ਗੋਲ਼ੀਆਂ ਲੱਗਣ ਕਾਰਨ ਨਹੀਂ ਹੋਈ ਅੰਮ੍ਰਿਤਪਾਲ ਦੀ ਮੌ.ਤ ! ਦੇਹ ਘਰ ਪਹੁੰਚਣ ਉਤੇ ਪਰਿਵਾਰ ਨੇ ਕਿਹਾ-ਮੌ.ਤ ਦੇ ਅਸਲ ਕਾਰਨ ਨਹੀਂ ਦੱਸੇ ਜਾ ਰਹੇ
ਵੀਓਪੀ ਬਿਊਰੋ, ਅੰਮ੍ਰਿਤਸਰ-ਬੀਤੇ ਕੱਲ੍ਹ ਸ਼੍ਰੀਨਗਰ ਦੇ ਸ਼ਹੀਦਗੰਜ ਖ਼ੇਤਰ ’ਚ ਅੱਤ.ਵਾਦੀਆਂ ਵਲੋਂ ਗੋ.ਲੀਆਂ ਮਾਰ ਕੇ ਮੌ.ਤ ਦੇ ਘਾਟ ਉਤਾਰੇ ਅੰਮ੍ਰਿਤਪਾਲ ਸਿੰਘ ਦੀ ਦੇਹ ਉਸ ਦੇ ਜੱਦੀ ਪਿੰਡ ਚਮਿਆਰੀ ਜ਼ਿਲ੍ਹਾ ਅੰਮ੍ਰਿਤਸਰ ਪਹੁੰਚ ਗਈ ਹੈ। ਅੰਮ੍ਰਿਤਪਾਲ ਸਿੰਘ ਦੇ ਪਰਿਵਾਰਕ ਮੈਂਬਰਾਂ ਨੇ ਕਿਹਾ ਕਿ ਉਸ ਦੀ ਮੌ.ਤ ਦੇ ਅਸਲ ਕਾਰਨਾਂ ਪਤਾ ਨਹੀਂ ਲੱਗ ਰਿਹਾ। ਲਾ.ਸ਼ ਨੂੰ ਵੇਖ ਕੇ ਨਹੀਂ ਲੱਗਦਾ ਕਿ ਗੋ.ਲੀਆਂ ਵੱਜੀਆਂ ਹਨ।
ਲਾ.ਸ਼ ‘ਤੇ ਸੱਟਾਂ ਦੇ ਨਿਸ਼ਾਨ ਹਨ। ਪਰਿਵਾਰਕ ਮੈਂਬਰਾਂ ਨੇ ਕਿਹਾ ਕਿ ਸਾਨੂੰ ਹਾਲੇ ਤਕ ਪੋਸਟਮਾਰਟਮ ਰਿਪੋਰਟ ਵੀ ਨਹੀਂ ਦਿਤੀ ਗਈ। ਪਰਿਵਾਰਕ ਮੈਂਬਰਾਂ ਨੇ ਇਨਸਾਫ ਦੀ ਮੰਗ ਕਰਦਿਆਂ ਕਿਹਾ ਕਿ ਅੰਮ੍ਰਿਤਪਾਲ ਦੀ ਮੌ.ਤ ਦੇ ਅਸਲ ਕਾਰਨਾਂ ਬਾਰੇ ਦੱਸਿਆ ਜਾਵੇ। ਜਦੋਂ ਤਕ ਅਸਲ ਕਾਰਨਾਂ ਬਾਰੇ ਨਹੀਂ ਦੱਸਿਆ ਜਾਂਦਾ ਉਦੋਂ ਤਕ ਪਰਿਵਾਰ ਅੰਮ੍ਰਿਤਪਾਲ ਦਾ ਸਸਕਾਰ ਨਹੀਂ ਕਰੇਗਾ। ਉਧਰ, ਅੰਮ੍ਰਿਤਪਾਲ ਸਿੰਘ ਦੇ ਸਾਥੀ ਰੋਹਿਤ ਮਸੀਹ ਦਾ ਇਸ ਵੇਲੇ ਸ਼੍ਰੀਨਗਰ ਦੇ ਹਸਪਤਾਲ ’ਚ ਪੋਸਟਮਾਰਟਮ ਕੀਤਾ ਜਾ ਰਿਹਾ ਹੈ ਤੇ ਕਾਗਜ਼ੀ ਕਾਰਵਾਈ ਮੁਕੰਮਲ ਹੋਣ ਉਪਰੰਤ ਉਸ ਦੀ ਮ੍ਰਿਤਕ ਦੇਹ ਪਿੰਡ ਚਮਿਆਰੀ ਲਿਆਂਦੀ ਜਾਵੇਗੀ।
