ਤੁਸੀਂ ਅਕਸਰ ਸੜਕ ਤੇ ਜਾਂਦੇ ਸਮੇਂ ਕਿਸੇ ਗਰੀਬ ਨੂੰ ਭੀਖ ਮੰਗਦੇ ਦੇਖਿਆ ਹੋਵੇਗਾ ਅਤੇ ਤਰਸ ਖਾਕੇ ਇਹਨਾਂ ਨੂੰ ਭੀਖ ਦਿੱਤੀ ਵੀ ਹੋਵੇਗੀ ਪਰ ਇਹ ਭਿਖਾਰੀ ਕਿਸ ਤਰ੍ਹਾਂ ਨਾਲ ਤੁਹਾਡੀ ਖੂਨ ਪਸੀਨੇ ਦੀ ਕਮਾਈ ਨਾਲ ਮਾਲਾਮਾਲ ਹੋ ਜਾਂਦੇ ਇਸੇ ਦੀ ਮਿਸਾਲ ਦੀ ਮੁੰਬਈ ਦੀ ਇਹ ਭਿਖਾਰਣਮੁੰਬਈ ਦੀ ਸਭ ਤੋਂ ਅਮੀਰ ਭਿਖਾਰੀਆਂ ਵਿੱਚੋਂ ਇੱਕ ਸ਼ਾਂਤਾਬਾਈ ਕੁਰੜੇ ਨਹੀਂ ਰਹੀ। ਪਿਛਲੇ ਹਫ਼ਤੇ ਉਸ ਦੀ ਹੱਤਿਆ ਕਰ ਦਿੱਤੀ ਗਈ ਸੀ। ਸ਼ਾਂਤਾਬਾਈ ਮਲਾਡ ਪੱਛਮੀ ਦੇ ਚਿੰਚੋਲੀ ਬੰਦਰ ਇਲਾਕੇ ਦੇ ਵਿੱਠਲ ਨਗਰ ਵਿੱਚ ਕਿਰਾਏ ਦੇ ਮਕਾਨ ਵਿੱਚ ਰਹਿੰਦੀ ਸੀ। ਉਹ 35 ਸਾਲਾਂ ਤੋਂ ਮੁੰਬਈ ਦੀਆਂ ਸੜਕਾਂ ‘ਤੇ ਭੀਖ ਮੰਗ ਰਹੀ ਸੀ।
ਪੁਲਸ ਮੁਤਾਬਕ ਪਤੀ ਦੀ ਮੌਤ ਤੋਂ ਬਾਅਦ ਉਸ ਨੇ ਆਪਣੀ ਇਕਲੌਤੀ ਬੇਟੀ ਦਾ ਵਿਆਹ ਭੀਖ ਮੰਗ ਕੇ ਕੀਤਾ। ਇੰਨਾ ਹੀ ਨਹੀਂ, ਉਹ ਹਰ ਮਹੀਨੇ ਭੀਖ ਮੰਗ ਕੇ 25 ਤੋਂ 30 ਹਜ਼ਾਰ ਰੁਪਏ ਆਪਣੀ ਧੀ ਦੇ ਘਰ ਭੇਜਦੀ ਸੀ। ਇਸ ਪੈਸੇ ਨਾਲ ਉਸ ਦੀ ਲੜਕੀ ਨੇ ਆਪਣਾ ਘਰ ਬਣਾਇਆ ਅਤੇ ਤਿੰਨ ਏਕੜ ਜ਼ਮੀਨ ਵੀ ਖਰੀਦੀ। ਅੱਜ ਸ਼ਾਂਤੀਬਾਈ ਦੇ ਪੋਤੇ-ਪੋਤੀਆਂ ਉਸ ਪਲਾਟ ਦੀ ਬਦੌਲਤ ਲੱਖਾਂ ਰੁਪਏ ਕਮਾ ਲੈਂਦੇ ਹਨ।