ਕੁਝ ਦਿਨ ਪਹਿਲਾ ਹੀ ਇੱਕ ਆਸ਼ਰਮ ਚ ਆਸਥਾਂ ਚ ਅੰਨੇ ਹੋਏ 100 ਤੋਂ ਵੱਧ ਲੋਕਾਂ ਨੇ ਆਪਣੀ ਜਾਨ ਗੁਆ ਲਈ ਪਰ ਇਹ ਆਸਥਾ ਸਿਰਫ ਭਾਰਤ ਹੀ ਨਹੀਂ ਵਿਦੇਸਾਂ ਵਿੱਚ ਵੀ ਬਹੁਤ ਭਾਰੀ ਹੈ ਵਿਦੇਸ਼ ਵਿੱਚ ਵੀ ਲੋਕ ਇਹਨਾਂ ਬਾਬਿਆਂ ਦੇ ਚੱਕਰਾਂ ਚ ਇਸ ਕਦਰ ਪਏ ਹਨ ਕਿ ਆਪਣੀ ਜਿੰਦਗੀ ਤੱਕ ਦੀ ਪਰਵਾਹ ਨਹੀਂ ਕਰਦੇ।8 ਨਵੰਬਰ 1978 ਨੂੰ ਪੀਪਲਜ਼ ਟੈਂਪਲ ਸੰਪਰਦਾ ਦੇ ਬਾਬਾ ਜਿਮ ਜੋਨਸ ਦੇ ਨਾਲ 909 ਲੋਕਾਂ ਨੇ ਖੁਦਕੁਸ਼ੀ ਕਰ ਲਈ। ਸਾਰੇ ਸ਼ਰਧਾਲੂਆਂ ਨੂੰ ਜ਼ਹਿਰ ਦੇ ਕੇ ਖੁਦਕੁਸ਼ੀ ਕਰਨ ਲਈ ਮਜਬੂਰ ਕੀਤਾ ਗਿਆ ਸੀ। ਇਸ ਨੂੰ ਬਾਅਦ ਵਿੱਚ ਨਸਲਕੁਸ਼ੀ ਕਿਹਾ ਗਿਆ।ਇਹ ਹਾਦਸਾ ਲੈਟਿਨ ਅਮਰੀਕੀ ਦੇਸ਼ ਗੁਆਨਾ ਵਿੱਚ ਵਾਪਰਿਆ। ਬਾਬਾ ਨੇ ਅਮਰੀਕਾ ਤੋਂ ਭੱਜ ਕੇ ਗੁਆਨਾ ਆ ਕੇ ਉਜਾੜ ਇਲਾਕੇ ਜੋਨਸਟਾਉਨ ਵਿੱਚ ਇੱਕ ਕਮਿਊਨ ਬਣਾ ਲਿਆ। ਬਹੁਤ ਸਾਰੇ ਪੈਰੋਕਾਰਾਂ ਨੂੰ ਬੰਦੂਕ ਦੀ ਨੋਕ ‘ਤੇ ਜ਼ਹਿਰ ਦੇ ਟੀਕੇ ਲਗਾਏ ਗਏ ਸਨ। ਮਰਨ ਵਾਲਿਆਂ ਵਿੱਚੋਂ ਇੱਕ ਤਿਹਾਈ ਬੱਚੇ ਸਨ
