Skip to content
Sunday, September 8, 2024
Responsive Menu
Support
voiceofpunjabtv.com
News
Search
Search
Home
Punjab
jalandhar
Haryana
Himachal
National
Politics
Bollywood
Entertainment
Sports
Contact Us
Home
2024
July
26
ਜ਼ਮੀਨ ਦਾ ਰੌਲਾ ਵੱਧ ਗਿਆ ਤਾਂ ਪੁੱਤ ਦੇ ਸਾਹਮਣੇ ਭਈਏ ਨਾਲ ਮਿਲ ਕੇ ਕੀਤਾ ਕਿਸਾਨ ਦਾ ਕ.ਤ*ਲ
Crime
Latest News
National
Punjab
ਜ਼ਮੀਨ ਦਾ ਰੌਲਾ ਵੱਧ ਗਿਆ ਤਾਂ ਪੁੱਤ ਦੇ ਸਾਹਮਣੇ ਭਈਏ ਨਾਲ ਮਿਲ ਕੇ ਕੀਤਾ ਕਿਸਾਨ ਦਾ ਕ.ਤ*ਲ
July 26, 2024
Voice of Punjab
ਜ਼ਮੀਨ ਦਾ ਰੌਲਾ ਵੱਧ ਗਿਆ ਤਾਂ ਪੁੱਤ ਦੇ ਸਾਹਮਣੇ ਭਈਏ ਨਾਲ ਮਿਲ ਕੇ ਕੀਤਾ ਕਿਸਾਨ ਦਾ ਕ.ਤ*ਲ
ਵੀਓਪੀ ਬਿਊਰੋ- ਰਾਏਕੋਟ ‘ਚ ਦੋ ਵਿਅਕਤੀਆਂ ਵੱਲੋਂ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰਕੇ ਕਿਸਾਨ ਦਾ ਕਤਲ ਕਰ ਦਿੱਤਾ ਗਿਆ। ਦੋਵੇਂ ਮੁਲਜ਼ਮ ਫਰਾਰ ਹਨ। ਕਤਲ ਦਾ ਕਾਰਨ ਜ਼ਮੀਨ ਦਾ ਸੌਦਾ ਹੈ। ਰਾਏਕੋਟ ਦੇ ਪਿੰਡ ਬਸਰਾਵਾਂ ਵਿੱਚ ਬੁੱਧਵਾਰ ਰਾਤ ਕਿਸਾਨ ਕਮਲਜੀਤ ਸਿੰਘ ਬਿੱਲੂ (55) ਦਾ ਉਸ ਦੇ ਬੇਟੇ ਅਤੇ ਭਤੀਜੇ ਦੇ ਸਾਹਮਣੇ ਕਤਲ ਕਰ ਦਿੱਤਾ ਗਿਆ। ਥਾਣਾ ਸਦਰ ਰਾਏਕੋਟ ਦੀ ਪੁਲਿਸ ਨੇ ਬੀਤੀ ਰਾਤ ਕਰੀਬ 11 ਵਜੇ ਬਿੱਲੂ ਦੀ ਖੂਨ ਨਾਲ ਲੱਥਪੱਥ ਲਾਸ਼ ਮੁਲਜ਼ਮ ਕਿਸਾਨ ਹਰਨੇਕ ਸਿੰਘ ਸੇਖੋਂ ਦੇ ਖੇਤਾਂ ‘ਚ ਪਾਣੀ ਦੀ ਮੋਟਰ ਵਾਲੀ ਬਿਲਡਿੰਗ ਨੇੜਿਓਂ ਬਰਾਮਦ ਕੀਤੀ। ਬਿੱਲੂ ਦਾ ਕਤਲ ਕਰਨ ਤੋਂ ਬਾਅਦ ਮੁਲਜ਼ਮ ਹਰਨੇਕ ਸਿੰਘ ਸੇਖੋਂ ਅਤੇ ਉਸ ਦਾ ਨੌਕਰ ਫ਼ਰਾਰ ਹੋ ਗਏ ਹਨ।
ਮੁਲਜ਼ਮ ਹਰਨੇਕ ਸਿੰਘ ਸੇਖੋਂ ਆਪਣੀ ਜ਼ਮੀਨ ਦੇ ਨਾਲ ਲੱਗਦੀ ਬਿੱਲੂ ਦੀ ਕਰੀਬ ਚਾਰ ਏਕੜ ਜ਼ਮੀਨ ਖਰੀਦਣਾ ਚਾਹੁੰਦਾ ਸੀ ਪਰ ਬਿੱਲੂ ਉਸ ਨੂੰ ਜ਼ਮੀਨ ਦੇਣ ਲਈ ਤਿਆਰ ਨਹੀਂ ਸੀ। ਇਸ ਤੋਂ ਨਾਰਾਜ਼ ਕਿਸਾਨ ਹਰਨੇਕ ਸਿੰਘ ਸੇਖੋਂ ਨੇ ਆਪਣੇ ਨੌਕਰ ਵਿਕਾਸ ਲਾਲ ਯਾਦਵ ਨਾਲ ਮਿਲ ਕੇ ਬਿੱਲੂ ਦਾ ਕਤਲ ਕਰ ਦਿੱਤਾ।