ਪੁਲਸ ਮੁਤਾਬਕ ਸ਼ਾਂਤਾਬਾਈ ਕੁਰੜੇ ਦੀ ਲਾਸ਼ ਸ਼ੁੱਕਰਵਾਰ ਸਵੇਰੇ ਉਸ ਦੇ ਕਿਰਾਏ ਦੇ ਘਰ ‘ਚੋਂ ਮਿਲੀ। ਮਲਾਡ ਪੁਲੀਸ ਨੇ ਕਤਲ ਸਮੇਤ ਕਈ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ। ਇੰਨਾ ਹੀ ਨਹੀਂ ਪੁਲਸ ਨੇ ਇਸ ਮਾਮਲੇ ‘ਚ ਦੋਸ਼ੀ ਬੈਜੂ ਮੁਖੀਆ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। 45 ਸਾਲਾ ਮੁਲਜ਼ਮ ਮੁਖੀਆ ਪਹਿਲਾਂ ਇਸ ਮਕਾਨ ਵਿੱਚ ਕਿਰਾਏ ’ਤੇ ਰਹਿੰਦਾ ਸੀ। ਕਿਰਾਇਆ ਨਾ ਦੇਣ ਕਾਰਨ ਮਕਾਨ ਮਾਲਕ ਨੇ ਪਿਛਲੇ ਮਹੀਨੇ ਉਸ ਨੂੰ ਬੇਦਖਲ ਕਰ ਦਿੱਤਾ ਸੀ। ਇੰਨਾ ਹੀ ਨਹੀਂ ਮਕਾਨ ਮਾਲਕ ਨੇ ਕਿਰਾਇਆ ਨਾ ਦੇਣ ਕਾਰਨ ਉਸਦਾ ਸਮਾਨ ਵੀ ਆਪਣੇ ਕੋਲ ਰੱਖ ਲਿਆ ਸੀ।
ਮਿਡ ਡੇਅ ਦੀ ਖਬਰ ਮੁਤਾਬਕ ਪੁਲਸ ਨੇ ਦੱਸਿਆ ਕਿ ਘਟਨਾ ਵਾਲੀ ਰਾਤ ਦੋਸ਼ੀ ਮੁਖੀਆ ਲੋਹੇ ਦੀ ਚਾਦਰ ਉਤਾਰ ਕੇ ਆਪਣਾ ਸਮਾਨ ਕੱਢਣ ਲਈ ਘਰ ‘ਚ ਦਾਖਲ ਹੋ ਗਿਆ। ਘਰ ਦੇ ਅੰਦਰ ਦਾਖਲ ਹੁੰਦੇ ਹੀ ਉਸ ਦੀ ਨਜ਼ਰ ਸੌਂ ਰਹੀ ਸ਼ਾਂਤਾਬਾਈ ਕੁਰੜੇ ‘ਤੇ ਪਈ। ਉਸ ਦਾ ਪੈਸਿਆਂ ਨਾਲ ਭਰਿਆ ਬੈਗ ਨੇੜੇ ਹੀ ਪਿਆ ਸੀ। ਇਸ ਤੋਂ ਬਾਅਦ ਮੁਲਜ਼ਮ ਮੁਖੀਆ ਨੇ ਪੈਸਿਆਂ ਵਾਲਾ ਬੈਗ ਚੋਰੀ ਕਰਨ ਦੀ ਕੋਸ਼ਿਸ਼ ਕੀਤੀ।ਪਰ ਫਿਰ ਸ਼ਾਂਤਾਬਾਈ ਜਾਗ ਪਈ ਅਤੇ ਰੌਲਾ ਪਾਉਣ ਲੱਗੀ। ਇਸ ’ਤੇ ਮੁਲਜ਼ਮ ਨੇ ਉਸ ਦੇ ਮੂੰਹ ’ਚ ਕੱਪੜਾ ਪਾ ਕੇ ਉਸ ਦੇ ਸਿਰ ’ਤੇ ਵਾਰ ਕਰ ਦਿੱਤਾ। ਇਸ ਤੋਂ ਬਾਅਦ ਉਸ ਦਾ ਕਤਲ ਕਰ ਦਿੱਤਾ ਅਤੇ ਉਥੋਂ ਫਰਾਰ ਹੋ ਗਿਆ।ਪੁਲਿਸ ਅਨੁਸਾਰ ਇਸ ਕਤਲ ਦੀ ਗੁੱਥੀ ਸੁਲਝਾਉਣ ਲਈ 50 ਸੀਸੀਟੀਵੀ ਫੁਟੇਜ ਦੀ ਵਰਤੋਂ ਕੀਤੀ ਗਈ ਸੀ। ਸੀਸੀਟੀਵੀ ਫੁਟੇਜ ਵਿੱਚ ਮੁਲਜ਼ਮ ਨੂੰ ਘਟਨਾ ਵਾਲੀ ਰਾਤ ਬਿਨਾਂ ਚੱਪਲਾਂ ਦੇ ਦੇਖਿਆ ਗਿਆ। ਇਸ ਤੋਂ ਬਾਅਦ ਤਲਾਸ਼ੀ ਤੇਜ਼ ਕਰ ਦਿੱਤੀ ਗਈ ਅਤੇ ਮੁਖੀਆ ਨੂੰ ਪੁਲਿਸ ਨੇ ਵਿਜੇਵਾੜਾ ਇਲਾਕੇ ਤੋਂ ਗ੍ਰਿਫ਼ਤਾਰ ਕਰ ਲਿਆ। ਪਹਿਲਾਂ ਤਾਂ ਉਹ ਪੁਲਸ ਤੋਂ ਬਚਦਾ ਰਿਹਾ ਪਰ ਬਾਅਦ ‘ਚ ਉਸ ਨੇ ਕਤਲ ਦੀ ਗੱਲ ਕਬੂਲ ਕਰ ਲਈ।
ਮ੍ਰਿਤਕ ਔਰਤ ਦੀ ਬੇਟੀ ਤੇ ਪੋਤੇ-ਪੋਤੀਆਂ ਨਾਲ ਗੱਲ ਕਰਨ ਤੋਂ ਬਾਅਦ ਪੁਲਸ ਨੂੰ ਪਤਾ ਲੱਗਾ ਕਿ ਔਰਤ 35 ਸਾਲ ਪਹਿਲਾਂ ਮੁੰਬਈ ਆਈ ਸੀ। ਉਸ ਸਮੇਂ ਉਸ ਦਾ ਪਤੀ ਆਪਣੇ ਪਿੰਡ ਵਿਚ ਖੇਤੀ ਦਾ ਕੰਮ ਕਰਦਾ ਸੀ, ਜਿਸ ਨੂੰ ਉਸ ਨੇ ਬਾਅਦ ਵਿਚ ਵੇਚ ਦਿੱਤਾ। ਕੁਰੜੇ ਨੇ ਭੀਖ ਮੰਗ ਕੇ ਇਕੱਠੇ ਕੀਤੇ ਪੈਸੇ ਨਾਲ ਉਸ ਦੇ ਪੋਤਰੇ ਨੇ 3 ਏਕੜ ਜ਼ਮੀਨ ਖਰੀਦੀ। ਅੱਜ ਉਸ ਜ਼ਮੀਨ ‘ਤੇ ਕਪਾਹ ਅਤੇ ਸੋਇਆਬੀਨ ਦੀ ਖੇਤੀ ਕੀਤੀ ਜਾਂਦੀ ਹੈ। ਔਰਤ ਕਦੇ-ਕਦੇ ਆਪਣੀ ਧੀ ਦੇ ਘਰ ਆਉਂਦੀ ਤੇ ਫਿਰ ਵਾਪਸ ਚਲਾ ਜਾਂਦੀ। ਉਸ ਦੇ ਜਵਾਈ ਦੀ ਵੀ ਮੌਤ ਹੋ ਗਈ ਹੈ।