ਜਿਮ ਜੋਨਸ ਨੇ ਈਸਾਈਆਂ ਦਾ ਇੱਕ ਸੰਪਰਦਾ ਬਣਾਇਆ ਸੀ, ਜਿਸ ਨੂੰ ਉਸਨੇ ਪੀਪਲਜ਼ ਟੈਂਪਲ ਦਾ ਨਾਮ ਦਿੱਤਾ ਸੀ। ਉਸਨੇ ਆਪਣੇ ਆਪ ਨੂੰ ਇੱਕ ਕ੍ਰਿਸ਼ਮਈ ਬਾਬਾ ਵਜੋਂ ਸਥਾਪਿਤ ਕੀਤਾ। ਇਹ ਪੰਥ 1950 ਵਿੱਚ ਇੰਡੀਆਨਾਪੋਲਿਸ ਵਿੱਚ ਸ਼ੁਰੂ ਹੋਇਆ। ਕਿਉਂਕਿ ਬਾਬਾ ਆਪਣੇ ਆਪ ਨੂੰ ਨਸਲਵਾਦੀ ਵਿਰੋਧੀ ਕਹਿੰਦਾ ਸੀ, ਇਸ ਲਈ ਉਸ ਦੇ ਸੰਪਰਦਾ ਵਿਚ ਸ਼ਾਮਲ ਹੋਣ ਵਾਲੇ ਲੋਕ ਜ਼ਿਆਦਾਤਰ ਕਾਲੇ ਅਮਰੀਕੀ ਸਨ।1965 ਵਿੱਚ ਉਸ ਨੇ ਆਪਣਾ ਕਮਿਊਨ ਉੱਤਰੀ ਕੈਲੀਫੋਰਨੀਆ ਵਿੱਚ ਤਬਦੀਲ ਕਰ ਦਿੱਤਾ। ਪਰ ਜਦੋਂ ਉਸ ‘ਤੇ ਵਿੱਤੀ ਧੋਖਾਧੜੀ, ਪੈਰੋਕਾਰਾਂ ਦੇ ਸਰੀਰਕ ਸ਼ੋਸ਼ਣ ਅਤੇ ਬੱਚਿਆਂ ਨਾਲ ਦੁਰਵਿਵਹਾਰ ਦੇ ਦੋਸ਼ ਲੱਗਣੇ ਸ਼ੁਰੂ ਹੋ ਗਏ ਤਾਂ ਆਲੋਚਨਾ ਤੋਂ ਬਾਅਦ ਉਹ ਆਪਣੇ ਪੈਰੋਕਾਰਾਂ ਨਾਲ ਅਮਰੀਕਾ ਛੱਡ ਕੇ ਗੁਆਂਢੀ ਦੇਸ਼ ਗੁਆਨਾ ਚਲਾ ਗਿਆ। ਉੱਥੇ ਉਸ ਨੇ ਇੱਕ ਕਮਿਊਨ ਬਣਾਇਆ। ਇੱਥੇ ਉਹ ਆਪਣੇ ਚੇਲਿਆਂ ਨੂੰ ਖੇਤੀ ਦਾ ਕੰਮ ਕਰਵਾਉਂਦੇ ਸਨ। ਇਸ ਕਮਿਊਨ ਨੂੰ ਬਾਹਰੀ ਦੁਨੀਆਂ ਵਿੱਚ ਇੱਕ ਸ਼ਾਨਦਾਰ ਸਥਾਨ ਵਜੋਂ ਅੱਗੇ ਵਧਾਇਆ ਗਿਆ ਸੀ। ਬਾਬਾ ਇੱਥੇ ਆਪਣੇ ਚੇਲਿਆਂ ਨਾਲ ਰਹਿਣ ਲੱਗ ਪਿਆ।
ਉਸਨੇ ਗੁਆਨਾ ਦੇ ਇੱਕ ਜੰਗਲੀ ਖੇਤਰ ਵਿੱਚ ਇੱਕ ਵੱਡਾ ਕਮਿਊਨ ਬਣਾਇਆ ਸੀ। ਜਥੇਬੰਦੀ ਦੇ ਮੈਂਬਰਾਂ ਨੂੰ ਖੇਤਾਂ ਵਿੱਚ ਲੰਮਾ ਸਮਾਂ ਕੰਮ ਕਰਨਾ ਪੈਂਦਾ ਸੀ। ਬਾਬਾ ਅਤੇ ਉਸ ਦੇ ਖਾਸ ਲੋਕ ਉੱਥੇ ਆਰਾਮਦਾਇਕ ਅਤੇ ਆਲੀਸ਼ਾਨ ਜੀਵਨ ਬਤੀਤ ਕਰ ਰਹੇ ਸਨ। ਜੇਕਰ ਕੋਈ ਚੇਲਾ ਬਾਬਾ ‘ਤੇ ਸਵਾਲ ਉਠਾਉਂਦਾ ਤਾਂ ਉਸ ਨੂੰ ਸਖ਼ਤ ਸਜ਼ਾ ਦਿੱਤੀ ਜਾਂਦੀ ਸੀ। ਉਸ ਦਾ ਪਾਸਪੋਰਟ ਜ਼ਬਤ ਹੋ ਜਾਂਦਾ ਸੀ। ਉਨ੍ਹਾਂ ਦੇ ਘਰ ਭੇਜੇ ਗਏ ਪੱਤਰਾਂ ਨੂੰ ਸੈਂਸਰ ਕੀਤਾ ਜਾਂਦਾ ਸੀ।ਇਹ ਬਾਬਾ ਨਾ ਸਿਰਫ ਮਾਨਸਿਕ ਤੌਰ ‘ਤੇ ਪ੍ਰੇਸ਼ਾਨ ਰਹਿਣ ਲੱਗਾ, ਸਗੋਂ ਨਸ਼ੇ ਵੀ ਕਰਨ ਲੱਗ ਪਿਆ। ਉਸ ਨੂੰ ਡਰ ਸਤਾਉਣ ਲੱਗਾ ਸੀ ਕਿ ਅਮਰੀਕੀ ਸਰਕਾਰ ਛੇਤੀ ਹੀ ਉਸ ਨੂੰ ਫੜ ਲਵੇਗੀ। ਫਿਰ ਉਸਨੇ ਆਪਣੇ ਚੇਲਿਆਂ ਨੂੰ ਸਵਰਗ ਦਾ ਸੁਪਨਾ ਦਿਖਾਉਣਾ ਸ਼ੁਰੂ ਕਰ ਦਿੱਤਾ। ਮੰਦਰ ਦੇ ਮੈਂਬਰਾਂ ਨੂੰ ਅੱਧੀ ਰਾਤ ਨੂੰ ਨਕਲੀ ਆਤਮ ਹੱਤਿਆ ਦਾ ਅਭਿਆਸ ਕਰਾਇਆ ਜਾਣ ਲੱਗਾ। ਕਿਹਾ ਗਿਆ ਸੀ ਕਿ ਜਲਦੀ ਹੀ ਅਸੀਂ ਸਾਰੇ ਇਕੱਠੇ ਸਵਰਗ ਜਾਵਾਂਗੇ।ਇਸ ਦੌਰਾਨ ਜਦੋਂ ਕੈਲੀਫੋਰਨੀਆ ਦੇ ਡੈਮੋਕਰੇਟ ਅਮਰੀਕੀ ਕਾਂਗਰਸਮੈਨ ਲਿਓ ਰਿਆਨ ਨੂੰ ਬਾਬੇ ਦੇ ਫਾਰਮ ਹਾਊਸ ਬਾਰੇ ਸ਼ਿਕਾਇਤਾਂ ਮਿਲਣੀਆਂ ਸ਼ੁਰੂ ਹੋ ਗਈਆਂ ਤਾਂ ਉਹ 17 ਨਵੰਬਰ 1978 ਨੂੰ ਆਪਣੇ ਲੋਕਾਂ ਨਾਲ ਜੋਨਸਟਾਊਨ ਪਹੁੰਚ ਗਿਆ। ਬਾਬੇ ਦੇ ਕੁਝ ਪੈਰੋਕਾਰਾਂ ਨੇ ਫਾਰਮ ਹਾਊਸ ‘ਚ ਹੋ ਰਹੀਆਂ ਗਲਤ ਗੱਲਾਂ ਦੀ ਸ਼ਿਕਾਇਤ ਉਨ੍ਹਾਂ ਅੱਗੇ ਕੀਤੀ। ਉਨ੍ਹਾਂ ਨੂੰ ਓਥੋਂ ਕੱਢਣ ਦੀ ਗੁਹਾਰ ਕੀਤੀ, ਰਿਆਨ ਨੇ ਫੈਸਲਾ ਕੀਤਾ ਕਿ ਉਹ ਸੰਪਰਦਾ ਦੇ ਕੁਝ ਲੋਕਾਂ ਨੂੰ ਆਪਣੇ ਨਾਲ ਲੈ ਕੇ ਅਮਰੀਕਾ ਜਾਵੇਗਾ। ਇਹ ਸੁਣ ਕੇ ਬਾਬਾ ਜੋਨਸ ਪਰੇਸ਼ਾਨ ਹੋ ਗਿਆ। ਉਸ ਨੇ ਚਾਰਟਰਡ ਜਹਾਜ਼ ਵਿਚ ਸਵਾਰ ਹੁੰਦੇ ਹੋਏ ਕਾਂਗਰਸਮੈਨ ਰਿਆਨ ਅਤੇ ਹੋਰਾਂ ‘ਤੇ ਗੋਲੀਆਂ ਚਲਾ ਦਿੱਤੀਆਂ। ਸਾਰੇ ਮਾਰੇ ਗਏ ਸਨ।
ਇਸ ਤੋਂ ਬਾਅਦ ਬਾਬਾ ਫਾਰਮ ਹਾਊਸ ਆਇਆ ਅਤੇ ਸਾਰਿਆਂ ਨੂੰ ਮੁੱਖ ਮੰਡਪ ਵਿੱਚ ਇਕੱਠੇ ਹੋਣ ਲਈ ਕਿਹਾ। ਉਸ ਨੂੰ ਦੱਸਿਆ ਗਿਆ ਕਿ ਅੱਜ ਦਾ ਦਿਨ ਸਵਰਗ ਜਾਣ ਦਾ ਸਭ ਤੋਂ ਵਧੀਆ ਦਿਨ ਹੈ। ਇਸ ਲਈ, ਸਾਰੇ ਪੈਰੋਕਾਰਾਂ ਨੂੰ ਸਵਰਗ ਦੀ ਤਿਆਰੀ ਕਰਨ ਲਈ ਕਿਹਾ ਗਿਆ। ਕੁਝ ਇਸ ਲਈ ਤਿਆਰ ਸਨ ਪਰ ਕੁਝ ਨਹੀਂ ਸਨ।ਇਸ ਤੋਂ ਪਹਿਲਾਂ ਬੱਚਿਆਂ ਨੂੰ ਮਾਪਿਆਂ ਵੱਲੋਂ ਦਿੱਤਾ ਗਿਆ ਜ਼ਹਿਰੀਲਾ ਜੂਸ ਪੀਣ ਲਈ ਮਜਬੂਰ ਕੀਤਾ ਗਿਆ। ਫਿਰ ਬਜ਼ੁਰਗਾਂ ਨੂੰ ਇੱਕ ਲਾਈਨ ਵਿੱਚ ਖੜ੍ਹਾ ਕਰ ਕੇ ਸਾਈਨਾਈਡ ਦਾ ਟੀਕਾ ਦਿੱਤਾ ਗਿਆ। ਜਿਹੜਾ ਵੀ ਇਨਕਾਰ ਕਰਦਾ ਸੀ, ਉਸ ਨੂੰ ਬਾਬੇ ਦੇ ਹਥਿਆਰਬੰਦ ਗਾਰਡਾਂ ਦੁਆਰਾ ਜ਼ਬਰਦਸਤੀ ਟੀਕਾ ਲਗਾਇਆ ਜਾਂਦਾ ਸੀ।ਬਾਬਾ ਜੋਨਸ ਨੇ ਖੁਦ ਜ਼ਹਿਰ ਨਹੀਂ ਪੀਤਾ ਪਰ ਗੋਲੀ ਲੱਗਣ ਨਾਲ ਮਾਰੀਆ ਗਿਆ। ਇਹ ਅੰਦਾਜ਼ਾ ਲਗਾਇਆ ਜਾ ਰਿਹਾ ਸੀ ਕਿ ਉਸ ਨੇ ਆਪਣੇ ਹੀ ਸੁਰੱਖਿਆ ਗਾਰਡਾਂ ਵਿੱਚੋਂ ਇੱਕ ਨੂੰ ਗੋਲੀ ਮਾਰਨ ਲਈ ਕਿਹਾ ਹੋਵੇਗਾ।ਓਡੇਲ ਰੋਡਸ, ਜੋ ਇਸ ਹਾਦਸੇ ਦਾ ਇਕਲੌਤਾ ਬਚਿਆ ਸੀ। ਕਤਲੇਆਮ ਤੋਂ ਕੁਝ ਦਿਨ ਬਾਅਦ ਉਸ ਨੇ ਦ ਵਾਸ਼ਿੰਗਟਨ ਪੋਸਟ ਨੂੰ ਦੱਸਿਆ, “ਇਹ ਬੱਚਿਆਂ ਨਾਲ ਸ਼ੁਰੂ ਹੋਇਆ ਸੀ। ਕੋਈ ਸਮਝ ਨਹੀਂ ਸਕਿਆ ਕਿ ਕੀ ਹੋਇਆ। ਕਿਉਂਕਿ ਉਨ੍ਹਾਂ ਨੂੰ ਇਹ ਕਹਿ ਕੇ ਜ਼ਹਿਰ ਦਿੱਤਾ ਗਿਆ ਸੀ ਕਿ ਇਹ ਸਿਰਫ਼ ਅਭਿਆਸ ਹੈ।ਦੋਂ ਗਯਾਨੀਜ਼ ਅਧਿਕਾਰੀ ਅਗਲੇ ਦਿਨ ਜੋਨਸਟਾਊਨ ਕੰਪਾਊਂਡ ਪਹੁੰਚੇ ਤਾਂ ਉਨ੍ਹਾਂ ਨੇ ਉੱਥੇ ਸੈਂਕੜੇ ਲਾਸ਼ਾਂ ਪਈਆਂ ਦੇਖੀਆਂ। ਕਈ ਲੋਕਾਂ ਨੇ ਇੱਕ ਦੂਜੇ ਦਾ ਹੱਥ ਫੜਿਆ ਹੋਇਆ ਸੀ। ਹਾਲਾਂਕਿ, ਇਸ ਫਾਰਮ ਹਾਊਸ ਦੇ ਕੁਝ ਪੈਰੋਕਾਰ ਖੁਦਕੁਸ਼ੀ ਤੋਂ ਬਚ ਗਏ, ਕਿਉਂਕਿ ਉਹ ਕਿਸੇ ਤਰ੍ਹਾਂ ਉਥੋਂ ਜੰਗਲ ਵਿੱਚ ਭੱਜਣ ਵਿੱਚ ਕਾਮਯਾਬ ਰਹੇ। ਅਮਰੀਕਾ ਵਿੱਚ ਇਸ ਨੂੰ ਜੋਨਸਟਾਊਨ ਕਤਲੇਆਮ ਵਜੋਂ ਜਾਣਿਆ ਜਾਂਦਾ ਹੈ, ਇਹ ਅਮਰੀਕੀ ਇਤਿਹਾਸ ਵਿੱਚ ਸਭ ਤੋਂ ਭਿਆਨਕ ਸਮੂਹਿਕ ਕਤਲਾਂ ਵਿੱਚੋਂ ਇੱਕ ਸੀ।
