ਦੋ ਬੱਚਿਆਂ ਦਾ 34 ਸਾਲਾ ਪਿਓ 20 ਸਾਲਾ ਪ੍ਰੇਮਿਕਾ ਨਾਲ ਚਲਾ ਗਿਆ ਖੁਦ.ਕੁਸ਼ੀ ਕਰਨ, ਟਰੇਨ ਦੀ ਸਪੀਡ ਵੇਖ ਕੁੜੀ ਹੱਟ ਗਈ ਪਿੱਛੇ, ਵਿਅਕਤੀ ਨੇ ਟਰੇਨ ਅੱਗੇ ਮਾਰ ਦਿੱਤੀ ਛਾਲ, ਮੌ.ਤ

ਵੀਓਪੀ ਬਿਊਰੋ, ਨੈਸ਼ਨਲ- ਦੋ ਬੱਚਿਆਂ ਦੇ 34 ਸਾਲਾ ਪਿਤਾ ਨੇ 20 ਸਾਲਾ ਕੁੜੀ ਨਾਲ ਪ੍ਰੇਮ ਪ੍ਰਸੰਗ ਚਲਾ ਲਿਆ। ਇਸ ਦੌਰਾਨ ਘਰਵਾਲਿਆਂ ਨਾਲ ਝਗੜਾ ਕਰ ਕੇ ਉਹ ਆਪਣੀ 14 ਸਾਲ ਛੋਟੀ ਪ੍ਰੇਮਿਕਾ ਨਾਲ ਰੇਲਵੇ ਟਰੈਕ ‘ਤੇ ਖੁਦ.ਕੁਸ਼ੀ ਕਰਨ ਲਈ ਚਲਾ ਗਿਆ। ਜਿਵੇਂ ਹੀ ਟਰੇਨ ਆਈ ਤਾਂ ਪ੍ਰੇਮਿਕਾ ਡਰ ਕੇ ਪਿੱਛੇ ਹਟ ਗਈ ਜਦਕਿ ਪ੍ਰੇਮੀ ਨੇ ਟਰੇਨ ਅੱਗੇ ਛਾਲ ਮਾਰ ਦਿੱਤੀ ਜਿਸ ਕਾਰਨ ਉਸ ਦੀ ਦਰਦਨਾਕ ਮੌ.ਤ ਹੋ ਗਈ। ਇਹ ਹੈਰਾਨੀਜਨਕ ਮਾਮਲਾ ਰਾਜਸਥਾਨ ਦੇ ਬਾੜਮੇਰ ਤੋਂ ਸਾਹਮਣੇ ਆਇਆ ਹੈ।

ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਮੌਕੇ ‘ਤੇ ਪਹੁੰਚੀ ਪੁਲਿਸ ਨੇ ਲਾ.ਸ਼ ਨੂੰ ਕਬਜ਼ੇ ‘ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮ੍ਰਿਤਕ ਪ੍ਰੇਮੀ ਦੇ ਭਰਾ ਨੇ ਪ੍ਰੇਮਿਕਾ ਅਤੇ ਉਸਦੇ ਪਰਿਵਾਰ ‘ਤੇ ਕ.ਤ.ਲ ਦਾ ਦੋਸ਼ ਲਗਾਇਆ ਹੈ। ਪੁਲਿਸ ਨੇ ਪੂਰੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਹ ਘਟਨਾ ਬਲੋਤਰਾ ਜ਼ਿਲ੍ਹੇ ਦੇ ਪਚਪਦਰਾ ਥਾਣਾ ਖੇਤਰ ਵਿੱਚ ਵਾਪਰੀ। ਦੱਸਿਆ ਜਾ ਰਿਹਾ ਹੈ ਕਿ ਮ੍ਰਿਤਕ ਰਾਜੂ ਭੱਟ (34) ਦਾ ਪਿੰਡ ਵਾਸੀ 20 ਸਾਲਾ ਰਵੀਨ ਨਾਲ ਪ੍ਰੇਮ ਸਬੰਧ ਚੱਲ ਰਿਹਾ ਸੀ। ਦੋਵੇਂ ਵਿਆਹ ਕਰਨਾ ਚਾਹੁੰਦੇ ਸਨ, ਪਰ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਇਸ ਦੇ ਵਿਰੁੱਧ ਸਨ ਕਿਉਂਕਿ ਰਾਜੂ ਭੱਟ ਵਿਆਹਿਆ ਹੋਇਆ ਸੀ ਅਤੇ ਉਸ ਦੇ ਦੋ ਬੱਚੇ ਸਨ। ਇਸ ਗੱਲ ਨੂੰ ਲੈ ਕੇ ਪਰਿਵਾਰਕ ਮੈਂਬਰਾਂ ਵਿਚਾਲੇ ਲੜਾਈ ਹੋਈ ਅਤੇ ਫਿਰ ਰਾਜੂ ਅਤੇ ਰਵੀਨਾ ਨੇ ਖੁਦ.