ਨੌਜਵਾਨ ਨੇ ਲਿਜਾ ਕੇ ਭਾਖੜਾ ਨਹਿਰ ‘ਚ ਸੁੱਟ’ਤੀ ਥਾਰ, ਖੁਦ ਤੇਜ਼ ਵਹਾਅ ‘ਚ ਰੁੜਿਆ, ਪਰਿਵਾਰ ਦਾ ਰੋ-ਰੋ ਬੁਰਾ ਹਾਲ
ਕੀਰਤਪੁਰ ਸਾਹਿਬ (ਵੀਓਪੀ ਬਿਊਰੋ) ਬੀਤੇ ਕੁਝ ਦਿਨ ਪਹਿਲਾਂ ਖਬਰ ਸਾਹਮਣੇ ਆਈ ਸੀ ਕੀ ਕੀਰਤਪੁਰ ਸਾਹਿਬ ’ਚ ਇਕ ਨੌਜਵਾਨ ਨੇ ਆਪਣੀ ਕਾਰ ਸਣੇ ਨਹਿਰ ‘ਚ ਛਾਲ ਮਾਰ ਦਿੱਤੀ ਹੈ। ਹੁਣ ਤਿੰਨ ਦਿਨ ਬਾਅਦ ਜਾ ਕੇ ਪੁਲਿਸ ਨੇ ਗੋਤਾਖੋਰਾਂ ਦੀ ਮਦਦ ਨਾਲ ਨਹਿਰ ਵਿੱਚੋਂ ਥਾਰ ਬਰਾਮਦ ਕਰ ਲਈ ਹੈ।
ਉਕਤ ਨੌਜਵਾਨ ਨੇ ਥਾਰ ਮਹਿੰਦਰਾ ਕਾਰ ਨਹਿਰ ’ਚ ਸੁੱਟ ਦਿੱਤੀ ਅਤੇ ਖੁਦ ਵੀ ਪਾਣੀ ਦੇ ਤੇਜ਼ ਵਹਾਅ ’ਚ ਰੁੜ੍ਹ ਗਿਆ ਸੀ। ਇਸ ਦੌਰਾਨ ਵੱਡੀ ਗਿਣਤੀ ਵਿੱਚ ਮ੍ਰਿਤਕ ਦੇ ਪਰਿਵਾਰਕ ਮੈਂਬਰ ਅਤੇ ਨਜ਼ਦੀਕੀ ਦੋਸਤ ਮੌਜੂਦ ਸਨ। ਉਨ੍ਹਾਂ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਇਹ ਨੌਜਵਾਨ ਚੰਗਾ ਕਾਰੋਬਾਰੀ ਸੀ ਅਤੇ ਕਿਸੇ ਅਣਕਿਆਸੀ ਘਟਨਾ ਕਾਰਨ ਆਪਣੀ ਮਹਿੰਦਰਾ ਥਾਰ ਗੱਡੀ ਸਮੇਤ ਨਹਿਰ ਵਿੱਚ ਰੁੜ੍ਹ ਗਿਆ।
ਕਮਲਜੀਤ ਨਾਂ ਦੇ ਇਸ ਨੌਜਵਾਨ ਦੇ ਦੋ ਛੋਟੇ-ਛੋਟੇ ਬੱਚੇ ਹਨ, ਜਿਨ੍ਹਾਂ ਦੀ ਮੌਤ ਤੋਂ ਬਾਅਦ ਪਰਿਵਾਰ ਸੋਗ ਵਿਚ ਹੈ। ਫਿਲਹਾਲ ਉਸ ਦੀ ਲਾਸ਼ ਨੂੰ ਲੱਭਣ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ।
