ਦੇਸ਼ ਦੇ ਲੋਕ ਸਾਇਸ ਯੁੱਗ ਵਿੱਚ ਬਾਬਿਆਂ ਦੇ ਡੇਰਿਆਂ ਵਿੱਚ ਭਵਿੱਖ ਤਲਾਸ਼ਦੇ ਨੇ। ਇੱਕ ਇਨਸਾਨ ਨੂੰ ਰੱਬ ਸਮਝਦੇ ਹੋਏ ਆਪਣਾ ਸਭ ਕੁਝ ਦਾਅ ਤੇ ਲਗਾ ਦਿੰਦੇ ਨੇ ਪਰ ਇਹ ਆਸਥਾਂ ਕਿਸ ਤਰ੍ਹਾਂ ਭਾਰੀ ਪੈ ਸਕਦੀ ਹੈ ਇਸੇ ਤਰ੍ਹਾਂ ਦੀ ਘਟਨਾ ਵਾਪਰੀ ਹੈ ਹਾਥਰਸ ਵਿੱਚ।ਹਾਥਰਸ ਭਗਦੜ ਮੱਚ ਗਈ ਅਤੇ 122 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ। ਬਾਬਾ ਮੂਲ ਰੂਪ ਵਿੱਚ ਕਾਸਗੰਜ ਜ਼ਿਲ੍ਹੇ ਦੇ ਪਟਿਆਲੀ ਦੇ ਬਹਾਦਰਨਗਰ ਦਾ ਰਹਿਣ ਵਾਲਾ ਹੈ ਅਤੇ ਉਸਦਾ ਨਾਮ ਸਾਕਰ ਵਿਸ਼ਵ ਹਰੀ ਹੈ। ਬਾਬਾ ਬਣਨ ਤੋਂ ਪਹਿਲਾਂ ਉਹ ਪੁਲਿਸ ਦੇ ਖੁਫੀਆ ਵਿਭਾਗ ਵਿੱਚ ਕੰਮ ਕਰਦਾ ਸੀ। ਬਾਅਦ ਵਿਚ ਨੌਕਰੀ ਛੱਡ ਕੇ ਕਥਾਵਾਚਕ ਬਣ ਕੇ ਸੰਗਤਾਂ ਦੀ ਸੇਵਾ ਕਰਨੀ ਸ਼ੁਰੂ ਕਰ ਦਿੱਤੀ। ਉਹ ਆਪਣੀ ਪਤਨੀ ਨਾਲ ਸਤਿਸੰਗ ਕਰਦਾ ਹੈ ਅਤੇ ਪਟਿਆਲੀ ਦੇ ਸਾਕਰ ਵਿਸ਼ਵ ਹਰੀ ਬਾਬਾ ਵਜੋਂ ਜਾਣਿਆ ਜਾਂਦਾ ਹੈ। ਉਸ ਦੇ ਸਤਿਸੰਗ ਵਿਚ ਹਜ਼ਾਰਾਂ ਲੋਕ ਆਉਂਦੇ ਹਨ।
ਉੱਤਰ ਪ੍ਰਦੇਸ਼ ਦੇ ਹਾਥਰਸ ‘ਚ ਮਚੀ ਭਗਦੜ ਕਾਰਨ ਪੂਰਾ ਸੂਬਾ ਪਰੇਸ਼ਾਨ ਹੈ। ਹਾਦਸੇ ਤੋਂ ਬਾਅਦ ਏਟਾ ਦੇ ਜ਼ਿਲ੍ਹਾ ਹਸਪਤਾਲ ‘ਚ 27 ਲਾਸ਼ਾਂ ਪਹੁੰਚੀਆਂ ਹਨ, ਜਿਨ੍ਹਾਂ ‘ਚੋਂ 23 ਔਰਤਾਂ ਅਤੇ ਦੋ ਬੱਚਿਆਂ ਦੀਆਂ ਹਨ। ਜ਼ਖਮੀਆਂ ਦੀ ਗਿਣਤੀ ਦਾ ਅੰਦਾਜ਼ਾ ਨਹੀਂ ਲਗਾਇਆ ਜਾ ਸਕਿਆ ਹੈ। ਮਰਨ ਵਾਲਿਆਂ ਦੀ ਗਿਣਤੀ ਹੋਰ ਵਧ ਸਕਦੀ ਹੈ। ਇਹ ਹਾਦਸਾ ਭੋਲੇ ਬਾਬਾ ਦੇ ਸਤਿਸੰਗ ਦੌਰਾਨ ਉਸ ਸਮੇਂ ਵਾਪਰਿਆ ਜਦੋਂ ਉਨ੍ਹਾਂ ਦਾ ਪ੍ਰਵਚਨ ਪ੍ਰੋਗਰਾਮ ਸਮਾਪਤ ਹੋ ਰਿਹਾ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਪ੍ਰਬੰਧਕਾਂ ਨੇ ਪ੍ਰਸ਼ਾਸਨ ਨੂੰ ਜਿਸ ਦੀ ਸੂਚਨਾ ਦਿੱਤੀ ਸੀ, ਉਸ ਤੋਂ ਜ਼ਿਆਦਾ ਲੋਕ ਇੱਥੇ ਪੁੱਜੇ ਹੋਏ ਸਨ। ਸਮਾਪਤੀ ਸਮਾਰੋਹ ‘ਚ ਭੀੜ ਕਾਰਨ ਕਈ ਲੋਕਾਂ ਦਾ ਦਮ ਘੁੱਟ ਗਿਆ, ਜਿਸ ਤੋਂ ਬਾਅਦ ਭਗਦੜ ‘ਚ ਸੈਂਕੜੇ ਲੋਕ ਬੇਹੋਸ਼ ਹੋ ਗਏ। 100 ਤੋਂ ਵੱਧ ਲੋਕਾਂ ਦੀ ਮੌਤ ਦਾ ਖਦਸ਼ਾ ਹੈ।ਕੋਰੋਨਾ ਦੌਰ ‘ਚ ਵੀ ਭੋਲੇ ਬਾਬਾ ਦਾ ਸਤਿਸੰਗ ਪ੍ਰੋਗਰਾਮ ਵਿਵਾਦਾਂ ‘ਚ ਆ ਗਿਆ ਸੀ। ਉਦੋਂ ਉਸ ਨੇ ਆਪਣੇ ਸਤਿਸੰਗ ਵਿਚ ਸਿਰਫ਼ 50 ਲੋਕਾਂ ਦੀ ਹਾਜ਼ਰੀ ਭਰਨ ਦੀ ਇਜਾਜ਼ਤ ਮੰਗੀ ਸੀ। ਪਰ, ਬਾਅਦ ਵਿੱਚ 50 ਹਜ਼ਾਰ ਤੋਂ ਵੱਧ ਲੋਕ ਉਨ੍ਹਾਂ ਦੇ ਸਤਿਸੰਗ ਵਿੱਚ ਆਏ। ਭਾਰੀ ਭੀੜ ਕਾਰਨ ਪ੍ਰਸ਼ਾਸਨਿਕ ਤੰਤਰ ਟੁੱਟ ਗਿਆ ਸੀ।
ਭੋਲੇ ਬਾਬਾ ਨੇ ਨਾ ਸਿਰਫ਼ ਏਟਾ, ਆਗਰਾ, ਮੈਨਪੁਰੀ, ਸ਼ਾਹਜਹਾਂਪੁਰ, ਹਾਥਰਸ ਸਮੇਤ ਕਈ ਜ਼ਿਲ੍ਹਿਆਂ ਵਿੱਚ ਆਪਣਾ ਦਬਦਬਾ ਕਾਇਮ ਕੀਤਾ ਹੈ, ਇਸ ਤੋਂ ਇਲਾਵਾ ਮੱਧ ਪ੍ਰਦੇਸ਼ ਅਤੇ ਨਾਲ ਲੱਗਦੇ ਰਾਜਸਥਾਨ ਅਤੇ ਹਰਿਆਣਾ ਦੇ ਕਈ ਜ਼ਿਲ੍ਹਿਆਂ ਵਿੱਚ ਵੀ ਉਨ੍ਹਾਂ ਦੇ ਸਮਾਗਮ ਹੁੰਦੇ ਹਨ। ਪੱਛਮੀ ਯੂ.