ਕੁਸ਼ੀ ਕਰਨ ਲਈ ਰੇਲਵੇ ਟ੍ਰੈਕ ‘ਤੇ ਚਲੇ ਗਏ। ਰਾਜੂ ਨੇ ਟਰੇਨ ਦੇ ਅੱਗੇ ਛਾਲ ਮਾਰ ਦਿੱਤੀ ਪਰ ਰਵੀਨਾ ਨੇ ਡਰ ਦੇ ਮਾਰੇ ਆਪਣੀਆਂ ਲੱਤਾਂ ਪਿੱਛੇ ਖਿੱਚ ਲਈਆਂ। ਦੇਰ ਰਾਤ ਰੇਲ ਗਾਰਡ ਤੇ ਹੋਰ ਮੁਲਾਜ਼ਮਾਂ ਨੇ ਮ੍ਰਿਤਕ ਦੀ ਲਾ.ਸ਼ ਨੂੰ ਬਲੋਤਰਾ ਰੇਲਵੇ ਸਟੇਸ਼ਨ ’ਤੇ ਲਿਆਂਦਾ। ਬੱਚੀ ਨੂੰ ਵੀ ਬਲੋਤਰਾ ਸਟੇਸ਼ਨ ਲਿਆਂਦਾ ਗਿਆ। ਇਸ ਤੋਂ ਬਾਅਦ ਮ੍ਰਿਤਕ ਦੇ ਪਰਿਵਾਰਕ ਮੈਂਬਰਾਂ ਨੂੰ ਇਸ ਦੀ ਸੂਚਨਾ ਦਿੱਤੀ ਗਈ। ਇਸ ਮਾਮਲੇ ਸਬੰਧੀ ਥਾਣਾ ਸਦਰ ਦੇ ਇੰਚਾਰਜ ਲੇਖਰਾਜ ਅਨੁਸਾਰ ਮੁਢਲੀ ਜਾਂਚ ਵਿੱਚ ਮਾਮਲਾ ਪ੍ਰੇਮ ਪ੍ਰਸੰਗ ਦਾ ਜਾਪਦਾ ਹੈ। 34 ਸਾਲਾ ਰਾਜੂ ਅਤੇ 20 ਸਾਲਾ ਰਵੀਨਾ ਖੁਦਕੁਸ਼ੀ ਕਰਨ ਲਈ ਰੇਲਵੇ ਟ੍ਰੈਕ ‘ਤੇ ਗਏ ਸਨ। ਦੋਵੇਂ ਯਸ਼ਵੰਤਪੁਰ-ਬਾੜਮੇਰ ਐਕਸਪ੍ਰੈਸ ਰੇਲਗੱਡੀ ਦੇ ਅੱਗੇ ਛਾਲ ਮਾਰਨ ਵਾਲੇ ਸਨ। ਰਾਜੂ ਨੇ ਛਾਲ ਮਾਰ ਦਿੱਤੀ ਪਰ ਰਵੀਨਾ ਡਰ ਕੇ ਪਿੱਛੇ ਹਟ ਗਈ ਅਤੇ ਉਸ ਦੀ ਜਾਨ ਬਚ ਗਈ। ਪੁਲਸ ਨੇ ਮ੍ਰਿਤਕ ਦੀ ਲਾਸ਼ ਨੂੰ ਕਬਜ਼ੇ ‘ਚ ਲੈ ਕੇ ਹਸਪਤਾਲ ਦੀ ਮੋਰਚਰੀ ‘ਚ ਰਖਵਾ ਦਿੱਤਾ ਹੈ। ਪੋਸਟਮਾਰਟਮ ਤੋਂ ਬਾਅਦ ਲਾਸ਼ ਵਾਰਸਾਂ ਨੂੰ ਸੌਂਪ ਦਿੱਤੀ ਜਾਵੇਗੀ। ਪੁਲੀਸ ਨੇ ਬੱਚੀ ਨੂੰ ਆਰਪੀਐਫ ਹਵਾਲੇ ਕਰ ਦਿੱਤਾ ਹੈ। ਪਰਿਵਾਰਕ ਮੈਂਬਰਾਂ ਅਨੁਸਾਰ ਰਾਜੂ ਦਾ ਕਰੀਬ 15 ਸਾਲ ਪਹਿਲਾਂ ਵਿਆਹ ਹੋਇਆ ਸੀ ਅਤੇ ਉਸ ਦੇ ਦੋ ਪੁੱਤਰ ਹਨ। ਵੱਡੇ ਪੁੱਤਰ ਦੀ ਉਮਰ 8 ਸਾਲ ਅਤੇ ਛੋਟਾ ਪੁੱਤਰ 5 ਸਾਲ ਦਾ ਹੈ। ਰਾਜੂ ਮਜ਼ਦੂਰੀ ਕਰਕੇ ਆਪਣੇ ਪਰਿਵਾਰ ਦਾ ਗੁਜ਼ਾਰਾ ਚਲਾਉਂਦਾ ਸੀ। ਪੁਲਿਸ ਪੂਰੇ ਮਾਮਲੇ ਦੀ ਜਾਂਚ ਵਿੱਚ ਜੁਟੀ ਹੋਈ ਹੈ।