਕਰਨ ਦੇ ਹੁਕਮ ਦਿੱਤੇ ਗਏ ਹਨ।
