ਪੰਜਾਬ ‘ਚ ਵਿਆਹ ਸਮਾਗਮ ਲਈ ਆ ਰਹੇ ਹਿਮਾਚਲ ਦੇ ਪਰਿਵਾਰ ਦੀ ਕਾਰ ਤੇਜ਼ ਪਾਣੀ ‘ਚ ਰੁੜ੍ਹੀ, 10 ਲੋਕਾਂ ਦੀ ਮੌ×ਤ
ਵੀਓਪੀ ਬਿਊਰੋ- ਪੰਜਾਬ ਵਿੱਚ ਅੱਜ ਕਈ ਜਗ੍ਹਾ ਭਾਰੀ ਮੀਂਹ ਪਿਆ।ਇਸ ਦੌਰਾਨ ਜਿੱਥੇ ਕਈ ਇਲਾਕੇ ਪੂਰੀ ਤਰਹਾਂ ਜਲ ਮਗਨ ਨਜ਼ਰ ਆਏ, ਉੱਥੇ ਹੀ ਹਿਮਾਚਲ ਵਿੱਚ ਵੀ ਭਾਰੀ ਮੀਂਹ ਨੇ ਕਾਫੀ ਤਬਾਹੀ ਮਚਾਈ ਹੈ। ਗੱਲ ਕਰੀਏ ਅੱਜ ਹਿਮਾਚਲ-ਪੰਜਾਬ ਦੇ ਕੌਮਾਂਤਰੀ ਬਾਰਡਰ ਦੀ ਤਾਂ ਹੁਸ਼ਿਆਰਪੁਰ ਜਿਲੇ ਦੇ ਜੈਜੋ ਨੇੜੇ ਭਾਰੀ ਮੀਂਹ ਕਾਰਨ ਚੋਅ ‘ਚ ਵੱਗ ਰਹੇ ਤੇਜ਼ ਪਾਣੀ ਵਿੱਚ ਇੱਕ ਇਨੋਵਾ ਕਾਰ ਰੁੜ ਗਈ। ਇਸ ਕਾਰਨ ਕਰੀਬ 10 ਲੋਕਾਂ ਦੀ ਮੌਤ ਹੋ ਗਈ।
ਦੱਸਿਆ ਜਾ ਰਿਹਾ ਹੈ ਕਿ ਇਨੋਵਾ ਵਿੱਚ ਸਵਾਰ ਸਾਰੇ ਲੋਕ ਹਿਮਾਚਲ ਪ੍ਰਦੇਸ਼ ਦੇ ਰਹਿਣ ਵਾਲੇ ਸਨ ਅਤੇ ਇਹ ਸਾਰੇ ਲੋਕ ਅੱਜ ਹਿਮਾਚਲ ਪ੍ਰਦੇਸ਼ ਤੋਂ ਪੰਜਾਬ ਦੇ ਨਵਾਂਸ਼ਹਿਰ ਨੇੜੇ ਕਿਸੇ ਵਿਆਹ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ ਆ ਰਹੇ ਸਨ।
ਜਦ ਇਹ ਸਾਰੇ ਲੋਕ ਹੁਸ਼ਿਆਰਪੁਰ ਪਹੁੰਚੇ ਤਾਂ ਉੱਥੇ ਜੈਜੋ ਦੁਆਬ ਨੇੜੇ ਚੋਅ ਵਿੱਚ ਪਾਣੀ ਦੇ ਤੇਜ਼ ਵਹਾਅ ਵਿੱਚ ਇਨ੍ਹਾਂ ਦੀ ਗੱਡੀ ਰੁੜ੍ਹ ਗਈ। ਇਸ ਦੌਰਾਨ ਇਨ੍ਹਾਂ ਸਾਰੇ ਲੋਕਾਂ ਦੀ ਮੌਤ ਹੋ ਗਈ।
