ਕੁੱਤੇ ਕਾਲੂ ਦੀ ਮੌਤ ਤੋਂ ਬਾਅਦ ਪਿੰਡ ਚ ਸੋਗ, ਤੇਰਵੀਂ ਤੋਂ ਬਾਅਦ ਰੱਖਿਆ ਸ਼ਰਧਾਜ਼ਲੀ ਸਮਾਗਮ

 ਮੱਧ ਪ੍ਰਦੇਸ਼ ਦੇ ਬੁਰਹਾਨਪੁਰ ਜ਼ਿਲ੍ਹੇ ਵਿਚ ਇਕ ਕਾਲੂ ਨਾਂ ਦੇ ਕੁੱਤੇ ਦੀ ਅਚਾਨਕ ਮੌਤ ਹੋਣ ਨਾਲ ਪੂਰਾ ਪਰਿਵਾਰ ਤੇ ਪਿੰਡ ਸਦਮੇ ਵਿਚ ਹੈ। ਉਸ ਦੀ ਅਚਾਨਕ ਮੌਤ ਹੋ ਗਈ ਸੀ। ਇਸ ਦੇ ਬਾਅਦ ਉਸ ਦਾ ਰੀਤੀ-ਰਿਵਾਜਾਂ ਨਾਲ ਅੰਤਿਮ ਸਸਕਾਰ ਕੀਤਾ ਗਿਆ। ਉਸ ਦੇ ਬਾਅਦ 4 ਮਈ ਨੂੰ 13ਵੀਂ ਦਾ ਪ੍ਰੋਗਰਾਮ ਹੋਇਆ। ਹੁਣ ਪਰਿਵਾਰ ਤੇ ਪਿੰਡ ਦੇ ਲੋਕ ਸ਼ਰਧਾਂਜਲੀ ਸਭਾਵਾਂ ਰੱਖ ਰਹੇ ਹਨ। ਹੁਣ ਤੱਕ ਕਾਲੂ ਦੀ ਮੌਤ ਦੇ ਬਾਅਦ ਤੋਂ 3 ਸ਼ਰਧਾਂਜਲੀ ਸਭਾ ਹੋ ਚੁੱਕੀ ਹੈ।ਉਮਾਲੇ ਪਰਿਵਾਰ ਦੇ ਪੰਕਜ ਪ੍ਰਕਾਸ਼ ਨੇ ਦੱਸਿਆ ਕਿ ਪਿਤਾ ਪ੍ਰਕਾਸ਼ ਉਮਾਲੇ ਮਜ਼ਦੂਰੀ ਦਾ ਕੰਮ ਕਰਦੇ ਹਨ। ਉਨ੍ਹਾਂ ਨੇ 10 ਸਾਲ ਪਹਿਲਾਂ 30 ਦਿਨ ਦੇ ਇਸ ਕਾਲੂ ਨੂੰ ਪਿੰਡ ਤੋਂ ਬੰਜਾਰਾ ਤੋਂ ਪਰਿਵਾਰਾਂ ਨਾਲ ਜਾਂਦੇ ਹੋਏ ਦੇਖਿਆ ਤਾਂ ਚੰਗਾ ਲੱਗਾ। ਇਸ ਦੇ ਬਾਅਦ ਉਸ ਦਾ ਪਾਲਣ ਪੋਸ਼ਣ ਕੀਤਾ। 10 ਸਾਲ ਬਾਅਦ ਉਸ ਦੀ ਅਚਾਨਕ ਮੌਤ ਮੌਤ ਹੋ ਗਈ। ਕਾਲੂ ਪੂਰੇ ਪਿੰਡ ਵਿਚ ਘੁੰਮਦਾ ਸੀ। ਸਾਰੇ ਲੋਕ ਉਸ ਨੂੰ ਪਿਆਰ ਕਰਦੇ ਸਨ।

ਬੱਚੇ ਗੋਲੀ, ਬਿਸਕੁਟ, ਚਾਲਕੇਟ, ਦੁੱਧ ਤੋਂ ਲੈ ਕੇ ਰੋਟੀਆਂ ਤੱਕ ਦਿੰਦੇ ਸਨ। ਕਾਲੂ ਨੇ ਅੱਜ ਤਕ ਕਿਸੇ ਨੂੰ ਨਹੀਂ ਕੱਟਿਆ। ਉਸ ਦੀ ਮੌਤ ਨਾਲ ਸਾਰੇ ਲੋਕ ਸਦਮੇ ਵਿਚ ਹਨ। ਉਸ ਦੀ ਸ਼ਵ ਯਾਤਰਾ ਵੀ ਕੱਢੀ ਗਈ ਸੀ।

13ਵੀਂ ਦਾ ਪ੍ਰੋਗਰਾਮ ਕੀਤਾ ਜਿਸ ਵਿਚ ਪੂਰੇ ਪਿੰਡ ਦਾ ਭੋਜਨ ਹੋਇਆ। ਹੁਣ ਸ਼ਰਧਾਂਜਲੀ ਸਭਾ ਹੋ ਰਹੀ ਹੈ। ਸਮਾਜ, ਪਿੰਡ ਤੇ ਪਰਿਵਾਰ ਨੇ ਮਨੁੱਖਤਾ ਦਾ ਸੰਦੇਸ਼ ਦੇਣ ਲਈ ਇਸ ਦਾ ਆਯੋਜਨ ਕੀਤਾ।

ਕਾਲੂ ਰਾਮ ਦੇ ਸਮੇਂ ਜਾਗਦਾ ਸੀ। ਪੂਰੇ ਪਰਿਵਾਰ ਤੇ ਪਿੰਡ ਦੇ ਲੋਕ ਘਰਾਂ ਵਿਚ ਆਰਾਮ ਨਾਲ ਸੌਂ ਜਾਂਦੇ ਸਨ। ਕਾਲੂ ਦਾ ਚੋਰ ਤੇ ਬਦਮਾਸ਼ਾਂ ਵਿਚ ਇੰਨਾ ਡਰ ਸੀ ਕਿ ਉਹ ਸਾਡੇ ਏਰੀਏ ਵਿਚ ਵੜਦੇ ਨਹੀਂ ਸਨ। ਅੱਜ ਤੱਕ ਇਕ ਵੀ ਚੋਰੀ ਦੀ ਘਟਨਾ ਸਾਡੇ ਇਲਾਕੇ ਵਿਚ ਨਹੀਂ ਵਾਪਰੀ। ਪੰਕਜ ਪ੍ਰਕਾਸ਼ ਉਮਾਲੇ ਨੇ ਦੱਸਿਆ ਕਿ 15 ਮਈ ਨੂੰ ਪਿੰਡ ਵਿਚ ਸ਼ਰਧਾਂਜਲੀ ਸਭਾ ਦਾ ਆਯੋਜਨ ਸ਼ਾਮ 7 ਵਜੇ ਰੱਖਿਆ ਗਿਆ ਹੈ। ਕਾਲੂ ਸਾਡੇ ਪਰਿਵਾਰ ਦਾ ਮੈਂਬਰ ਸੀ ।