ਕੰਮ ਸਿੱਖਣ ਲਈ ਘਰ ਰਹਿੰਦੇ ਭੂਆ ਦੇ ਪੁੱਤ ਨੇ ਨਾਬਾਲਿਗਾ ਭੈਣ ਨਾਲ ਕੀਤਾ ਬਲਾ.ਤਕਾਰ, 14 ਸਾਲਾ ਦੀ ਬੱਚੀ ਨੂੰ ਕਰ ਦਿੱਤਾ ਗਰਭਵਤੀ, ਨਰਸ ਦੀ ਅਣਗਹਿਲੀ ਕਾਰਨ ਬੱਚੇ ਦੀ ਮੌ.ਤ

ਵੀਓਪੀ ਬਿਊਰੋ, ਜਲੰਧਰ-ਭੂਆ ਦੇ ਪੁੱਤਰ ਨੇ ਜਲੰਧਰ ਵਿਚ ਨਾਬਾਲਿਗਾ ਭੈਣ ਨਾਲ ਦੋ ਵਾਰ ਬਲਾ.ਤਕਾਰ ਕੀਤਾ। ਇਹ ਮਾਮਲਾ ਉਸ ਸਮੇਂ ਸਾਹਮਣੇ ਆਇਆ ਜਦੋਂ 14 ਸਾਲਾ ਲੜਕੀ ਗਰਭ.ਵਤੀ ਹੋ ਗਈ। ਉਧਰ, ਭੂਆ ਉਤੇ ਧੋਖੇ ਨਾਲ ਲੜਕੀ ਦਾ ਗਰਭਪਾਤ ਕਰਵਾਉਣ ਦਾ ਦੋਸ਼ ਲਾਇਆ ਜਾ ਰਿਹਾ ਹੈ। ਪੀੜਤਾ ਦੀ ਮਾਂ ਦੇ ਬਿਆਨਾਂ ’ਤੇ ਪੁਲਿਸ ਨੇ ਥਾਣਾ ਸਦਰ ਨਕੋਦਰ ਵਿੱਚ ਧਾਰਾ 376, 315, 316 ਅਤੇ ਪੋਕਸੋ ਐਕਟ ਤਹਿਤ ਕੇਸ ਦਰਜ ਕਰ ਕੇ ਮੁਲਜ਼ਮ ਨੂੰ ਗ੍ਰਿਫ਼.ਤਾਰ ਕਰ ਲਿਆ ਹੈ। ਨਾਬਾਲਗਾ ਦੀ ਮਾਂ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸ ਦੇ ਪਤੀ ਦੀ 2018 ਵਿੱਚ ਮੌ.ਤ ਹੋ ਗਈ ਸੀ ਅਤੇ ਉਹ ਆਪਣੇ ਪਰਿਵਾਰ ਦਾ ਗੁਜ਼ਾਰਾ ਚਲਾਉਣ ਲਈ ਮਜ਼ਦੂਰੀ ਕਰਦੀ ਹੈ।