ਪੀ. ਭੋਲੇ ਬਾਬਾ ਦੇ ਬਹੁਤੇ ਸ਼ਰਧਾਲੂ ਗਰੀਬ ਵਰਗ ਦੇ ਹਨ, ਜੋ ਲੱਖਾਂ ਦੀ ਗਿਣਤੀ ਵਿੱਚ ਸਤਿਸੰਗ ਸੁਣਨ ਆਉਂਦੇ ਹਨ। ਭਾਵੇਂ ਸਾਕਾਰ ਵਿਸ਼ਵ ਹਰੀ ਆਪਣੇ ਆਪ ਨੂੰ ਪ੍ਰਮਾਤਮਾ ਦਾ ਸੇਵਕ ਆਖਦੇ ਹਨ, ਪਰ ਉਨ੍ਹਾਂ ਦੇ ਸ਼ਰਧਾਲੂ ਬਾਬਾ ਨੂੰ ਪ੍ਰਮਾਤਮਾ ਦਾ ਅਵਤਾਰ ਮੰਨਦੇ ਹਨ, ਜੋ ਕਿ ਸਤਿਸੰਗ ਦੇ ਪ੍ਰਬੰਧਾਂ ਦੀ ਖੁਦ ਦੇਖ-ਰੇਖ ਕਰਦੇ ਹਨ।ਭੋਲੇ ਬਾਬਾ ਦੇ ਸਤਿਸੰਗ ਵਿੱਚ ਜਾਣ ਵਾਲੇ ਹਰ ਸ਼ਰਧਾਲੂ ਨੂੰ ਪਾਣੀ ਵੰਡਿਆ ਜਾਂਦਾ ਹੈ। ਬਾਬੇ ਦੇ ਪੈਰੋਕਾਰਾਂ ਦਾ ਮੰਨਣਾ ਹੈ ਕਿ ਇਸ ਪਾਣੀ ਨੂੰ ਪੀਣ ਨਾਲ ਉਨ੍ਹਾਂ ਦੀਆਂ ਸਮੱਸਿਆਵਾਂ ਦੂਰ ਹੋ ਜਾਂਦੀਆਂ ਹਨ। ਪਟਿਆਲਵੀ ਤਹਿਸੀਲ ਦੇ ਪਿੰਡ ਬਹਾਦਰ ਨਗਰ ਵਿੱਚ ਸਥਿਤ ਉਨ੍ਹਾਂ ਦੇ ਆਸ਼ਰਮ ਵਿੱਚ ਵੀ ਬਾਬੇ ਦਾ ਦਰਬਾਰ ਲੱਗਦਾ ਹੈ। ਆਸ਼ਰਮ ਦੇ ਬਾਹਰ ਇੱਕ ਹੈਂਡ ਪੰਪ ਵੀ ਹੈ। ਦਰਬਾਰ ਦੌਰਾਨ ਇਸ ਹੈਂਡ ਪੰਪ ਤੋਂ ਪਾਣੀ ਪੀਣ ਲਈ ਲੋਕਾਂ ਦੀ ਲੰਬੀ ਕਤਾਰ ਲੱਗ ਜਾਂਦੀ ਹੈ।ਉੱਤਰ ਪ੍ਰਦੇਸ਼ ਵਿੱਚ ਤੀਰਥ ਸਥਾਨਾਂ ‘ਤੇ ਵਧਦੀ ਭੀੜ ਨੂੰ ਹੁਣ ਪੁਲਿਸ ਪ੍ਰਸ਼ਾਸਨ ਲਈ ਸੰਭਾਲਣਾ ਮੁਸ਼ਕਲ ਹੋ ਗਿਆ ਹੈ। ਹਥਰਸ ‘ਚ ਅੱਜ ਦੇ ਹਾਦਸੇ ਤੋਂ ਪਹਿਲਾਂ ਵੀ ਕਈ ਵਾਰ ਯੂਪੀ ‘ਚ ਧਾਰਮਿਕ ਸਥਾਨਾਂ ‘ਤੇ ਹੋਈ ਭੀੜ ਨੂੰ ਸੰਭਾਲਿਆ ਨਹੀਂ ਜਾ ਸਕਿਆ ਸੀ। ਸਾਲ 2010 ‘ਚ ਪ੍ਰਤਾਪਗੜ੍ਹ ਦੇ ਕੁੰਡਾ ‘ਚ ਇਕ ਧਾਰਮਿਕ ਸਥਾਨ ‘ਤੇ ਸਭ ਤੋਂ ਵੱਡਾ ਹਾਦਸਾ ਵਾਪਰਿਆ ਸੀ। ਜਿੱਥੇ ਕ੍ਰਿਪਾਲੂ ਮਹਾਰਾਜ ਦੇ ਆਸ਼ਰਮ ਮਾਨਗੜ੍ਹ ਵਿਖੇ ਭਗਦੜ ਕਾਰਨ 63 ਸ਼ਰਧਾਲੂਆਂ ਦੀ ਮੌਤ ਹੋ ਗਈ।
ਆਵਾਜਾਈ ਦੇ ਕੁਸ਼ਲ ਸਾਧਨਾਂ ਵਿੱਚ ਵਾਧਾ ਅਤੇ ਧਾਰਮਿਕ ਸਥਾਨਾਂ ਦੇ ਵੱਧ ਰਹੇ ਪ੍ਰਚਾਰ ਕਾਰਨ ਖਾਸ ਮੌਕਿਆਂ ‘ਤੇ ਭੀੜ ਕਾਬੂ ਤੋਂ ਬਾਹਰ ਹੋ ਜਾਂਦੀ ਹੈ। ਇਸੇ ਕਾਰਨ ਉੱਤਰ ਪ੍ਰਦੇਸ਼ ਵਿੱਚ ਅਜਿਹੇ ਹਾਦਸੇ ਵੱਧ ਰਹੇ ਹਨ। ਫਿਲਹਾਲ ਪੁਲਿਸ ਅਤੇ ਪ੍ਰਸ਼ਾਸਨਿਕ ਤੰਤਰ ਵੱਲੋਂ ਅਜਿਹਾ ਕੋਈ ਸੁਧਾਰ ਪ੍ਰਬੰਧ ਨਹੀਂ ਕੀਤਾ ਗਿਆ ਹੈ, ਜਿਸ ਰਾਹੀਂ ਧਾਰਮਿਕ ਸਥਾਨਾਂ ‘ਤੇ ਭੀੜ ਨੂੰ ਕੰਟਰੋਲ ਕੀਤਾ ਜਾ ਸਕੇ ਅਤੇ ਸ਼ਰਧਾਲੂ ਦਰਸ਼ਨ ਕਰ ਸਕਣ।ਮਥੁਰਾ ਵਿੱਚ 2022 ਅਤੇ ਫਿਰ 2024 ਵਿੱਚ ਦੋ ਹਾਦਸੇ ਵਾਪਰੇ। ਬਰਸਾਨਾ ਦੇ ਰਾਧਾ ਰਾਣੀ ਮੰਦਰ ਵਿੱਚ ਭਗਦੜ ਕਾਰਨ ਕਰੀਬ 12 ਸ਼ਰਧਾਲੂ ਬੇਹੋਸ਼ ਹੋ ਗਏ ਸਨ। ਜਦਕਿ 2022 ‘ਚ ਲੱਡੂ ਮਾਰ ਹੋਲੀ ਦੇ ਮੌਕੇ ‘ਤੇ ਬਾਂਕੇ ਬਿਹਾਰੀ ਮੰਦਰ ‘ਚ ਦਮ ਘੁਟਣ ਨਾਲ ਦੋ ਲੋਕਾਂ ਦੀ ਮੌਤ ਹੋ ਗਈ ਸੀ। ਵਰਿੰਦਾਵਨ ਦੇ ਠਾਕੁਰ ਬਾਂਕੇ ਬਿਹਾਰੀ ਮੰਦਰ ‘ਚ ਰੰਗਭਰੀ ਇਕਾਦਸ਼ੀ ਦੀ ਰੰਗਦਾਰ ਹੋਲੀ ਸ਼ੁਰੂ ਹੋਣ ਤੋਂ ਇਕ ਦਿਨ ਪਹਿਲਾਂ ਭੀੜ ਇੰਨੀ ਕਾਬੂ ਤੋਂ ਬਾਹਰ ਹੋ ਗਈ ਕਿ ਇਕ ਸ਼ਰਧਾਲੂ ਦੀ ਮੌਤ ਹੋ ਗਈ। ਜਦਕਿ ਇੱਕ ਦੀ ਸਿਹਤ ਵਿਗੜ ਗਈ। ਭਾਰੀ ਭੀੜ ਦੇ ਦਬਾਅ ਹੇਠ ਫਸੀਆਂ ਔਰਤਾਂ ਅਤੇ ਬੱਚਿਆਂ ਦੀਆਂ ਚੀਕਾਂ ਨਿਕਲਦੀਆਂ ਰਹੀਆਂ ਅਤੇ ਪੁਲਿਸ ਵੀ.ਆਈ.ਪੀਜ਼ ਦੀ ਸੇਵਾ ਵਿੱਚ ਕੋਈ ਵਿਘਨ ਨਾ ਪਵੇ ਇਸ ਲਈ ਹੋਰ ਵੀ ਚੌਕਸ ਰਹੀ।