ਮੁਲਜ਼ਮਾਂ ਨੇ ਉਸ ਦੇ ਲੜਕੇ ਜਸਪ੍ਰੀਤ ਸਿੰਘ ਅਤੇ ਭਤੀਜੇ ਇੰਦਰਜੀਤ ਸਿੰਘ ਦੇ ਸਾਹਮਣੇ ਬਿੱਲੂ ਦੇ ਸਿਰ, ਕੰਨਾਂ ਅਤੇ ਬਾਹਾਂ ’ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਕਈ ਵਾਰ ਕੀਤੇ। ਪੁਲਿਸ ਨੇ ਮ੍ਰਿਤਕ ਦੇ ਪੁੱਤਰ ਜਸਪ੍ਰੀਤ ਸਿੰਘ ਦੇ ਬਿਆਨਾਂ ’ਤੇ ਹਰਜੀਤ ਸਿੰਘ ਵਾਸੀ ਸੇਖੋਂ ਪਿੰਡ ਫੁੱਲਾਂਵਾਲ (ਲੁਧਿਆਣਾ) ਅਤੇ ਨੌਕਰ ਵਿਕਾਸ ਲਾਲ ਯਾਦਵ ਵਾਸੀ ਮੁਜ਼ੱਫਰਨਗਰ ਬਿਹਾਰ ਖ਼ਿਲਾਫ਼ ਕੇਸ ਦਰਜ ਕਰਕੇ ਭਾਲ ਸ਼ੁਰੂ ਕਰ ਦਿੱਤੀ ਹੈ।
ਜਸਪ੍ਰੀਤ ਸਿੰਘ ਨੇ ਪੁਲਿਸ ਨੂੰ ਦੱਸਿਆ ਕਿ ਹਰਜੀਤ ਸਿੰਘ ਸੇਖੋਂ ਉਸ ’ਤੇ ਜ਼ਮੀਨ ਖਰੀਦਣ ਲਈ ਲਗਾਤਾਰ ਦਬਾਅ ਪਾ ਰਿਹਾ ਸੀ ਪਰ ਉਹ ਜ਼ਮੀਨ ਵੇਚਣਾ ਨਹੀਂ ਚਾਹੁੰਦਾ ਸੀ। ਕਮਲਜੀਤ ਸਿੰਘ ਬਿੱਲੂ ਬੁੱਧਵਾਰ ਰਾਤ ਨੂੰ ਸਾਈਕਲ ‘ਤੇ ਖੇਤ ਗਿਆ ਸੀ। ਜਦੋਂ ਉਹ ਰਾਤ 10 ਵਜੇ ਤੱਕ ਵਾਪਸ ਨਹੀਂ ਪਰਤਿਆ ਤਾਂ ਜਸਪ੍ਰੀਤ ਆਪਣੇ ਚਾਚੇ ਦੇ ਲੜਕੇ ਇੰਦਰਜੀਤ ਸਿੰਘ ਸਮੇਤ ਉਥੇ ਪਹੁੰਚ ਗਿਆ। ਉਥੇ ਹਰਨੇਕ ਸਿੰਘ ਸੇਖੋਂ ਨੇ ਕਮਲਜੀਤ ਸਿੰਘ ਬਿੱਲੂ ਨੂੰ ਫੜਿਆ ਹੋਇਆ ਸੀ ਅਤੇ ਉਸ ਦਾ ਨੌਕਰ ਵਿਕਾਸ ਯਾਦਵ ਉਸ ‘ਤੇ ਹਥਿਆਰਾਂ ਨਾਲ ਹਮਲਾ ਕਰ ਰਿਹਾ ਸੀ।
ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਵਿਕਾਸ ਲਾਲ ਯਾਦਵ ਅਹਿਮਦਗੜ੍ਹ ਮੰਡੀ ਤੋਂ ਪਿੰਡ ਛੰਨਾ ਰਾਹੀਂ ਫਰਾਰ ਹੋ ਗਿਆ। ਰਸਤੇ ਵਿੱਚ ਉਸਦਾ ਬੈਗ ਵੀ ਮਿਲਿਆ। ਪੁਲਿਸ ਨੂੰ ਬੈਗ ‘ਚੋਂ ਹਥਿਆਰ ਵੀ ਮਿਲੇ ਹਨ ਪਰ ਕਤਲ ਕਿਸ ਨੇ ਕੀਤਾ ਸੀ, ਇਸ ਦੀ ਰਿਪੋਰਟ ਦੀ ਉਡੀਕ ਹੈ। ਮ੍ਰਿਤਕ ਦੀ ਪਤਨੀ ਵੀਰਪਾਲ ਕੌਰ ਅਤੇ ਪੁੱਤਰ ਜਸਪ੍ਰੀਤ ਨੇ ਦੋਸ਼ੀਆਂ ਦੀ ਗ੍ਰਿਫਤਾਰੀ ਤੱਕ ਅੰਤਿਮ ਸੰਸਕਾਰ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ।
Post navigation
ਨਸ਼ੇ ਸਮੇਤ ਫੜੇ ਅੰਮ੍ਰਿਤਪਾਲ ਸਿੰਘ ਦੇ ਭਰਾ ਨੂੰ ਮਿਲੀ ਜ਼ਮਾਨਤ, 16 ਦਿਨ ਬਾਅਦ ਆਵੇਗਾ ਬਾਹਰ
ਚੂੜੇ ਵਾਲੀ ਚੋਰਨੀ ਤੋਂ ਰਹੋ ਬੱਚਕੇ, ਜੁਲਫਾ ਲਹਿਰਾਉਂਦੀ ਆਈ, ਸਕੂਟਰੀ ਨੂੰ ਚਾਬੀ ਲਾਕੇ ਹੋ ਗਈ ਛੂ-ਮੰਤਰ
error:
Content is protected !!
Free PS4 Emulator
#1 PS4 Emulator for Windows
Visit Us Now !
PS4 EMULATOR
X
WhatsApp us