ਉਸ ਦੇ ਚਾਰ ਬੱਚੇ ਹਨ। 14 ਸਾਲ ਦੀ ਲੜਕੀ ਸਭ ਤੋਂ ਛੋਟੀ ਹੈ। ਨਣਾਨ ਦਾ ਪੁੱਤ ਕੰਮ ਸਿੱਖਣ ਲਈ ਪਿਛਲੇ ਇੱਕ ਸਾਲ ਤੋਂ ਉਨ੍ਹਾਂ ਕੋਲ ਰਹਿ ਰਿਹਾ ਸੀ। ਪਿਛਲੇ ਸਾਲ ਦਸੰਬਰ ਮਹੀਨੇ ਵਿੱਚ ਮੁਲਜ਼ਮ ਆਪਣੇ ਘਰ ਗਿਆ ਸੀ। ਇਸ ਦੌਰਾਨ ਉਨ੍ਹਾਂ ਦੀ ਧੀ ਦੀ ਸਿਹਤ ਵਿਗੜ ਗਈ ਅਤੇ ਉਹ ਕਾਫੀ ਬਿਮਾਰ ਹੋ ਗਈ। ਜਦੋਂ ਮੈਂ ਡਾਕਟਰਾਂ ਨੂੰ ਮਿਲਣ ਗਿਆ ਤਾਂ ਉਨ੍ਹਾਂ ਨੇ ਮੈਨੂੰ ਸਕੈਨਿੰਗ ਕਰਵਾਉਣ ਲਈ ਕਿਹਾ। ਸਕੈਨਿੰਗ ਤੋਂ ਪਤਾ ਲੱਗਾ ਕਿ ਨਾਬਾਲਗ ਧੀ ਗਰਭਵਤੀ ਸੀ। ਮਾਂ ਨੇ ਤੁਰੰਤ ਆਪਣੀ ਧੀ ਨੂੰ ਇਸ ਬਾਰੇ ਪੁੱਛਿਆ ਅਤੇ ਉਸ ਨੇ ਆਪਣੀ ਹੱਡਬੀਤੀ ਸੁਣਾਈ। ਲੜਕੀ ਨੇ ਆਪਣੀ ਮਾਂ ਨੂੰ ਦੱਸਿਆ ਕਿ ਭੂਆ ਦੇ ਲੜਕੇ ਨੇ ਉਸ ਨਾਲ ਬਲਾ.ਤਕਾਰ ਕੀਤਾ ਹੈ। ਇਸ ਬਾਰੇ ਕਿਸੇ ਨੂੰ ਕੁਝ ਦੱਸਣ ‘ਤੇ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ। ਇਸ ਤੋਂ ਬਾਅਦ ਮਾਮਲਾ ਇੱਥੇ ਹੀ ਨਹੀਂ ਰੁਕਿਆ।

ਮੁਲਜ਼ਮ ਨੇ ਕੁਝ ਦਿਨਾਂ ਬਾਅਦ ਉਸ ਨਾਲ ਦੁਬਾਰਾ ਬਲਾ.ਤਕਾਰ ਕੀਤਾ। ਇਹ ਜਾਣਕਾਰੀ ਮੁਲਜ਼ਮ ਦੇ ਪਰਿਵਾਰਕ ਮੈਂਬਰਾਂ ਨੂੰ ਦਿੱਤੀ ਗਈ। ਪੀੜਤਾ ਦੀ ਮਾਂ ਨੇ ਦੱਸਿਆ ਕਿ 8 ਮਾਰਚ ਨੂੰ ਉਸ ਦੀ ਨਣਾਨ ਤੇ ਜੀਜਾ ਉਸ ਦੀ ਗਰਭਵਤੀ ਧੀ ਨੂੰ ਜਣੇਪੇ ਲਈ ਲੈ ਗਏ। ਮਾਂ ਨੇ ਦੱਸਿਆ ਕਿ ਬੱਚਾ ਪੇਟ ‘ਚ ਹਰਕਤਾਂ ਕਰ ਰਿਹਾ ਸੀ। ਪਰ ਅਗਲੇ ਦਿਨ ਇਹ ਬੰਦ ਹੋ ਗਿਆ। ਜਦੋਂ ਬੱਚੇ ਨੇ ਹਿਲਜੁਲ ਕਰਨੀ ਬੰਦ ਕਰ ਦਿੱਤੀ ਤਾਂ ਪਰਿਵਾਰ ਵਾਲੇ ਉਸ ਨੂੰ ਤੁਰੰਤ ਹਸਪਤਾਲ ਲੈ ਗਏ, ਜਿੱਥੇ ਬੱਚੇ ਦਾ ਆਪਰੇਸ਼ਨ ਕੀਤਾ ਗਿਆ। ਜਦੋਂ ਬੱਚੀ (ਲੜਕੀ) ਬਾਹਰ ਆਈ ਤਾਂ ਉਹ ਮਰ ਚੁੱਕੀ ਸੀ। ਮਾਂ ਨੇ ਦੋਸ਼ ਲਾਇਆ ਕਿ ਨਰਸ ਦੀ ਅਣਗਹਿਲੀ ਕਾਰਨ ਬੱਚੀ ਦੀ ਮੌ.ਤ ਹੋਈ ਹੈ। ਪੁਲਿਸ ਨੇ ਮਾਮਲੇ ਦੀ ਜਾਂਚ ਕਰਨ ਤੋਂ ਬਾਅਦ ਭੂਆ ਦੇ ਮੁਲਜ਼ਮ ਪੁੱਤ ਅਤੇ ਨਰਸ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ।