ਸਵੀਮਿੰਗ ਪੁਲ ‘ਚ ਨਹਾਉਂਣ ਗਏ ਬੱਚੇ ਦੀ ਡੁੱਬਣ ਨਾਲ ਮੌ+ਤ, ਬੱਚਾ ਡੁੱਬਦਾ ਰਿਹਾ ਲਾਈਫ ਗਾਰਡ ਰਿਹਾ ਫੌਨ ‘ਚ ਬਿਜ਼ੀ

ਗੁਰੂਗ੍ਰਾਮ ‘ਚ ਇਕ 5 ਸਾਲਾ ਬੱਚੇ ਦੀ ਸਵੀਮਿੰਗ ਪੂਲ ‘ਚ ਡੁੱਬਣ ਕਾਰਨ ਮੌਤ ਹੋ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਦਰਦਨਾਕ ਹਾਦਸਾ ਬੀਪੀਟੀਪੀ ਪਾਰਕ ਸਿਰੀਨ ਸੋਸਾਇਟੀ ਵਿੱਚ ਵਾਪਰਿਆ। ਇਹ ਸੁਸਾਇਟੀ ਸੈਕਟਰ 37 ਵਿੱਚ ਸਥਿਤ ਹੈ। ਸੈਕਟਰ-37 ਡੀ ਸਥਿਤ ਬੀਪੀਟੀਪੀ ਪਾਰਕ ਸਿਰੀਨ ਸੋਸਾਇਟੀ ਦੇ ਸਵੀਮਿੰਗ ਪੂਲ ਵਿੱਚ ਬੁੱਧਵਾਰ ਸ਼ਾਮ ਨੂੰ ਪੰਜ ਸਾਲਾ ਬੱਚੇ ਦੀ ਡੁੱਬਣ ਨਾਲ ਮੌਤ ਹੋ ਗਈ। ਇਸ ਦੌਰਾਨ ਪੂਲ ‘ਤੇ ਤਾਇਨਾਤ ਲਾਈਫ ਗਾਰਡ ‘ਤੇ ਲਾਪਰਵਾਹੀ ਦਾ ਦੋਸ਼ ਹੈ। ਦੋਸ਼ ਹੈ ਕਿ ਉਸ ਨੇ ਡੁੱਬਣ ਵਾਲੇ ਬੱਚੇ ਵੱਲ ਧਿਆਨ ਨਹੀਂ ਦਿੱਤਾ।

ਸੁਸਾਇਟੀ ਦੇ ਲੋਕ ਤੁਰੰਤ ਬੱਚੇ ਨੂੰ ਨੇੜਲੇ ਨਿੱਜੀ ਹਸਪਤਾਲ ਲੈ ਗਏ, ਜਿੱਥੇ ਡਾਕਟਰਾਂ ਨੇ ਜਾਂਚ ਤੋਂ ਬਾਅਦ ਬੱਚੇ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਸੈਕਟਰ-10ਏ ਥਾਣਾ ਇੰਚਾਰਜ ਨੇ ਦੱਸਿਆ ਕਿ ਮਾਮਲੇ ਦੀ ਸੂਚਨਾ ਮਿਲ ਗਈ ਹੈ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਜਾਂਚ ਦੌਰਾਨ ਸਾਹਮਣੇ ਆਉਣ ਵਾਲੇ ਸਬੂਤਾਂ ਦੇ ਆਧਾਰ ‘ਤੇ ਕਾਰਵਾਈ ਕੀਤੀ ਜਾਵੇਗੀ।

ਦੱਸ ਦਈਏ ਕਿ ਬੁੱਧਵਾਰ ਸ਼ਾਮ ਸੱਤ ਵਜੇ ਸੁਸਾਇਟੀ ਦੇ ਇੱਕ ਆਰਡਬਲਯੂਏ ਅਧਿਕਾਰੀ ਦਾ  6 ਸਾਲਾ ਪੁੱਤਰ ਸੁਸਾਇਟੀ ਦੇ ਕਲੱਬ ਵਿੱਚ ਸਥਿਤ ਸਵੀਮਿੰਗ ਪੂਲ ਵਿੱਚ ਨਹਾਉਣ ਗਿਆ ਸੀ।

ਇਸ ਦੌਰਾਨ ਬੱਚਾ ਆਪਣਾ ਸੰਤੁਲਨ ਗੁਆ ​​ਬੈਠਾ ਅਤੇ ਡੁੱਬਣ ਲੱਗਾ। ਇਲਜ਼ਾਮ ਇਹ ਹੈ ਕਿ ਪੂਲ ‘ਤੇ ਇਕ ਲਾਈਫ ਗਾਰਡ ਵੀ ਤਾਇਨਾਤ ਹੈ, ਉਨ੍ਹਾਂ ਨੇ ਧਿਆਨ ਨਹੀਂ ਦਿੱਤਾ। ਸੁਸਾਇਟੀ ਵਿੱਚ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ। ਸੂਚਨਾ ਤੋਂ ਬਾਅਦ ਪੁਲਿਸ ਮੁਲਾਜ਼ਮਾਂ ਨੇ ਮੌਕੇ ‘ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।